Biblica® IBhayibhili Elingcwele LesiNdebele Elifinyelelekayo
AmaHubo 126
Ingoma yemiqanso.
Kwathi lapho uThixo ebuyisa izithunjwa eZiyoni,
sasinjengabantu abaphuphayo.
Imilomo yethu yayigcwele ngohleko,
lezindimi zethu zicula izingoma zentokozo.
Basebesithi abezizwe,
“UThixo ubenzele izinto ezimangalisayo.”
UThixo usenzele izinto ezimangalisayo,
ngakho siyathokoza kakhulu.
Buyisa ukuphumelela kwethu, Oh Thixo,
njengemifula eseNegebi.
Labo abahlanyela ngezinyembezi
bazavuna ngezingoma zentokozo.
Lowo ophuma ekhala,
ethwele inhlanyelo ukuba ayehlanyela
uzabuya ngezingoma zentokozo,
ethwele izinyanda.
Biblica® IBhayibhili Elingcwele LesiNdebele Elifinyelelekayo. Copyright © 2003, 2006, 2022 Biblica, Inc. Licensed under CC BY-SA 4.0. “Biblica” is a trademark registered in the United States Patent and Trademark Office by Biblica, Inc. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.