Biblica® Open Lao Contemporary Version
ເນເຫມີຢາ 12
ບັນດາປະໂລຫິດ ແລະ ຄົນເລວີ
ຕໍ່ໄປນີ້ແມ່ນບັນດາປະໂລຫິດ ແລະ ຄົນເລວີທີ່ກັບຄືນມາພ້ອມກັບເຊຣຸບບາເບນ ລູກຊາຍຂອງເຊອານຕີເອນ ແລະ ເຢຊູອາ ມີດັ່ງນີ້:
ເສຣາອີຢາ, ເຢເຣມີຢາ, ເອຊະຣາ,
ອາມາຣີຢາ, ມັນລຸກ, ຮັດຕຸຊະ,
ເຊການີຢາ, ເຣຮຸມ, ເມເຣໂມດ,
ອິດໂດ, ກິນເນໂທອີ,1 ອາບີຢາ,
ມີຢາມິນ,2 ມາອາດີຢາ, ບີນກາ,
ເຊມາອີຢາ, ໂຢອີອາຣິບ, ເຢດາອີຢາ,
ສານລູ, ອາມົກ, ຮິນກີຢາ ແລະ ເຢດາອີຢາ.
ຄົນເຫລົ່ານີ້ແມ່ນບັນດາຜູ້ນຳຂອງປະໂລຫິດ ແລະ ບັນດາຜູ້ຮ່ວມງານຂອງພວກເຂົາໃນສະໄໝຂອງເຢຊູອາ.
ຄົນເລວີມີ: ເຢຊູອາ, ບິນນູອີ, ກາດມີເອນ, ເຊເຣບີຢາ, ຢູດາ ແລະ ມັດຕານີຢາ ພ້ອມກັບບັນດາຜູ້ຮ່ວມງານຂອງລາວ, ເຊິ່ງມີໜ້າທີ່ຮັບຜິດຊອບເລື່ອງບົດເພງຂອບພຣະຄຸນ. ບັກບຸກີຢາ ແລະ ອັນໂນ ກັບບັນດາຜູ້ຮ່ວມງານຂອງພວກເຂົາ ຢືນຢູ່ກົງກັນຂ້າມກັບພວກເຂົາໃນການຮັບໃຊ້.
ເຢຊູອາ ເປັນພໍ່ຂອງໂຢອີອາກິມ,
ໂຢອີອາກິມ ເປັນພໍ່ຂອງເອລີອາຊິບ,
ເອລີຢາຊິບ ເປັນພໍ່ຂອງໂຢອີອາດາ,
ໂຢອີອາດາ ເປັນພໍ່ຂອງໂຢນາທານ,
ແລະ ໂຢນາທານ ເປັນພໍ່ຂອງຢັດດູອາ.
ຕໍ່ໄປນີ້ແມ່ນຫົວໜ້າຄອບຄົວຂອງບັນດາປະໂລຫິດໃນສະໄໝຂອງໂຢອີອາກິມ:
ເມຣາອີຢາ ຈາກຄອບຄົວຂອງເສຣາອີຢາ;
ຮານານີຢາ ຈາກຄອບຄົວຂອງເຢເຣມີຢາ;
ເມຊຸນລຳ ຈາກຄອບຄົວຂອງເອຊະຣາ;
ເຢໂຮຮານານ ຈາກຄອບຄົວຂອງອາມາຣີຢາ;
ໂຢນາທານ ຈາກຄອບຄົວຂອງມັນລູກີ;
ໂຢເຊັບ ຈາກຄອບຄົວຂອງເຊບານີຢາ;3
ອັດນາ ຈາກຄອບຄົວຂອງຮາຣິມ;
ເຮນໄກ ຈາກຄອບຄົວຂອງເມຣາອີໂຢດ;4
ເຊກາຣີຢາ ຈາກຄອບຄົວຂອງອິດໂດ;
ເມຊຸນລຳ ຈາກຄອບຄົວຂອງກິນເນໂທນ;
ຊີກະຣີ ຈາກຄອບຄົວຂອງອາບີຢາ;
ປີນໄຕ ຈາກຄອບຄົວຂອງມີນີອາມິນ ແລະ ຄອບຄົວຂອງໂມອາດີຢາ;
ຊາມມູອາ ຈາກຄອບຄົວຂອງບີນກາ;
ເຢໂຮຮານານ ຈາກຄອບຄົວຂອງເຊມາອີຢາ;
ມັດເຕໄນ ຈາກຄອບຄົວຂອງໂຢອີອາຣິບ;
ອຸດຊີ ຈາກຄອບຄົວຂອງເຢດາອີຢາ;
ກັນໄລ ຈາກຄອບຄົວຂອງສານລູ;
ເອເບ ຈາກຄອບຄົວຂອງອາມົກ;
ຮາຊາບີຢາ ຈາກຄອບຄົວຂອງຮິນກີຢາ;
ເນທາເນນ ຈາກຄອບຄົວຂອງເຢດາອີຢາ.
