Leidung 54

RAMPAUBE a teilung teucuh beula

Kenlang leibungkekwame ziemne; peria ketei leibungdung ga. David gu maschil ge; Ziphime Saul da gwang nah rang eh, “Anui dade David pekatei pecu kebai meni?”

1Acu kelibeulo, Tinggwang, n zi gade,

nah n kengkieng gade acu tiaklu.

2A kekie kingneilo, Tinggwang;

a mui gade kepet samdung de ngking gailo.

3Kedanemene sangme acu teitsetdi kera renia cuh bam dida,

nah ngaugia kega minadung acu teitset zie lie peeila dida;

penui Tinggwang de penui dwa gage kailu ma. Selah

4Pielo, Tinggwang acu kenghabe;

Rampaube acu gumbeu bammui kelabe da.

5Tinggwang a ngauraume de kesiabe le ziehi tei beuzie;

n kenlum gade, penuide ngkapdi!

6Ih mta mapeu le pwa ncu ratak teibeu zie;

Ih n zi de hetwa peu zie, RAMPAUBE, cide yi kecu ziemne.

7Kedanemene keherei leune gade pa acu kelibeu da;

a ngauraume dade ngking kelu a miak le ngau.