Biblica® Open Lao Contemporary Version
ເພງສັນລະເສີນ 47
(ເຖິງຫົວໜ້ານັກຮ້ອງ ບົດເພງສັນລະເສີນຂອງລູກຊາຍຂອງໂກຣາ)
ທຸກຊົນຊາດ ຈົ່ງຕົບມືຂອງຕົນ
ຈົ່ງໂຫ່ຮ້ອງຍິນດີແດ່ພຣະເຈົ້າ.
ເພາະພຣະເຈົ້າຢາເວຜູ້ສູງສຸດນັ້ນໜ້າຢຳເກງ
ເປັນກະສັດຜູ້ຍິ່ງໃຫຍ່ເໜືອແຜ່ນດິນໂລກ!
ພຣະອົງໄດ້ປາບຊົນຊາດທັງຫລາຍໃຫ້ຢູ່ໃຕ້ອຳນາດຂອງພວກເຮົາ,
ປາບຄົນທັງຫລາຍໃຫ້ຢູ່ໃຕ້ຕີນຂອງພວກເຮົາ.
ພຣະອົງໄດ້ເລືອກມໍລະດົກຂອງພວກເຮົາໃຫ້ແກ່ພວກເຮົາ,
ເຊິ່ງເປັນຄວາມພາກພູມໃຈຂອງຢາໂຄບຜູ້ທີ່ພຣະອົງຮັກ.
ພຣະເຈົ້າໄດ້ຂຶ້ນທ່າມກາງສຽງໂຫ່ຮ້ອງຍິນດີ
ພຣະເຈົ້າຂຶ້ນທ່າມກາງສຽງແກ.
ຈົ່ງຮ້ອງເພງສັນລະເສີນພຣະເຈົ້າ ຈົ່ງຮ້ອງສັນລະເສີນ
ຈົ່ງຮ້ອງເພງສັນລະເສີນກະສັດຂອງພວກເຮົາ ຈົ່ງຮ້ອງສັນລະເສີນ.
ເພາະພຣະເຈົ້າເປັນກະສັດຢູ່ເໜືອແຜ່ນດິນໂລກ;
ຈົ່ງຮ້ອງເພງສັນລະເສີນ ສັນລະເສີນພຣະອົງ.
ພຣະເຈົ້າຄອບຄອງຢູ່ເໜືອຊົນຊາດທັງຫລາຍ.
ພຣະເຈົ້ານັ່ງຢູ່ເທິງບັນລັງບໍລິສຸດຂອງພຣະອົງ.
ບັນດາເຈົ້ານາຍຂອງຊົນຊາດທັງຫລາຍຮ່ວມຊຸມນຸມກັນ
ເປັນປະຊາຊົນຂອງພຣະເຈົ້າຂອງອັບຣາຮາມ
ເພາະວ່າກະສັດ1ທັງຫລາຍຂອງແຜ່ນດິນໂລກກໍເປັນຂອງພຣະເຈົ້າ
ພຣະອົງເປັນທີ່ເທີດທູນສູງສຸດ.
Source notes (1)
- Footnote ຫລື ໂລ່
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.