Biblica® Open Lao Contemporary Version
ເພງສັນລະເສີນ 113
ຈົ່ງສັນລະເສີນພຣະເຈົ້າຢາເວ.1
ຈົ່ງສັນລະເສີນພຣະເຈົ້າຢາເວ ບັນດາຜູ້ຮັບໃຊ້ຂອງພຣະອົງ;
ຈົ່ງສັນລະເສີນນາມຂອງພຣະເຈົ້າຢາເວ.
ຂໍໃຫ້ນາມຂອງພຣະເຈົ້າຢາເວນັ້ນເປັນທີ່ສັນລະເສີນ,
ຕັ້ງແຕ່ບັດນີ້ ແລະ ຕະຫລອດໄປເປັນນິດ.
ຕັ້ງແຕ່ບ່ອນຕາເວັນຂຶ້ນ ຈົນເຖິງບ່ອນຕາເວັນຕົກ
ນາມຂອງພຣະເຈົ້າຢາເວເວຈະເປັນທີ່ສັນລະເສີນ.
ພຣະເຈົ້າຢາເວເປັນທີ່ຍົກຍ້ອງເໜືອທຸກຊົນຊາດ,
ກຽດຕິຍົດຂອງພຣະອົງສູງສົ່ງກວ່າຟ້າສະຫວັນ.
ຜູ້ໃດຈະສະເໝີເໝືອນພຣະເຈົ້າຢາເວຂອງພວກເຮົາ
ພຣະອົງຜູ້ນັ່ງຢູ່ເທິງບັນລັງເບື້ອງສູງ,
ຜູ້ໂນ້ມພຣະອົງລົງມາ
ເບິ່ງຟ້າສະຫວັນ ແລະ ແຜ່ນດິນໂລກ?
ພຣະອົງຍົກຄົນທຸກຍາກຂຶ້ນຈາກຂີ້ຝຸ່ນດິນ
ແລະ ຍົກຄົນຂັດສົນຂຶ້ນຈາກກອງຂີ້ເຖົ່າ;
ພຣະອົງໃຫ້ພວກເຂົານັ່ງຮ່ວມກັບເຈົ້ານາຍທັງຫລາຍ,
ກັບເຈົ້ານາຍແຫ່ງຊົນຊາດຂອງລາວ.
ພຣະອົງໄດ້ໃຫ້ເຮືອນແກ່ແມ່ຍິງທີ່ເປັນໝັນ
ເພື່ອນາງຈະເປັນມານດາຜູ້ມີຄວາມສຸກຂອງລູກທັງຫລາຍ.
ຈົ່ງສັນລະເສີນພຣະເຈົ້າຢາເວ.
Source notes (1)
- Footnote ພາສາເຮັບເຣີວ່າ ຮາເລລູຢາ ເຊັ່ນດຽວກັບຂໍ້ 9
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.