Biblica® Open Lao Contemporary Version
ເພງສັນລະເສີນ 26
(ບົດປະພັນຂອງດາວິດ)
ຂ້າແດ່ພຣະເຈົ້າຢາເວ ຂໍພິສູດວ່າຂ້ານ້ອຍບໍລິສຸດ
ເພາະຂ້ານ້ອຍດຳເນີນຊີວິດ
ຂ້ານ້ອຍໄດ້ໄວ້ວາງໃຈໃນພຣະເຈົ້າຢາເວ
ໂດຍບໍ່ລັງເລໃຈເລີຍ.
ຂ້າແດ່ພຣະເຈົ້າຢາເວ ຂໍທົດສອບ ແລະ ລອງໃຈຂ້ານ້ອຍ;
ຂໍໂຜດສຳຫລວດຈິດໃຈ ແລະ ຄວາມຄິດຂອງຂ້ານ້ອຍ,
ເພາະຂ້ານ້ອຍລະນຶກເຖິງຄວາມຮັກໝັ້ນຄົງຂອງພຣະອົງຢູ່ສະເໝີ
ແລະ ຂ້ານ້ອຍໄດ້ດຳເນີນຊີວິດໂດຍເພິ່ງພາຄວາມສັດຊື່ຂອງພຣະອົງມາຕະຫລອດ.
ຂ້ານ້ອຍບໍ່ຫຍຸ້ງກຽ່ວກັບຄົນຫລອກລວງ,
ຫລື ຂ້ານ້ອຍບໍ່ຄົບຫາກັບຄົນໜ້າຊື່ໃຈຄົດ.
ຂ້ານ້ອຍກຽດຊັງການຊຸມນຸມຂອງຄົນຊົ່ວຮ້າຍ
ແລະ ປະຕິເສດທີ່ຈະຫຍຸ້ງກ່ຽວກັບຄົນຊົ່ວຮ້າຍ.
ຂ້ານ້ອຍລ້າງມືຂອງຂ້ານ້ອຍເພື່ອສະແດງຄວາມບໍລິສຸດ
ແລະ ຍ່າງຢູ່ອ້ອມແທ່ນບູຊາຂອງພຣະອົງ ຂ້າແດ່ພຣະເຈົ້າຢາເວ,
ຂ້ານ້ອຍໄດ້ປະກາດຄຳສັນລະເສີນຂອງພຣະອົງດ້ວຍສຽງອັນດັງ
ແລະ ບອກເຖິງການກະທຳອັນອັດສະຈັນທັງໝົດຂອງພຣະອົງ.
ຂ້າແດ່ພຣະເຈົ້າຢາເວ ຂ້ານ້ອຍຮັກວິຫານທີ່ພຣະອົງຢູ່,
ບ່ອນທີ່ສະຫງ່າລາສີຂອງສະຖິດຢູ່.
ຂໍຢ່າເອົາຈິດວິນຍານຂອງຂ້ານ້ອຍໄປພ້ອມກັບຄົນບາບ
ຫລື ເອົາຊີວິດຂ້ານ້ອຍໄປພ້ອມກັບບັນດາຄົນທີ່ກະຫາຍເລືອດ,
ໃນມືຂອງພວກເຂົາມີແຕ່ແຜນການຊົ່ວຮ້າຍ,
ມືຂວາຂອງພວກເຂົາເຕັມໄປດ້ວຍສິນບົນ.
ຂ້ານ້ອຍດຳເນີນຊີວິດຢ່າງບໍ່ມີທີ່ຕິ;
ຂໍໄຖ່ຂ້ານ້ອຍ ແລະ ເມດຕາຂ້ານ້ອຍດ້ວຍ.
ຕີນຂອງຂ້ານ້ອຍຢືນຢູ່ເທິງພື້ນຮາບພຽງ
ຂ້ານ້ອຍຈະສັນລະເສີນພຣະເຈົ້າຢາເວໃນທີ່ຊຸມນຸມໃຫຍ່.
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.