ຫົວໜ້າຄອບຄົວຂອງຄົນເລວີໃນສະໄໝຂອງເອລີອາຊິບ, ໂຢອີອາດາ, ໂຢນາທານ ແລະ ຢັດດູອາ ຕະຫລອດຈົນບັນດາປະໂລຫິດ ຖືກບັນທຶກໄວ້ໃນສະໄໝຂອງດາຣິອຸດແຫ່ງເປີເຊຍ. ບັນດາຫົວໜ້າຄອບຄົວທີ່ຢູ່ໃນທ່າມກາງເຊື້ອສາຍຂອງເລວີຈົນເຖິງສະໄໝຂອງໂຢນາທານ ລູກຊາຍເອລີອາຊິບ ເຊິ່ງມີບັນທຶກໄວ້ຢູ່ໃນໜັງສືຂ່າວຄາວ. ບັນດາຜູ້ນຳຂອງຄົນເລວີມີຮາຊາບີຢາ, ເຊເຣບີຢາ, ເຢຊູອາ ລູກຊາຍຂອງກາດມີເອນ ແລະ ຢືນຢູ່ກົງກັນຂ້າມກັບພວກເຂົາຮ້ອງເພງສັນເສີນ ແລະ ຂອບພຣະຄຸນຕອບໂຕ້ກັນຕາມທີ່ດາວິດຄົນຂອງພຣະເຈົ້າໄດ້ກຳນົດໄວ້.
ຄົນເຝົ້າຍາມປະຕູວິຫານທີ່ຮັບຜິດຊອບຄັງຕ່າງໆຕາມແຕ່ລະປະຕູກໍມີ: ມັດຕານີຢາ, ບັກບຸກີຢາ, ໂອບາດີຢາ, ເມຊຸນລຳ, ຕານໂມນ ແລະ ອັກກຸບ. ຄົນເຫລົ່ານີ້ໄດ້ປະຕິບັດໜ້າທີ່ຢູ່ໃນສະໄໝຂອງໂຢອີອາກິມ ລູກຊາຍຂອງເຢຊູອາ ຜູ້ເປັນລູກຊາຍຂອງໂຢຊາດັກ ແລະ ໃນສະໄໝຜູ້ປົກຄອງເນເຫມີຢາ ແລະ ເອຊະຣາຜູ້ເປັນປະໂລຫິດ ແລະ ຄູສອນກົດບັນຍັດ.
ການມອບຖວາຍກຳແພງເຢຣູຊາເລັມ
ຄົນເລວີທັງໝົດທົ່ວດິນແດນໄດ້ຖືກນຳໂຕມາທີ່ເຢຣູຊາເລັມ ເພື່ອສະຫລອງພິທີມອບຖວາຍກຳແພງເຢຣູຊາເລັມຢ່າງມ່ວນຊື່ນດ້ວຍການຮ້ອງເພງຂອບພຣະຄຸນ ພ້ອມດ້ວຍສຽງຊິ່ງ, ພິນໃຫຍ່ ແລະ ພິນເຂົາຄູ່. ຄະນະນັກຮ້ອງກໍຖືກຮວບຮວມມາຈາກຖິ່ນຖານຕ່າງໆ ທີ່ຢູ່ອ້ອມເຢຣູຊາເລັມຄືຈາກໝູ່ບ້ານຊາວເນໂຕຟາ. ຈາກເບັດກິນການ ແລະ ຈາກເຂດເກບາກັບອາຊະມາເວດ ເພາະວ່ານັກຮ້ອງເຫລົ່ານີ້ໄດ້ສ້າງໝູ່ບ້ານເພື່ອອາໄສຢູ່ອ້ອມເຢຣູຊາເລັມ. ເມື່ອປະໂລຫິດ ແລະ ຄົນເລວີຊຳລະໂຕໃຫ້ບໍລິສຸດຕາມລະບຽບພິທີແລ້ວ ພວກເຂົາກໍເຮັດພິທີຊຳລະປະຊາຊົນ, ປະຕູທັງຫລາຍ ແລະ ກຳແພງເມືອງ.
