Leidung 53

Keyi ketei migede bam ma

Kenlang leibungkekwame ziemne; Mahalath ga teleilu. David gu maschil ge.

1Kemieme ge pe nlung gade rangla, “Tinggwang au gah.”

Penui au mau dida nah mingau kenghet kesiadung tei dida;

keyi keteime cika bamsi meda.

2Tinggwang tinggim gade pie nghung la minadung de

migede cika pecu cimi cimebi kecu piebam eh,

cauge pecu peeila bi kecu.

3Penui pelane nreutet di.

Penui pelane mau bam dida.

Cika hangge de keyi ketei bam meda, hangge de gah.1

4Kemau tei kelame aidungde made ci lama,

a minadung de penui au tangku ketyei nzwa mnwa kelame

nah penui Tinggwang de qula meni?

5Penui kengngi kedi ga bam, ngngi kera pekie bam swa meliede;

kedanemene caugame nnui ramzeuki de renia cuh bi Tinggwang penui radung teizang dizie;

mina cinkenzwa de hengam gage kaidi zie kedanemene Tinggwang penui de pütti da.

6Oh, Israel de kelikelu au Zion gade gwang zie!

Tinggwang pe minadung de hebaang ketei gade ngngwa cailigwang kecudau,

iciu cai Jacob pesuiyi dizie nah Israel da suiyibe bam zie!2