Biblica® IBhayibhili Elingcwele LesiNdebele Elifinyelelekayo

AmaHubo 124

Ingoma yemiqanso. ElikaDavida.

Aluba uThixo ubengemanga lathi

yekela u-Israyeli atsho njalo,

aluba uThixo ubengemanga lathi,

lapho sasihlaselwa ngabantu,

lapho ulaka lwabo lwalutshisa ngathi

ngabe basiginya siphila;

ngabe izikhukhula zasigalulisa,

umsinga wawuzasikhukhula,

amanzi ayabulayo

ayezasikhucula.

Udumo kalube kuThixo

ongasiyekelanga sadlithizwa ngamazinyo abo.

Siphunyukile njengenyoni

emjibileni womthiyi;

umjibila uqamukile

sahle saphunyuka.

Usizo lwethu lusegameni likaThixo

uMenzi wezulu lomhlaba.

Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-10-25.