ຂ້ານ້ອຍໃຫ້ບັນດາຜູ້ນຳຢູດາຍຂຶ້ນໄປເທິງ5ກຳແພງ ແລະ ແບ່ງນັກຮ້ອງອອກເປັນສອງຄະນະໃຫຍ່ ເພື່ອຮ້ອງເພງຂອບພຣະຄຸນ. ຄະນະໜຶ່ງແມ່ນຍ່າງຂຶ້ນໄປເທິງ6ກຳແພງ ໄປທາງຂວາ, ໄປຫາປະຕູກອງຂີ້ເຫຍື້ອ. ໂຮຊາອີຢາ ແລະ ຜູ້ນຳຂອງຢູດາຍເຄິ່ງໜຶ່ງກໍຕາມພວກເຂົາໄປ, ພ້ອມດ້ວຍອາຊາຣີຢາ, ເອຊະຣາ, ເມຊຸນລຳ, ຢູດາ, ເບັນຢາມິນ, ເຊມາອີຢາ, ເຢເຣມີຢາ, ລວມທັງປະໂລຫິດຜູ້ເປົ່າແກ ແລະ ເຊກາຣີຢາ ລູກຊາຍຂອງໂຢນາທານ ຜູ້ເປັນລູກຊາຍຂອງເຊມາອີຢາ, ຜູ້ເປັນລູກຊາຍຂອງມັດຕານີຢາ, ຜູ້ເປັນລູກຊາຍຂອງມີກາອີຢາ, ຜູ້ເປັນລູກຊາຍຂອງຊັກກູເຣ, ຜູ້ເປັນລູກຊາຍຂອງອາສັບ, ແລະ ພັກພວກຂອງລາວມີ: ເຊມາອີຢາ, ອາຊາເຣນ, ມິລາໄລ, ກີລາໄລ, ມາໄອ, ເນທາເນນ, ຢູດາ ແລະ ຮານານີ ພ້ອມດ້ວຍເຄື່ອງດົນຕີຕາມທີ່ດາວິດຄົນຂອງພຣະເຈົ້າໄດ້ລະບຸໄວ້. ເອຊະຣາຄູສອນກົດບັນຍັດໄດ້ຍ່າງນຳໜ້າຂະບວນ. ເມື່ອມາເຖິງປະຕູນ້ຳພຸ ພວກເຂົາກໍຍ່າງຂຶ້ນຂັ້ນໄດຂອງເມືອງດາວິດທີ່ທາງຂຶ້ນກຳແພງ ແລະ ຜ່ານເໜືອວັງຂອງດາວິດໄປສູ່ປະຕູນ້ຳທາງທິດຕາເວັນອອກ.
ຄະນະນັກຮ້ອງຄະນະທີສອງແມ່ນນຳຂະບວນໄປທາງກົງກັນຂ້າມ. ຂ້ານ້ອຍໄດ້ຍ່າງຕາມພວກເຂົາຂຶ້ນໄປເທິງກຳແພງພ້ອມດ້ວຍປະຊາຊົນອີກເຄິ່ງໜຶ່ງ ຜ່ານຫໍຄອຍເຕົາອົບໄປຍັງກຳແພງກວ້າງ, ເໜືອປະຕູເອຟຣາອິມ, ປະຕູເຢຊານາ,7 ປະຕູປາ, ຫໍຄອຍຮານາເນນ ແລະ ຫໍຄອຍໜຶ່ງຮ້ອຍ ໄກໄປຈົນເຖິງປະຕູແກະ ແລະ ພວກເຂົາໄດ້ຢຸດຢູ່ທີ່ປະຕູຍາມ.
