2 Samuel

2 Samuel

Rik tekah mih laiklow

Mami bowih rui miia dow aming tukah dowi chekhai; nachenganchepaw risi Samuel naown kown mih sakowmra uowi. Now arui khin dow 1,000-900 BC takra kowi chekhai. Mami bowih auown khe dow 1 Samuel bowih hown abowih sang chowdiah. Tawkche akung kowi nami dow changah pre buk khai. Mami bowih dow 1 Samuel bowih kowi kowh laiklow chawn chekhai. Mami bowih kowi arui lang uowi mih dow mang David chownglawng lawnguan chekhai.

CHAKRAMANG kloah kung kowi David mih ahuma cham awng tasen khai, now Israeluüa luk kowi chowm mang khai. Jerusalem marow dow aia thawpah mih marow kri chekhai. Nami marow kowi dow aia mih thawp mang kim lowk khai, now sangbowk laitawm tawkpla paw nakowi aia towah khai. David kowi dow CHAKRAMANG mih chowngchowng saksakma aia kowh krungchakuüa naka mang rah kownkow khamah khai. Tawkche akung kowi aia chang ngak rakowi aia kowi mih CHAKRAMANG kunmarauah khai. Angak rakowi aia kimchakuüa dow taset plawt khai.

2 Samuel bowih kowi kowh David chownglawng hownia tasangra uowi mih dow Thurai kowi owmsakra hownia ka kür mih hai Lai üara hownia phih uang ting reng pami chekhai.

Auan tuk takla mih laiklow

Singku huamang: Singku huamang pami dow hua aiukma hai akhi akhawtma mih kowi tek pe mih chekhai.

Pawitang: Pawitang pami dow singh hown kowh thawpah mih prowng chekhai.

Awmrawm sung: Awmrawm sung pami dow lowra lup chang kowi awng khe awmrawm kowh maru pe mih uanh chekhai.

Ana pek: Ana pek pami dow achün takla ngengche mih laiklow chekhai. Ana pek laiklow dow chün dowi now ripra uowi chekhai.

Alak kowi kowh uowi mih lawnguan

Judauüa luk kowi David chowm mang mih 1:1-4:12

Israeluüa maten luk kowi David chowm mang mih 5:1-24:25

Uown chowm mang mih 5:1-10:19

David hai Betseba 11:1-12:25

Piakra uang ting mih 12:26-20:26

David kowh mangra chur pra kowh ni 21:1-24:25