Biblica® Open Lao Contemporary Version
ເນເຫມີຢາ 11
ຜູ້ມາອາໄສໃໝ່ຢູ່ໃນເຢຣູຊາເລັມ
(1ຂຄ 9:1-17)
ເວລານັ້ນ ບັນດາຜູ້ນຳຂອງປະຊາຊົນໄດ້ຕັ້ງຖິ່ນຖານໃນເຢຣູຊາເລັມ. ສ່ວນປະຊາຊົນທັງຫລາຍແມ່ນຈັບສະຫລາກເລືອກຄົນໜຶ່ງໃນສິບຄົນເຂົ້າມາອາໄສຢູ່ໃນເຢຣູຊາເລັມນະຄອນສັກສິດ, ສ່ວນອີກເກົ້າຄົນນັ້ນແມ່ນອາໄສຢູ່ໃນເມືອງຂອງຕົນ. ປະຊາຊົນຕ່າງກໍຊົມເຊີຍຄົນທັງໝົດທີ່ສະໝັກໃຈເຂົ້າມາອາໄສຢູ່ໃນເຢຣູຊາເລັມ.
ຕໍ່ໄປນີ້ແມ່ນບັນດາຜູ້ນຳຈາກເມືອງຕ່າງໆ ເຊິ່ງເຂົ້າມາອາໄສຢູ່ໃນເຢຣູຊາເລັມ (ເວລານີ້ຊາວອິດສະຣາເອນບາງສ່ວນ, ປະໂລຫິດ, ຄົນເລວີ, ຜູ້ຮັບໃຊ້ໃນວິຫານ ແລະ ເຊື້ອສາຍຂອງຜູ້ຮັບໃຊ້ຂອງໂຊໂລໂມນ ກໍໄດ້ອາໄສຢູ່ໃນເມືອງຕ່າງໆຂອງຢູດາຍ, ແຕ່ລະຄົນກໍມີທີ່ດິນເປັນຂອງຕົນເອງໃນເມືອງຕ່າງໆ, ໃນຂະນະທີ່ປະຊາຊົນມາຈາກທັງຢູດາຍ ແລະ ເບັນຢາມິນກໍໄດ້ອາໄສຢູ່ໃນເຢຣູຊາເລັມ):
ຈາກເຊື້ອສາຍຂອງຢູດາຍມີດັ່ງນີ້:
ອາທາອີຢາ ລູກຊາຍຂອງອຸດຊີຢາ, ຜູ້ເປັນລູກຊາຍຂອງເຊກາຣີຢາ, ຜູ້ເປັນລູກຊາຍຂອງອາມາຣີຢາ, ຜູ້ເປັນລູກຊາຍຂອງເຊຟາຕີຢາ, ຜູ້ເປັນລູກຊາຍຂອງມະຫາລາເລນ ເຊິ່ງເປັນເຊື້ອສາຍຂອງເປເຣັດ;
ແລະ ມາອາເສອີຢາ ຜູ້ເປັນລູກຊາຍຂອງບາຣຸກ, ຜູ້ເປັນລູກຊາຍຂອງກົນໂຮເຊ, ຜູ້ເປັນລູກຊາຍຂອງຮາຊາອີຢາ, ຜູ້ເປັນລູກຊາຍຂອງອາດາອີຢາ, ຜູ້ເປັນລູກຊາຍຂອງໂຢອີອາຣິບ, ຜູ້ເປັນລູກຊາຍຂອງເຊກາຣີຢາ ເຊິ່ງເປັນເຊື້ອສາຍຂອງເຊຣາ.
ຈາກເຊື້ອສາຍຂອງເປເຣັດ ເຊິ່ງມາອາໄສຢູ່ເຢຣູຊາເລັມລວມທັງໝົດມີຜູ້ຊາຍຈຳນວນ 468 ຄົນ.
