Biblica® Open Lao Contemporary Version
ເພງສັນລະເສີນ 120
(ບົດເພງໃຊ້ແຫ່ຂຶ້ນໄປຍັງເຢຣູຊາເລັມ)
ເມື່ອຍາມທຸກໃຈ ຂ້ານ້ອຍໄດ້ຮ້ອງຫາພຣະເຈົ້າຢາເວ
ແລະ ພຣະອົງກໍຕອບຂ້ານ້ອຍ.
ຂ້າແດ່ພຣະເຈົ້າຢາເວ ຂໍໂຜດຊ່ວຍຂ້ານ້ອຍໃຫ້ພົ້ນ
ຈາກຮີມສົບທີ່ຕົວະ
ແລະ ຈາກລີ້ນທີ່ຫລອກລວງ.
ລີ້ນຫລອກລວງ,
ພຣະອົງຈະຈັດການກັບເຈົ້າຢ່າງໃດ,
ແລະ ພຣະອົງຈະເຮັດຫຍັງຫລາຍກວ່ານັ້ນອີກ?
ພຣະອົງຈະລົງໂທດເຈົ້າດ້ວຍລູກສອນທີ່ຄົມຂອງນັກຮົບ,
ດ້ວຍຖ່ານໄມ້ທີ່ກຳລັງໄໝ້ຢູ່.
ວິບັດແກ່ຂ້ານ້ອຍທີ່ມາອາໄສຢູ່ໃນເມເຊັກ
ມາໃຊ້ຊີວິດຢູ່ທ່າມກາງເຕັນຂອງເກດາ!
ຂ້ານ້ອຍໄດ້ອາໄສຢູ່ທ່າມກາງ
ຄົນເຫລົ່ານັ້ນທີ່ກຽດຊັງສັນຕິພາບດົນເກີນໄປແລ້ວ.
ຂ້ານ້ອຍເປັນຄົນສະແຫວງຫາສັນຕິ
ແຕ່ພໍຂ້ານ້ອຍເວົ້າ, ພວກເຂົາກໍໝາຍເຮັດສົງຄາມ.
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.