Biblica® Open Lao Contemporary Version
ຈົດບັນຊີ 29
ເທດສະການເປົ່າແກ
(ລລວ 23:23-25)
“ ‘ໃນມື້ທີໜຶ່ງຂອງເດືອນທີເຈັດ ຈົ່ງຈັດການໂຮມຊຸມນຸມເພື່ອນະມັດສະການ ແລະ ຢ່າອອກແຮງງານໃດໆ. ພວກເຈົ້າຈະຕ້ອງເປົ່າແກໃນວັນນີ້. ເພື່ອເປັນກິ່ນຫອມທີພຣະເຈົ້າພໍໃຈ, ຈົ່ງຖວາຍເຄື່ອງເຜົາບູຊາຄື: ງົວເຖິກໜຶ່ງໂຕ, ແກະຜູ້ໜຶ່ງໂຕ ແລະ ລູກແກະໂຕຜູ້ອາຍຸໜຶ່ງປີເຈັດໂຕ, ທັງໝົດບໍ່ມີຕຳໜິ. ຈົ່ງຖວາຍພືດພັນເປັນເມັດຄື ແປ້ງລະອຽດສາມສ່ວນສິບເອຟາ1ປະສົມນ້ຳມັນໝາກກອກພ້ອມງົວເຖິກ; ຖວາຍແປ້ງລະອຽດສອງສ່ວນສິບເອຟາພ້ອມກັບແກະຜູ້;2 ແລະ ຈົ່ງຖວາຍແປ້ງລະອຽດໜຶ່ງສ່ວນສິບເອຟາກະແຕ່ລະ.3 ລວມທັງຖວາຍແບ້ຜູ້ໜຶ່ງໂຕເປັນເຄື່ອງຖວາຍໄຖ່ບາບ4ເພື່ອເຮັດພິທີລຶບລ້າງບາບສຳລັບເຈົ້າ. ນອກເໜືອຈາກເຄື່ອງເຜົາບູຊາປະຈຳເດືອນ ແລະ ເຄື່ອງຖວາຍພືດພັນເປັນເມັດທີ່ຖວາຍເປັນປະຈຳວັນ ແລະ ປະຈຳເດືອນຕາມທີ່ໄດ້ລະບຸໄວ້ແລ້ວ. ສິ່ງເຫລົ່ານີ້ເປັນເຄື່ອງຖວາຍບູຊາອາຫານແກ່ພຣະເຈົ້າຢາເວ, ເປັນກິ່ນຫອມທີ່ພໍໃຈ.
ວັນລຶບລ້າງບາບ
(ລລວ 16:2-34; 23:26-32)
“ ‘ໃນມື້ທີສິບຂອງເດືອນທີເຈັດນີ້ ຈົ່ງຈັດການໂຮມຊຸມນຸມສັກສິດ. ພວກເຈົ້າຕ້ອງປະຕິເສດຕົນເອງ5 ແລະ ຢ່າເຮັດວຽກງານໃດໆ. ຈົ່ງຖວາຍງົວຜູ້ໜຸ່ມໜຶ່ງໂຕ, ແກະຜູ້ໜຶ່ງໂຕ ແລະ ລູກແກະໂຕຜູ້ອາຍຸໜຶ່ງປີເຈັດໂຕ, ທັງໝົດບໍ່ມີຕຳໜິ, ເປັນເຄື່ອງເຜົາບູຊາທັງໂຕ ເປັນກິ່ນຫອມທີ່ພຣະເຈົ້າຢາເວພໍໃຈ. ຈົ່ງຖວາຍເມັດພືດບູຊາຄືແປ້ງໂມ້ລະອຽດປະມານສາມສ່ວນສິບເອຟາປະສົມກັບນໍ້າມັນ; ຖວາຍແປ້ງປະມານສອງສ່ວນສິບເອຟາພ້ອມກັບແກະຜູ້; ແລະ ຈົ່ງຖວາຍແປ້ງລະອຽດໜຶ່ງສ່ວນສິບເອຟາພ້ອມກັບລູກແກະແຕ່ລະໂຕຂອງແກະເຈັດໂຕນັ້ນ. ນອກເໜືອຈາກເຄື່ອງບູຊາໄຖ່ບາບເພື່ອລຶບລ້າງບາບ ແລະ ເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພ້ອມກັບເມັດພືດບູຊາ ແລະ ເຄື່ອງດື່ມບູຊາ, ຈົ່ງຖວາຍແກະຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
ເທດສະການປຸກຕູບຢູ່
(ລລວ 23:33-43; ພບຍ 16:13-17)