ຈາກເຊື້ອສາຍຂອງເບັນຢາມິນມີດັ່ງນີ້:
ສານລູ ຜູ້ເປັນລູກຊາຍຂອງເມຊຸນລຳ, ຜູ້ເປັນລູກຊາຍຂອງໂຢເອັດ, ຜູ້ເປັນລູກຊາຍຂອງເປດາອີຢາ, ຜູ້ເປັນລູກຊາຍຂອງໂກລາອີຢາ, ຜູ້ເປັນລູກຊາຍຂອງມາອາເສອີຢາ, ຜູ້ເປັນລູກຊາຍຂອງອີທິເອນ, ຜູ້ເປັນລູກຊາຍຂອງເຢຊາອີຢາ ແລະ ຜູ້ຕິດຕາມຂອງລາວແມ່ນກັບໄບ ແລະ ສານໄລ ລວມມີ 928 ຄົນ.
ຫົວໜ້າແມ່ນ ໂຢເອນ ລູກຊາຍຂອງຊີກະຣີ ແລະ ຢູດາ ລູກຊາຍຂອງຮັດເສນູຢາ ເປັນຜູ້ເບິ່ງແຍງເຂດສອງຂອງເມືອງ.
ຈາກບັນດາປະໂລຫິດມີດັ່ງນີ້:
ເຢດາອີຢາ ລູກຊາຍຂອງໂຢອີອາຣິບ ແລະ ຢາກິນ.
ເສຣາອີຢາ ຜູ້ເປັນລູກຊາຍຂອງຮິນກີຢາ, ຜູ້ເປັນລູກຊາຍຂອງເມຊຸນລຳ, ຜູ້ເປັນລູກຊາຍຂອງຊາດົກ, ຜູ້ເປັນລູກຊາຍຂອງເມຣາອີຢົດ, ຜູ້ເປັນລູກຊາຍຂອງອາຮີຕຸບ ຜູ້ທີ່ຄວບຄຸມເບິ່ງແຍງໃນວິຫານຂອງພຣະເຈົ້າ, ແລະ ຜູ້ຮ່ວມງານຂອງພວກເຂົາ ເຊິ່ງປະຕິບັດງານໃນວິຫານລວມມີ 822 ຄົນ;
ອາດາອີຢາ ຜູ້ເປັນລູກຊາຍຂອງເຢໂຣຮາມ, ຜູ້ເປັນລູກຊາຍຂອງເປລາລີຢາ, ຜູ້ເປັນລູກຊາຍຂອງອາມຊີ, ຜູ້ເປັນລູກຊາຍຂອງເຊກາຣີຢາ, ຜູ້ເປັນລູກຊາຍຂອງປັດຊູ, ຜູ້ເປັນລູກຊາຍຂອງມັນກີຢາ. ແລະ ຜູ້ຮ່ວມງານຂອງລາວ ເຊິ່ງເປັນຫົວໜ້າຄອບຄົວມີຈຳນວນ 242 ຄົນ.
ອາມັດໄສ ຜູ້ເປັນລູກຊາຍຂອງອາຊາເຣນ, ຜູ້ເປັນລູກຊາຍຂອງອາຮະໄຊ, ຜູ້ເປັນລູກຊາຍຂອງເມຊີນເລໂມດ, ຜູ້ເປັນລູກຊາຍຂອງອິມເມ, ແລະ ຜູ້ຮ່ວມງານຂອງລາວ1 ມີຈຳນວນ 128 ຄົນ. ເຊິ່ງລ້ວນແຕ່ເປັນຊາຍໜຸ່ມທີ່ແຂງແຮງ.
ຫົວໜ້າຂອງພວກເຂົາແມ່ນຊັບດີເອນ ລູກຊາຍຂອງຮັກເກໂດລີມ.
