Biblica® Open Lao Contemporary Version

ເພງສັນລະເສີນ 123

(ບົດເພງໃຊ້ແຫ່ຂຶ້ນໄປຍັງເຢຣູຊາເລັມ)

ຂ້ານ້ອຍເງີຍໜ້າຂຶ້ນເບິ່ງພຣະອົງ,

ພຣະອົງຜູ້ນັ່ງຢູ່ເທິງບັນລັງໃນຟ້າສະຫວັນ.

ເໝືອນດັ່ງດວງຕາຂອງຂ້າທາດທີ່ເບິ່ງມືນາຍຂອງຕົນ,

ເໝືອນດັ່ງດວງຕາຂອງຂ້າທາດຍິງທີ່ເຝົ້າເບິ່ງມືນາຍຍິງຂອງຕົນ,

ດວງຕາຂອງພວກຂ້ານ້ອຍກໍເບິ່ງທີ່ພຣະເຈົ້າຢາເວ ພຣະເຈົ້າຂອງພວກຂ້ານ້ອຍ,

ຈົນພຣະອົງສະແດງຄວາມເມດຕາຂອງພຣະອົງແກ່ພວກຂ້ານ້ອຍ.

ຂ້າແດ່ພຣະເຈົ້າຢາເວ ຂໍເມດຕາພວກຂ້ານ້ອຍດ້ວຍ ຂໍເມດຕາພວກຂ້ານ້ອຍດ້ວຍ,

ເພາະພວກຂ້ານ້ອຍໄດ້ທົນຕໍ່ການດູຖູກມາຫລາຍ

ພວກຂ້ານ້ອຍໄດ້ທົນ

ຕໍ່ການເຢາະເຢີ້ຍຈາກຄົນຈອງຫອງ,

ທົນຕໍ່ການໝິ່ນປະໝາດຈາກຄົນອວດດີບໍ່ມີທີ່ສິ້ນສຸດ.

Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.