“ ‘ໃນມື້ທີສິບຫ້າຂອງເດືອນທີເຈັດ, ຈົ່ງຈັດການປະຊຸມອັນສັກສິດ ແລະ ຢ່າທຳງານປະຈຳ. ຈົ່ງສະຫລອງເທດສະການແກ່ພຣະເຈົ້າຢາເວເປັນເວລາເຈັດວັນ. ຈົ່ງຖວາຍເຄື່ອງເຜົາບູຊາທັງໂຕໄດ້ແກ່: ງົວເຖິກສິບສາມໂຕ, ແກະຜູ້ສອງໂຕ ແລະ ລູກແກະຜູ້ອາຍຸໜຶ່ງປີສິບສີ່ໂຕ, ທັງໝົດບໍ່ມີຕຳໜິ ເປັນອາຫານບູຊາ ເປັນກິ່ນຫອມທີ່ພຣະເຈົ້າຢາເວພໍໃຈ. ຈົ່ງຖວາຍພືດພັນເປັນເມັດຄືແປ້ງລະອຽດປະມານສາມສ່ວນສິບເອຟາປະສົມກັບນ້ຳມັນພ້ອມກັບງົວເຖິກແຕ່ລະໂຕ ຖວາຍແປ້ງປະມານສອງສ່ວນສິບເອຟາພ້ອມກັບແກະຜູ້ແຕ່ລະໂຕ; ຈົ່ງຖວາຍແປ້ງປະມານໜຶ່ງສ່ວນສິບເອຟາພ້ອມກັບລູກແກະແຕ່ລະຕົວ. ນອກເໜືອຈາກເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
“ ‘ໃນມື້ທີສອງ ຈົ່ງຖວາຍງົວເຖິກສິບສອງໂຕ, ແກະຜູ້ສອງໂຕ ແລະ ລູກແກະໂຕຜູ້ອາຍຸໜຶ່ງປີສິບສີ່ໂຕ, ທັງໝົດບໍ່ມີຕຳໜິ. ຈົ່ງຖວາຍພ້ອມກັບງົວຜູ້, ແກະຜູ້ ແລະ ລູກແກະນັ້ນຄື: ເຄື່ອງຖວາຍພືດພັນເປັນເມັດ ແລະ ເຄື່ອງດື່ມບູຊາຕາມຈຳນວນທີ່ກຳນົດໄວ້. ນອກເໜືອຈາກເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
“ ‘ໃນມື້ທີສາມ ຈົ່ງຖວາຍງົວຜູ້ສິບເອັດໂຕ, ແກະຜູ້ສອງໂຕ ແລະ ລູກແກະໂຕຜູ້ອາຍຸໜຶ່ງປີສິບສີ່ໂຕ, ທັງໝົດບໍ່ມີຕຳໜິ. ພ້ອມກັບການຖວາຍງົວຜູ້, ແກະຜູ້ ແລະ ລູກແກະນັ້ນຕ້ອງຖວາຍເຄື່ອງຖວາຍພືດພັນເປັນເມັດ ແລະ ເຄື່ອງດື່ມບູຊາຕາມຈຳນວນທີ່ໄດ້ກຳນົດໄວ້. ນອກເໜືອຈາກເຄື່ອງບູຊາຊື່ງຖວາຍເປັນປົກກະຕິພ້ອມດ້ວຍເຄື່ອງຖວາຍພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໂຕໜຶ່ງເປັນເຄື່ອງຖວາຍໄຖ່ບາບ.
“ ‘ໃນມື້ທີສີ່ ຈົ່ງຖວາຍງົວຜູ້ສິບໂຕ, ແກະຜູ້ສອງໂຕ ແລະ ລູກແກະໂຕຜູ້ອາຍຸໜຶ່ງປີສິບສີ່ໂຕ, ທັງໝົດບໍ່ມີຕຳໜິ. ພ້ອມກັບການຖວາຍງົວຜູ້, ແກະຜູ້ ແລະ ລູກແກະນັ້ນ ຈົ່ງຖວາຍພືດພັນເປັນເມັດ ແລະ ເຄື່ອງດື່ມບູຊາຕາມຈຳນວນທີ່ໄດ້ກຳນົດໄວ້. ນອກເໜືອຈາກເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
“ ‘ໃນມື້ທີຫ້າ ຈົ່ງຖວາຍງົວຜູ້ເກົ້າໂຕ, ແກະຜູ້ສອງໂຕ ແລະ ລູກແກະໂຕຜູ້ອາຍຸໜຶ່ງປີສິບສີ່ໂຕ, ທັງໝົດບໍ່ມີຕຳໜິ. ພ້ອມກັບການຖວາຍງົວຜູ້, ແກະຜູ້ ແລະ ລູກແກະນັ້ນ ຈົ່ງຖວາຍພືດພັນເປັນເມັດ ແລະ ເຄື່ອງດື່ມບູຊາຕາມຈຳນວນທີ່ໄດ້ກຳນົດໄວ້. ນອກເໜືອຈາກເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
