ዋንሳ ቆንጭ 6

ማታምታይ ዶይንቶ

1ዱራይ ላፑን ማታምታይፕ ፐታ ዶዮዳር በኤዛ። ማ ኦይዲ መትታይፕ ፐታይ፥ ዳዳ ጋርክ ጉምር፥ «Ꮊና የኦባ!» ዬጎዳር ታ ስኤዛ። 2የይፕ ቦ ፋራ ታ በኤዛ። የ ፋራ ቶጌዛይ ዶንገ አይኬዛ፤ ኤ ኦማይስ ዛዉደ እንግንቴዛ። ኤካ ጋምዛያ ማቂ ጋምፕ ጋምኮ Ꮊማዳይስ ከዜዝ።1

3ማ ዱራይ ናምእን ማታማ ዶዬዝ ዎደ ናምእን መትይ፥ «Ꮊና የኦባ!» ዬጎዳር ስኤዛ። 4ማ ሀራ ስሃ ዞቆ ፋራ ከዜዝ። የ ፋራ ቶጌዛይስ ቢታላፕ ሳሮ ብሶዳይ ጋርከኔ አሳይ ዎል ዉርሶዳይ ጋርክ ማዉተኔ ግታ ማሻ እንግንቴዛ።2

5ዱራይ ሀይን ማታማ ዶዬዝ ዎደ ሃይን መትይ፥ «Ꮊና የኦባ!» ዬጎዳር ታ ስኤዛ። የይፕ ካር ፋራ ታ በኤዛ፤ ፓራይል በቴዛይ ፋ ኩጬ ምዛነ አይኬዛ3። 6ኦይዲ መትታይ ጋንጨፕ ከዜዝ ጊር፥ «ባጋ ክሎ ግስተ፤ ፐቲ ድናረ፥ ማካ ፐቲ ክሎኔ ባጋ ባንጋ ፐቲ ድናረ ማቆ። ዝን ዛይተኔ ዎይነ ቆህፐ» ዬጎዳር ስኤዛ።

7ዱራይ ኦይድን ማታማ ዶዬዝ ዎደ ኦይድን መትይ፥ «Ꮊና የኦባ!» ዬጎዳር ስኤዛ። 8የይፕ ጫምፓ ፋራ ታ በኤዛ። የ ፋራ ቶጌዛይ ሱንይ Ꮊይቆ፤ ኤ ላሳ ስኦለ ካልዛ። ኡንትስ አላማይስ ስካ ኦላ፥ ናየ፥ ጋዶራኔ ዶአር ዎሶዳይ ጋርክ ማዉተ እንግንቴዛ።4

9ዱራይ እችን ማታማ ዶዬዝ ዎደ ኡንቲ ጾስ ቃላ ኦዴዝ ግሾኔ ፋ ማርካትይር አማንንቴዝ ግሾስ ሹክንቴዝ አሳይ ሸምፕታይ ያርሾ አቆፕ ኦሞ የዛና ታ በኤዛ። 10ኡንቲ ፋ ቃላ ቅ ኡዲ፥ «ኡባ ሞድዝ ጎዳዮ፥ ጌሻዮ፥ ቱማንቻዮ፥ ሳአ የዝ አሳይል አፋ ነ ፕርዶዳይኔ ኑ ሱይ ግሾስ ኩሸ ከሶዳይ አይዴ?» ዬጌዛ። 11ኡንትስ ፐታይስ ፐታይስ ቦ አዱስ ማኦ እንግንቴዛ። ኡ ጋርክ ሀኒ Ꮊይቆዳይስ ቤዝዛ ኡ አይልታይ ዣምታይኔ እሽታይ ታይባይ ኩሞድ ሄሎዳይስ ጽቃ ዎደ ሸምፖዳይ ጋርክ ኡንትስ ኦድንቴዛ።

12ዱራይ ኡሱፑን ማታማ ዶዬዝ ዎደ ታ በኤዛ፤ ቢታ ዎልቃማ ኤንኦ ኤንኤዛ። አዋ ኣፋይ ካርቲ ካያ አፍላ ኣዝዛ። አግናይካ ዞቂ ሱ ማቄዛ።5 13ዎልቃማ ጫርኮ ጫርኪ ባላሰ ም ኤንእስን ቃምኤ ኣፋይ ጉፍዛይ ጋርክ ሳሎ ጾልንትታይ ሳአል ጉፌዛ።6 14ሳላይ ጻ ማጻፈ ጋርክ ጻጽንቲ ኣዛ፤ አምብታይኔ ሃር ማርንቴዝ ቢትታይ ፋ አቃይፕ ቤዛ።7 15ጋደ ካትታይ፥ ጋደ ሀርዝታይ፥ ኦላ ካልዝታይ፥ ዱርታይ፥ ዎልቃምታይ፥ አይልታይኔ፥ ዎማንታይ ኮምእታይዳኔ አምባል አፋ የዝ ዛልታይ ጋንጨ ቆስንቴዛ።8 16ኡንትካ አምብታይኮኔ ዛልታይኮ፥ «ኑል አፋ ዎይታ፤ ኑና ቆሶይታ፤ ዙፋነል አፋ በቴዛይ አፋይፐኔ ዱራይ ካቻይፕ ኑና ገንይታ።9 17ኡ ግታ ካቺ ጋላሳይ የኤዛ፤ ኦኖ ዳንዳኢ ኤቆዳይ?» ኡ ዬጌዛ።10