गिनती 35

लेवीन हियोर

11

पुशो यहोवा, मोआब ने अराबा माय यरीहोन आहने यरदन नेदीन दिड़े मुसाह केयो, 2“इस्राएली माणहाह उकुम आप काय तुमू आप आपणा सोतान जागा माय रेन लेवीह रेणेन केरता गावे आपज्यो, एने हेयरान कावदेन चाराय बी ताह आपज्यो। 3गावे ते ताह रेणेन केरता एने चारायीन जागो तान गाय बुयोल, मेंड्रा बोकड्यान केरता, एने तान आखा जेनवारान केरता रेय। 4एने गावान चारनेन जागा, जाह तुमू लेवी माणहाह आपहो, तो एकेक हेयरान बितड़ान बाहेर, कावदेन एक एजार आथान रेय। 5एने गावान बाहेर, पुर्व, पश्‍चिम; दक्षिण एने उत्तर उगे, दुय एजार आथ2 इह केरीन मापज्ये काय हियोर विची माय रेय, लेवीन एकेक हेयरान चाराय ओलास जागान रेय। 6एने जा गावे तुमू लेवी माणहाह आपहो, ता माय रेन सोव आसरान हियोर रेती, जा एगदो माणुह, जो एगदान खुन किरेल एय, ताहार तो वोचणेन केरता ता हेयरा माय नाहीन जाय सिकेह, एने ताह रेन वोदार बेचाड़ीस हेयरे उंजु बी आपज्यो। 7जोला गावे तुमू लेवीह आपहो, ता आखा आड़ोतीस रेती, एने ता हेऱ्या चारायीन जागो आपज्यो। 8एने जा गावे तुमू इस्राएलीन सोतान जागा माय रेन आपो, तेवी जान जुलूम हियोर रेती, ताह जुलूम, एने जान थोड़ास हियोर रेती, ताह थोड़ाच आपज्यो; आखा आप आपणा हेयरा माय रेन, लेवीह तास ने ईसा पारमाणे आपज्ये।”

खुनीन केरता आसरान गावे

(व्यवस्था 19:1-13; यहोशु 20:1-9)

93

ओवतो यहोवा मुसाह केयो, 10इस्राएली माणहाह के, “जेवी तुमू यरदन नेदी पार केरीन कनान देसा माय पुचहो, 11तेवी तुमरी केरता ओहला हियोर ठेरावज्ये, जा तुमरी केरता आसरान हियोर रेती, जो कुण एगदाह बुल माय मारीन खुनी ठेरायेल हे, तो ताहरी नाह जाय। 12ता हेयरे तुमरी केरता बुदलो लेणारान आसरो लेणेन काम आवती, काय जाह वोर खुनी नियाव ने केरता मोंडलीन सामने नाय उब रेय, ताह वोर तो नाय माराय। 13एने जा हियोर तुमू आपहो, ता सोव आसरान हियोर रेती, 14तुमू आसरान हेयरान केरता यरदन नेदीन ती पार तीन हियोर एने कनान देसा माय तीन रेती, 15ज्या सोव हियोर इस्राएली एने तुमरी हेऱ्या रेणारे परदेसी माणहान केरता आसरान जागो ठेराय, एने जो कुण एगदाह बुल माय मार टाक्‍यो एय, ते तो तीच जागे नाह जाय।”

16पुण केदी एगदो एगदाह लोड़ान आथ्‍यारा केरीन ओहलो देय काय तो मोर जाय, ताहार तो खुनी ठेराय; एने तो खुनी खेरीच माराय जाय। 17पुण केदी इखेह ओहलो दिगोड़ आथाम लेन, जा से एगदो मोर सिकेह, एगदाह देय, एने तो मोर जाय, ताहार तो बी खुनी ठेराय; एने तो खुनी खेरीच माराय जाय। 18केदी तो तान आथाम वाला लाकड़ा केरीन देणे से मोर सिकेह, एगदाह देय, एने तो मोर जाय, ताहार तो देणार खुनी हे, एने तो खुनी खेरीच माराय जाय। 19खुनान बुदलो लेणार सोताच ता खुनीह मार टाके, एने जे दिह तो सापड़ी ते दिहच तो ताह मार टाके।