ຄະນະນັກຮ້ອງທັງສອງຄະນະໄດ້ໂມທະນາຂອບພຣະຄຸນແລ້ວກໍເຂົ້າປະຈຳທີ່ໃນວິຫານຂອງພຣະເຈົ້າ; ຂ້ານ້ອຍກັບເຈົ້າໜ້າທີ່ອີກເຄິ່ງໜຶ່ງກໍເຂົ້າປະຈຳທີ່ເໝືອນກັນ. ປະໂລຫິດຜູ້ເປົ່າແກໄດ້ແກ່ ເອລີອາກິມ, ມາອາເສອີຢາ, ມີນີອາມິນ, ມີກາອີຢາ, ເອລີໂອນາຍ, ເຊກາຣີຢາ ແລະ ຮານານີຢາ ແລະ ມາອາເສອີຢາ, ເຊມາອີຢາ, ເອເລອາຊາ, ອຸດຊີ, ເຢໂຮຮານານ, ມັນກີຢາ, ເອລາມ ແລະ ເອເຊ ກໍເຂົ້າປະຈຳທີ່. ຄະນະນັກຮ້ອງຂັບຮ້ອງເພງໂດຍມີເຢຊະຣາຮີຢາເປັນຜູ້ຄວບຄຸມ. ພວກເຂົາໄດ້ຖວາຍເຄື່ອງບູຊາຈຳນວນຫລວງຫລາຍໃນວັນນັ້ນ, ພາກັນຊື່ນຊົມຍິນດີເພາະພຣະເຈົ້າໄດ້ໃຫ້ຄວາມຍິນດີອັນໃຫຍ່ແກ່ພວກເຂົາ. ແມ່ຍິງກັບເດັກນ້ອຍກໍຊື່ນຊົມຍິນດີເໝືອນກັນ. ສຽງໂຫ່ຮ້ອງຍິນດີໃນເຢຣູຊາເລັມດັງໄປໄກ.
ໃນເວລານັ້ນໄດ້ມີການແຕ່ງຕັ້ງຄົນທີ່ຈະເບິ່ງແຍງຄັງຕ່າງໆສຳລັບຂອງຖວາຍຜົນທຳອິດ ແລະ ສິບລົດ. ພວກເຂົາໄດ້ນຳເອົາສິ່ງເຫລົ່ານີ້ຈາກທົ່ງນາອ້ອມເມືອງຕ່າງໆ ມາໄວ້ໃນຄັງຕາມທີ່ກົດບັນຍັດໄດ້ລະບຸໄວ້ສຳລັບໃຫ້ປະໂລຫິດ ແລະ ຄົນເລວີ, ເພາະຊາວຢູດາພໍໃຈໃນປະໂລຫິດ ແລະ ຄົນເລວີຜູ້ປະຕິບັດງານ. ພວກເຂົາຮັບໃຊ້ພຣະເຈົ້າ ແລະ ເຮັດໜ້າທີ່ໃນພິທີຊຳລະ, ຄະນະນັກຮ້ອງ ແລະ ຄົນເຝົ້າຍາມປະຕູວິຫານກໍເໝືອນກັນ ພາກັນປະຕິບັດຕາມຄຳສັ່ງຂອງດາວິດ ແລະ ລູກຊາຍໂຊໂລໂມນ. ເພາະດົນນານມາແລ້ວໃນສະໄໝຂອງດາວິດ ແລະ ອາສັບ ມີບັນດາຫົວໜ້ານຳພາຄະນະນັກຮ້ອງ ແລະ ກຳກັບເພງສັນເສີນ ແລະ ຂອບພຣະຄຸນພຣະເຈົ້າ. ດັ່ງນັ້ນ ໃນສະໄໝຂອງເຊຣຸບບາເບນ ແລະ ເນເຫມີຢາ ຊົນຊາດອິດສະຣາເອນທັງໝົດຈຶ່ງໄດ້ນຳຂອງຖວາຍປະຈຳວັນມາຖວາຍສຳລັບນັກຮ້ອງ ແລະ ຄົນເຝົ້າຍາມປະຕູວິຫານ ແລະ ພວກເຂົາຍັງໄດ້ເກັບຮັກສາສ່ວນໜຶ່ງໄວ້ສຳລັບຄົນເລວີອື່ນໆ ແລະ ຄົນເລວີເອງກໍເກັບຮັກສາສ່ວນໜຶ່ງໄວ້ສຳລັບເຊື້ອສາຍຂອງອາໂຣນດ້ວຍ.
Source notes (7)
- Footnote ສຳເນົາຕົ້ນສະບັບພາສາເຮັບເຣີສ່ວນໃຫຍ່ວ່າ ກິນເນທອຍ ( ເບິ່ງ 12:16)
- Footnote ເປັນອີກຮູບໜຶ່ງຂອງ ມີນຢາມິນ
- Footnote ສຳເນົາຕົ້ນສະບັບພາສາເຮັບເຣີສ່ວນໃຫຍ່ວ່າ ເຊບານີຢາ ( ເບິ່ງ 12:3)
- Footnote ພາສາເຮັບເຣີວ່າ ເມລາໂຍດ ( ເບິ່ງ 12:3)
- Footnote ຫລື ໄປຕາມແນວ ທາງ ເຊັ່ນດຽວກັບຂໍ້ 38
- Footnote ຫລື ຍ່າງຕາມແນວ ທາງ
- Footnote ຫລື ປະຕູເກົ່າ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.