Biblica® Open Lao Contemporary Version
ເພງສັນລະເສີນ 100
(ບົດເພງສັນລະເສີນ ເພື່ອຂອບພຣະຄຸນ)
ທົ່ວທັງໂລກເອີຍ, ຈົ່ງໂຫ່ຮ້ອງຊື່ນຊົມຍິນດີຖວາຍແດ່ພຣະເຈົ້າຢາເວ.
ຈົ່ງນະມັດສະການພຣະເຈົ້າຢາເວດ້ວຍຄວາມຍິນດີ;
ຈົ່ງມາເຂົ້າມາພົບພຣະອົງດ້ວຍບົດເພງຊື່ນຊົມຍິນດີ.
ຈົ່ງຮູ້ວ່າພຣະເຈົ້າຢາເວນັ້ນເປັນພຣະເຈົ້າ.
ພຣະອົງນີ້ແຫລະທີ່ໄດ້ສ້າງພວກເຮົາ ແລະ ພວກເຮົາກໍເປັນຂອງພຣະອົງ;1
ພວກເຮົາເປັນປະຊາຊົນຂອງພຣະອົງ, ເປັນແກະໃນທົ່ງຫຍ້າຂອງພຣະອົງ.
ຈົ່ງເຂົ້າປະຕູຂອງພຣະອົງດ້ວຍການຂອບພຣະຄຸນ
ເຂົ້າມາໃນວິຫານຂອງພຣະອົງດ້ວຍການສັນລະເສີນ;
ຈົ່ງຂອບພຣະຄຸນພຣະອົງ ແລະ ສັນລະເສີນນາມຂອງພຣະອົງ.
ເພາະພຣະເຈົ້າຢາເວນັ້ນແສນດີ ແລະ ຄວາມຮັກໝັ້ນຄົງຂອງພຣະອົງກໍດຳລົງຢູ່ເປັນນິດ;
ຄວາມສັດຊື່ຂອງພຣະອົງນັ້ນຍັງຢູ່ຕະຫລອດທຸກຊົ່ວອາຍຸ.
Source notes (1)
- Footnote ຫລື ແລະ ບໍ່ແມ່ນຕົວເຮົາເອງເປັນຜູ້ສ້າງ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.