यहोशु 9

गिबोनीन यहोशुह दुको देणे

1यरदन नेदीन पश्‍चिम वाला एक एक राजा ज्यी गेटनान बाराम होमल्या, ज्या हित्ती, एमोरी, कनानी, परिज्जी, हिव्वी, एने यबूसी माणहान राजा एता; ता बोयड़ावाला देसाम एने चोवगानाम रेताला, एने लबानोन ने देरीयान देड़े रेताला। 2ता आखा राजा एकठा टोलवाना, ता यहोशु एने इस्राएल ने माणहा हेऱ्या लेड़ाणेन योजना बाणाया।

3जेवी गीबोन ने माणहे ती गेटनान बाराम होमल्या काय यहोशु यरीहो एने आई हेयरा हिऱ्यो काय काय किरेल इतो। 4केरीन ता इस्राएल ने माणहाह दुको देणेन ठेराया, ता वाटीन केरता रूटो तियार केर लेदा, एने राजदुतान वेह बाणावीन तान गेदड़ा पोर जुनाला गोंटा, एने जुनाला फाटील एने ठिगला लागाड़ेल अंगुरान बाटल्यु लाद्या; 5एने ता तान पायाम थिगला लागेल जुनाला खाहड़ा पेर लेदा, एने डिला पोर जुनाला फाड़का पेर लेदा; एने तान खाणेन केरता हुकेल बुरठायेल रोटा लेय लेदा। 6तेवी ता गीलगाल ने पाड़ावा माय यहोशु फाय जायीन ताह एने इस्राएली एदम्याह केया, “आमु सेटाले देस रेन आयेल हेते; केरीन एवी तुमू आमरी हेऱ्या वाचा बांदो।” 71

इस्राएली एदमी ता हिव्वीह केया, “काय जाणु तुमू आमरे विची मायच रेतेती; ओवता आमु तुमरी हेऱ्या वाचा किहीक बांदे?”

8हिव्‍वी माणहे यहोशुह केया, “आमु तारा सेवक हेते।” तेवी यहोशु ताह केयो, “तुमू कुण हेते?”

9ता यहोशुह केया, “आमु तारा सेवक हेते, आमु एक जुलूम सेटाला देस रेन आयेल हेते; आमु ज्यानकेरता आयेल काय आमु तुमरा बोगवान यहोवान मोटली ताकेतीन बाराम होमलेल हेते। आमु तो आखो होमलेल हेते, जो तो मिस्र माय किरेल। 102एने आमु ज्‍य बी होमल्या काय तो यरदन नेदीन ती पार पुर्व दिशा माय दुय एमोरी माणहान राजाह आरव्‍यो, हेशबोन ने राजा सीहोन एने अशतारोतान देसाम बाशान ने राजा ओग एता। 11तेवी आमरा डायडाया माणहे एने आमरा देसाम रेणारे आखा माणहे आमुह केया, वाटीन केरता तुमरी हेऱ्या खाणो लेन ताह मिलने जावो, एने ताह किज्यो काय आमु तुमरा सेवक हेते; केरीन एवी तुमू आमु हेऱ्या वाचा बांदो। 12आमरा रोटा दिखो! आमु गेर रेन तुमरी फाय आवणेन निकल्‍या तेवी ज्या ताताला एने ताबाला एता; पुण एवी दिखो, आज ज्या हुक जायेल हेते, एने न्या माय बुरठी लाग जायेल हे। 13एने जा अंगुर ने रूहान बाटल्यु आमु बोर लियेल एता, तेवी त्यु नोवाल्‍यु एत्यु, पुण एवी त्यु फाट जायेल हेत्यु; एने आमरा ज्या फाड़का एने खाहड़ा जुलूम लांब यात्रान वोजेसे जुनाला एय जायेल हेते।”

14तेवी इस्राएल ने माणहे बोगवानाह बिगेर फुसीन खाणा माय रेन थोड़ोक लेय लेदा। 15तेवी यहोशु ता हिऱ्यो मेल केरीन ताह जीवतालो सोड़ देणेन वाचा बांद्यो एने मोंडलीन मुखी माणहे यहोशु से सुगोण खादा।

16एने ता हेऱ्यी वाचा बांदणेन तीन दिह्यान बाद इस्राएल ने माणहाह मालुम पोड़नो काय, ज्या आपणे आहेंल्या एन आपणे विचीम रेणारे हेते। 17केरीन इस्राएल ने माणहे तीसरे दिह ताहरी गीया, जाहरी ता माणहे रेताला, इस्राएल ने माणहे गीबोन, कपीरा, बेरोत एने किर्यत्यारीम हेयराम आवा। 18पुण इस्राएल ने माणहे ताह नाह माऱ्या, काहाकाय मोंडलीन मुखी माणहे इस्राएल ने बोगवान यहोवान सुगोण खायेल एता। तेवी आखी मोंडलीन माणहे मुखी माणहान विरूद कुरकुर केरने बाज गीया। 19तेवी आखा मुखी माणहे आखी मोंडलीह केया, “आमु तान सामने इस्राएल ने बोगवान यहोवान सुगोण खायेल हेते, केरीन एवी ताह सापेल नाह सेकते। 20आपु ता हेऱ्या ज्‍योस केरहु काय ताह जीवताला सोड़ देहु, केदी ओहलो नाय एय काय ता खायेल सुगोणान वोजेसे आमु पोर बोगवानान राग बोड़ेक उठे।” 21मुखी ताह उंजु केया, “केरीन ताह जीवताला रेणे दिवो, ता आपणी केरता लाकड़े काटती एने आपणे आखान केरता पाणी बोरती।”

22यहोशु ताह हादिन केयो, “तुमू आमरे विचीम रेते लेन आमु जुलूम सेटाला हेते, इहकेरीन केन आमुह काहा ठिगेल? 23केरीन एवी तुमूह इहकेरीन हाराप हे, एने तुमरे माय रेन ओहलो कुण नाय रेय जो सेवक, मतलब मारा बोगवानान गेरान केरता लाकड़ा तोड़णारे एने पाणी बोरणारे रेती।”

24गीबोनी माणहे यहोशुह जापाप आप्या, “आमु तुवाह जुठ बोल्या काहाकाय आमुह बिय एती काय तु आमुह ते नाय मार देय, आमु होमलेल काय बोगवान तान सेवक मुसाह ज्‍यो उकुम आपेल इतो काय ता तुमूह ज्‍यो आखो देस आप देय, एने बोगवान तुमूह ता देसाम रेणाराह आखा माणहाह मारनेन कियेल; केरीन आमु तुवाह ठिगेल। 25एने एवी आमु तारा ताबाम हेते, जोहलो वेवार तुवाह ठिक लागे, तोहलोच वेवार आमरी हिऱ्यो केर।” 26केरीन गीबोन ने माणहे सेवक बोण गीया, पुण यहोशु तान जीवाय वोचाड्यो; यहोशु इस्राएल ने माणहाह ताह मारने नाह दिनो। 27पुण यहोशु ते दिहस मोंडलीन केरता, एने जो जागो यहोवा निवाड़ लेय ताम तान वेदीन केरता, लाकड़े काटणारे एने पाणी बोरनारे निवाड़ केर दिनो, जीहे आज वोर हे।