20एने केदी एगदो एगदाह दुसमोनाय केरीन देखली देय, एने लिकीन काह ता पोर इह केरीन जुगार देय काय तो मोर जाय, 21एने ती दुसमोनी माय ताह तान आथा केरीन ओहलो देय काय मोर जाय, ताहार जो माऱ्यो एय तो खेरीच माराय जाय, तो खुनी ठेराय; खुनान बुदलो लेणार जुलबूखे बी तो खुनी ताह सापड़ी जाय, तुलीसबूखे तो ताह मार टाके।

22पुण केदी एगदो कुणीह बिगेर सोचेल, एने बिगेर दुसमोनी मिलेल देखली देय, नाहते बिगेर चेड़ाय किरेल ता पोर काह जुगार देय। 23नाहते ओहलो एगदो दिगोड़ लेन, जा केरीन एगदो मोर सिकेह, दिहराह बिगेर देखीन ता पोर जुगार देय, एने तो मोर जाय, पुण तो नाह तान दुसमोन एय, एने नाह तान नुकसानीन होदवाल्यो रिनो एय। 24ताहार मोंडली मारनारान एने खुनान बुदलो लेणारान विचीम ज्या नेमान गेत नियाव किरे। 25एने मोंडली ता खुनीह खुनान बुदलो लेणारान आथाम रेन वोचाड़ीन ता आसरान हेयरा माय जाहरी तो पेल नाह गीयो एय मोकेल दे, एने जाह वोर चोखाला तेला केरीन अबिशेक किरेल मुखी चाकर्‍यो नाय मोर जाय, ताह वोर तो ताच रेय। 26पुण केदी तो खुनी आसरान हेयराम एद्दी माय रेन जा माय तो नाह गीयो एय, बाहेर निकलीन दिहरी जागे जाय, 27एने खुनान बुदलो लेणार ताह आसरान हेयरान एद्दीन बाहेर सापड़ावीन मार टाके, ताहार तो लुय वोयाड़नेन दोसी नाय ठेराय। 28काहाकाय खुनीह मुखी चाकर्‍यान मोत वोर आसरान हेयरा माय रेणे जुवे; एने मुखी चाकर्‍यान मोरनेन बाद तो तान सोतान जागा माय जाय सेकी। 29तुमरी पिढीन पिढ़ी माय तुमरा आखा रेण्या जागा माय नियावान ज्यी रिती रेय। 304

“एने जो कुण एगदा माणहाह मार टाके तो जुलूम पुरावान केणे से माराय जाय, पुण एकुच पुरावो देणार पुरावा से कुण नाय माराय जाय। 31एने जो खुनी मोत डेन्ड ने लायेक ठेराय, ताह मोत डेन्ड ने बोदले, डेन्ड मा लिहो; तो खेरीच माराय जाय। 32एने जो एगदा आसरान हेयरा माय नाठो एय, तान केरता बी ज्यी मतलब से डेन्ड मा लिहो, काय तो चाकऱ्याह मोरनेन पेल तान देसा माय रेणेन जाणे जुवे। 33केरीन जा देसा माय तुमू रिहो ताह एठो मा किरहो, खुना केरीन ते देस एठो एय जाथे, एने जा देसा माय जेवी खुन केराय जाय, तेवी फोक्‍तो खुनीन लुय वोयाड़ने सेस ता देसान पासतावो एय सिकेह। 34जा देसा माय तुमू रिहो तान विची माय मी रेह, ताह एठो मा किरहो; मी यहोवा ते इस्राएलीन विचीम रेथु।”