“ ‘ໃນມື້ທີຫົກ ຈົ່ງຖວາຍງົວຜູ້ແປດໂຕ, ແກະຜູ້ສອງໂຕ ແລະ ລູກແກະໂຕຜູ້ອາຍຸໜຶ່ງປີສິບສີ່ໂຕ, ທັງໝົດບໍ່ມີຕຳໜິ. ພ້ອມກັບການຖວາຍງົວຜູ້, ແກະຜູ້ ແລະ ລູກແກະນັ້ນ ຈົ່ງຖວາຍພືດພັນເປັນເມັດ ແລະ ເຄື່ອງດື່ມບູຊາຕາມຈຳນວນທີ່ໄດ້ກຳນົດໄວ້. ນອກເໜືອຈາກເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
“ ‘ໃນມື້ທີເຈັດ ຈົ່ງຖວາຍງົວຜູ້ເຈັດໂຕ, ແກະຜູ້ສອງໂຕ ແລະ ລູກແກະໂຕຜູ້ອາຍຸໜຶ່ງປີສິບສີ່ໂຕ, ທັງໝົດບໍ່ມີຕຳໜິ. ພ້ອມກັບການຖວາຍງົວຜູ້, ແກະຜູ້ ແລະ ລູກແກະນັ້ນ ຈົ່ງຖວາຍພືດພັນເປັນເມັດ ແລະ ເຄື່ອງດື່ມບູຊາຕາມຈຳນວນທີ່ໄດ້ກຳນົດໄວ້. ນອກເໜືອຈາກເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
“ ‘ໃນມື້ທີແປດ ຈົ່ງຈັດການປະຊຸມພິເສດຄືພິທີປິດ ແລະ ຢ່າເຮັດວຽກປະຈຳ. ຈົ່ງຖວາຍເຄື່ອງເຜົາບູຊາປະກອບດ້ວຍງົວຜູ້ໜຶ່ງໂຕ, ແກະຜູ້ໜຶ່ງໂຕ ແລະ ລູກແກະໂຕຜູ້ອາຍຸໜຶ່ງປີເຈັດໂຕທັງໝົດບໍ່ມີຕຳໜິເປັນເຄື່ອງຖວາຍບູຊາອາຫານເປັນກິ່ນຫອມທີ່ພຣະເຈົ້າຢາເວພໍໃຈ. ຈົ່ງຖວາຍງົວຜູ້, ແກະຜູ້ ແລະ ລູກແກະໂຕຜູ້, ພ້ອມກັບເຄື່ອງຖວາຍພືດພັນເປັນເມັດ ແລະ ເຄື່ອງດື່ມບູຊາຕາມຈຳນວນທີ່ໄດ້ກຳນົດໄວ້. ນອກເໜືອຈາກເຄື່ອງເຜົາບູຊາທັງໂຕທີ່ຖວາຍເປັນປະຈຳພ້ອມກັບພືດພັນເປັນເມັດ ແລະ ເຄື່ອງດື່ມບູຊາ ຈົ່ງຖວາຍແບ້ຜູ້ໜຶ່ງໂຕເປັນເຄື່ອງບູຊາໄຖ່ບາບດ້ວຍ.
“ ‘ນອກຈາກເຄື່ອງຖວາຍຕາມທີ່ພວກເຈົ້າບະບົນ ແລະ ເຄື່ອງຖວາຍຕາມຄວາມສະໝັກໃຈຂອງພວກເຈົ້າແລ້ວ, ຈົ່ງຖວາຍສິ່ງເຫລົ່ານີ້ແກ່ພຣະເຈົ້າຢາເວໃນເທດສະການຕ່າງໆຕາມທີ່ໄດ້ກຳນົດໄວ້ຄື: ເຄື່ອງເຜົາບູຊາ, ເຄື່ອງຖວາຍພືດພັນເປັນເມັດ, ເຄື່ອງດື່ມບູຊາ ແລະ ເຄື່ອງຖວາຍເພື່ອຄວາມສາມັກຄີທຳ’ ”.
ໂມເຊຈຶ່ງບອກຄົນອິດສະຣາເອນທຸກສິ່ງທີ່ພຣະເຈົ້າຢາເວໄດ້ສັ່ງເພິ່ນໄວ້.
Source notes (5)
- Footnote ຄື ປະມານ 5 ກິໂລກຣາມ; ເໝືອນກັນໃນຂໍ້ 9 ແລະ 14
- Footnote ຄື ປະມານ 3,2 ກິໂລກຣາມ; ເຊັ່ນດຽວກັບຂໍ້ 9 ແລະ 14
- Footnote ຄື ປະມານ 1,6 ກິໂລກຣາມ; ເໝືອນກັນໃນຂໍ້ 10 ແລະ 15
- Footnote ຫລື ເພື່ອເປັນການຖວາຍບູຊາເພື່ອການຊຳລະລ້າງ ; ເໝືອນກັນໃນບ່ອນອື່ນອີກໃນບົດນີ້
- Footnote ຫລື ຕ້ອງອົດອາຫານ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.