Biblica® Open Lao Contemporary Version
ເພງສັນລະເສີນ 4
ເຖິງຫົວໜ້ານັກຮ້ອງ, ບັນເລງເຄື່ອງດົນຕີປະເພດສາຍ, ບົດເພງສັນລະເສີນຂອງດາວິດ.
ຂ້າແດ່ພຣະເຈົ້າຜູ້ຊອບທຳຂອງຂ້ານ້ອຍ,
ຂໍໂຜດຕອບຂ້ານ້ອຍ ເມື່ອຂ້ານ້ອຍຮ້ອງຫາພຣະອົງ.
ຂໍໂຜດບັນເທົາຄວາມທຸກໂສກຂອງຂ້ານ້ອຍ;
ຂໍເມດຕາ ແລະ ຟັງຄຳອະທິຖານຂອງຂ້ານ້ອຍ.
ມະນຸດທັງຫລາຍ ເຈົ້າຈະເຮັດໃຫ້ສະຫງ່າລາສີຂອງຂ້ອຍກາຍເປັນຄວາມອັບອາຍໄປອີກດົນເທົ່າໃດ?
ເຈົ້າຈະຮັກການຫລອກລວງ ແລະ ສະແຫວງຫາພະປອມ1ໄປອີກດົນເທົ່າໃດ?
ຈົ່ງຮູ້ວ່າພຣະເຈົ້າຢາເວໄດ້ແຍກຜູ້ຮັບໃຊ້ທີ່ສັດຊື່ຂອງພຣະອົງໄວ້ສຳລັບພຣະອົງເອງ;
ພຣະເຈົ້າຢາເວຈະຟັງເມື່ອຂ້ອຍຮ້ອງຫາພຣະອົງ.
ຈົ່ງຢຳເກງ ແລະ2 ຢ່າເຮັດຄວາມບາບ;
ຂະນະທີ່ພວກເຈົ້າຢູ່ເທິງບ່ອນນອນຂອງພວກເຈົ້າ,
ຈົ່ງສຳຫລວດຈິດໃຈຂອງຕົນ ແລະ ມິດງຽບ.
ຈົ່ງຖວາຍເຄື່ອງບູຊາທີ່ຖືກຕ້ອງເໝາະສົມ
ແລະ ວາງໃຈໃນພຣະເຈົ້າຢາເວ.
ຂ້າແດ່ພຣະເຈົ້າຢາເວ, ຫລາຍຄົນຖາມວ່າ, “ຜູ້ໃດຈະນຳເອົາຄວາມຈະເລີນຮຸ່ງເຮືອງມາໃຫ້ແກ່ພວກຂ້ານ້ອຍ?”
ຂໍໃຫ້ແສງສະຫວ່າງຂອງໃບໜ້າຂອງພຣະອົງສ່ອງໃສ່ພວກຂ້ານ້ອຍທັງຫລາຍ.
ຂໍໂຜດເຕີມຫົວໃຈຂອງຂ້ານ້ອຍໃຫ້ເຕັມດ້ວຍຄວາມຊື່ນຊົມຍິນດີ
ຍິ່ງກວ່າຄົນເຫລົ່ານັ້ນທີ່ມີເຂົ້າ ແລະ ເຫລົ້າອະງຸ່ນໃໝ່ຢ່າງອຸດົມສົມບູນ.
ຂ້ານ້ອຍຈະນອນລົງ ແລະ ນອນຫລັບດ້ວຍຄວາມສະຫງົບສຸກ,
ຂ້າແດ່ພຣະເຈົ້າຢາເວ ເພາະພຣະອົງຜູ້ດຽວ,
ທີ່ເຮັດໃຫ້ຂ້ານ້ອຍອາໄສຢູ່ໄດ້ຢ່າງປອດໄພ.
Source notes (2)
- Footnote ຫລື ສະແຫວງຫາຄວາມຕົວະ
- Footnote ຫລື ໃນຍາມຮ້າຍ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.