Biblica® Open Lao Contemporary Version
ເພງສັນລະເສີນ 130
(ບົດເພງໃຊ້ແຫ່ຂຶ້ນໄປຍັງເຢຣູຊາເລັມ)
ຂ້າແດ່ພຣະເຈົ້າຢາເວ ຂ້ານ້ອຍຮ້ອງຫາພຣະອົງຈາກບ່ອນເລິກ;
ຂ້າແດ່ພຣະເຈົ້າຢາເວ ຂໍໂຜດຟັງສຽງຂອງຂ້ານ້ອຍດ້ວຍ.
ຂໍໃຫ້ຫູຂອງພຣະອົງຕັ້ງໃຈຟັງ
ຄຳຮ້ອງຂໍຄວາມເມດຕາຂອງຂ້ານ້ອຍດ້ວຍ.
ຂ້າແດ່ພຣະເຈົ້າຢາເວ ຖ້າພຣະອົງໄດ້ບັນທຶກຄວາມບາບທັງຫລາຍໄວ້,
ຂ້າແດ່ອົງພຣະຜູ້ເປັນເຈົ້າ ຜູ້ໃດຈະສາມາດຢືນຢູ່ໄດ້?
ແຕ່ເພາະພຣະອົງອະໄພໂທດ
ເພື່ອວ່າພວກຂ້ານ້ອຍຈະຢຳເກງ, ຮັບໃຊ້ພຣະອົງ.
ຂ້ານ້ອຍລໍຄອຍຖ້າພຣະເຈົ້າຢາເວ, ຈິດວິນຍານຂອງຂ້ານ້ອຍຄອຍຖ້າຢູ່,
ແລະ ຝາກຄວາມຫວັງໄວ້ທີ່ພຣະຄຳຂອງພຣະອົງ.
ຂ້ານ້ອຍລໍຄອຍຖ້າອົງພຣະຜູ້ເປັນເຈົ້າ
ຍິ່ງກວ່າຄົນຍາມຄອຍຖ້າເວລາຮຸ່ງເຊົ້າ,
ຍິ່ງກວ່າຄົນຍາມຄອຍຖ້າເວລາຮຸ່ງເຊົ້າ,
ອິດສະຣາເອນ, ຈົ່ງຝາກຄວາມຫວັງຂອງເຈົ້າໄວ້ທີ່ພຣະເຈົ້າຢາເວ,
ເພາະຄວາມຮັກໝັ້ນຄົງນັ້ນຢູ່ທີ່ພຣະເຈົ້າຢາເວ
ແລະ ການໄຖ່ອັນສົມບູນກໍຢູ່ທີ່ພຣະອົງ.
ພຣະອົງເອງຈະໄຖ່ອິດສະຣາເອນ
ໃຫ້ພົ້ນຈາກຄວາມບາບທັງໝົດຂອງພວກເຂົາ.
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.