Biblica® Open Lao Contemporary Version
ເພງສັນລະເສີນ 20
ເຖິງຫົວໜ້ານັກຮ້ອງ ບົດເພງສັນລະເສີນຂອງດາວິດ.
ຂໍພຣະເຈົ້າຢາເວຕອບທ່ານໃນຍາມທີ່ທ່ານໂສກເສົ້າ;
ຂໍໃຫ້ນາມຂອງພຣະເຈົ້າຂອງຢາໂຄບຄຸ້ມຄອງທ່ານ
ຂໍພຣະອົງສົ່ງຄວາມຊ່ວຍເຫລືອຈາກສະຖານນະມັດສະການມາໃຫ້ທ່ານ
ແລະ ສະໜັບສະໜູນທ່ານຈາກຊີໂອນ.
ຂໍພຣະອົງລະນຶກເຖິງເຄື່ອງບູຊາທັງໝົດທີ່ທ່ານໄດ້ຖວາຍ
ແລະ ຮັບເຄື່ອງເຜົາບູຊາຂອງທ່ານ.
ຂໍພຣະອົງໃຫ້ທ່ານຕາມທີ່ທ່ານປາຖະໜາໃນໃຈ
ແລະ ຂໍເຮັດໃຫ້ແຜນການທັງໝົດຂອງທ່ານນັ້ນສຳເລັດ.
ຂໍໃຫ້ພວກເຮົາໂຫ່ຮ້ອງຍິນດີເພາະໄຊຊະນະຂອງທ່ານ
ແລະ ຍົກທຸງໃນນາມຂອງພຣະເຈົ້າຂອງພວກເຮົາ.
ຂໍພຣະເຈົ້າຢາເວຕອບຄຳອະທິຖານຂອງທ່ານທຸກປະການ.
ບັດນີ້ ຂ້ານ້ອຍຮູ້ວ່າ:
ພຣະເຈົ້າຢາເວມອບໄຊຊະນະໃຫ້ຜູ້ທີ່ໄດ້ເຈີມໄວ້.
ພຣະອົງໄດ້ຕອບລາວຈາກສະຖານນະມັດສະການແຫ່ງຟ້າສະຫວັນຂອງພຣະອົງ
ດ້ວຍລິດອຳນາດແຫ່ງໄຊຊະນະໃນມືຂວາຂອງພຣະອົງ.
ບາງຄົນໄວ້ວາງໃຈໃນລົດຮົບ ແລະ ບາງຄົນກໍໄວ້ວາງໃຈໃນມ້າ,
ແຕ່ພວກເຮົາໄວ້ວາງໃຈໃນນາມຂອງພຣະເຈົ້າຢາເວ ພຣະເຈົ້າຂອງພວກເຮົາ.
ພວກເຂົາຈະລົ້ມລົງ ແລະ ພ່າຍແພ້
ແຕ່ພວກເຮົາຈະລຸກຂຶ້ນ ແລະ ຕັ້ງໝັ້ນຄົງ
ຂ້າແດ່ພຣະເຈົ້າຢາເວ, ໂຜດມອບໄຊຊະນະໃຫ້ແກ່ກະສັດ!
ຂໍໂຜດຕອບເມື່ອເວລາທີ່ພວກຂ້ານ້ອຍຮ້ອງຫາພຣະອົງ!
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.