ຈາກຄົນເລວີມີດັ່ງນີ້:
ເຊມາອີຢາ ຜູ້ເປັນລູກຊາຍຂອງຮັດຊຸບ, ຜູ້ເປັນລູກຊາຍຂອງອາຊະຣີກຳ, ຜູ້ເປັນລູກຊາຍຂອງຮາຊາບີຢາ, ຜູ້ເປັນລູກຊາຍຂອງບັນນີ;
ຊັບເບທາຍ ແລະ ໂຢຊາບັດ ທັງສອງຄົນເປັນຫົວໜ້າຂອງຄົນເລວີ, ເຊິ່ງເບິ່ງແຍງວຽກງານພາຍນອກຂອງວິຫານຂອງພຣະເຈົ້າ.
ມັດຕານີຢາ ຜູ້ເປັນລູກຊາຍຂອງມີກາ, ຜູ້ເປັນລູກຊາຍຂອງຊັບດີ, ຜູ້ເປັນລູກຊາຍຂອງອາສັບ, ຜູ້ເປັນຜູ້ນຳໃນການອະທິຖານກັບຂອບພຣະຄຸນພຣະເຈົ້າ;
ບັກບຸກີຢາ ເປັນຜູ້ຊ່ວຍຂອງລາວ;
ແລະ ອັບດາຜູ້ເປັນລູກຊາຍຂອງຊາມມູອາ ຜູ້ເປັນລູກຊາຍຂອງກາລານ, ຜູ້ເປັນລູກຊາຍຂອງເຢດູທູນ.
ຄົນເລວີທີ່ຢູ່ໃນນະຄອນສັກສິດລວມທັງໝົດມີ 284.
ຄົນເຝົ້າຍາມປະຕູວິຫານມີດັ່ງນີ້:
ອັກກຸບ, ຕານໂມນ ແລະ ຜູ້ຮ່ວມງານຂອງພວກເຂົາ ເຊິ່ງເປັນຄົນເຝົ້າຍາມຢູ່ທີ່ປະຕູຕ່າງໆລວມມີ 172 ຄົນ.
ສ່ວນປະຊາຊົນອິດສະຣາເອນທີ່ຍັງເຫລືອພ້ອມກັບບັນດາປະໂລຫິດ ແລະ ຄົນເລວີທີ່ຍັງອາໄສຢູ່ຕາມເມືອງທັງໝົດຂອງຢູດາຍ, ຕາມເຂດກຳມະສິດທີ່ສືບທອດຈາກບັນພະບຸລຸດຂອງພວກເຂົາ.
ສ່ວນຜູ້ຮັບໃຊ້ໃນວິຫານແມ່ນໄດ້ອາໄສຢູ່ທີ່ໂນນພູໂອເຟນ ແລະ ມີຊີຮາກັບກີຊະປາ ເປັນຜູ້ດູແລເບິ່ງແຍງພວກເຂົາ.
ຫົວໜ້າຂອງຄົນເລວີທີ່ຢູ່ໃນເຢຣູຊາເລັມມີ ອຸດຊີ ຜູ້ເປັນລູກຊາຍຂອງບານີ, ຜູ້ເປັນລູກຊາຍຂອງຮາຊາບີຢາ, ຜູ້ເປັນລູກຊາຍຂອງມັດຕານີຢາ, ຜູ້ເປັນລູກຊາຍຂອງມີກາ. ອຸດຊີ ເປັນຜູ້ໜຶ່ງໃນເຊື້ອສາຍຂອງອາສັບ, ເຊິ່ງເປັນນັກດົນຕີ ມີໜ້າທີ່ຮັບໃຊ້ໃນວິຫານຂອງພຣະເຈົ້າ. ບັນດານັກດົນຕີແມ່ນປະຕິບັດໜ້າທີ່ຂອງຕົນທຸກວັນຕາມຄຳສັ່ງຂອງກະສັດ.
ເປທາຮີຢາ ລູກຊາຍຂອງເມເຊຊາເບນ, ເປັນຜູ້ໜຶ່ງໃນບັນດາເຊື້ອສາຍຂອງເຊຣາ ລູກຊາຍຂອງຢູດາ ເປັນໂຕແທນຂອງກະສັດໃນການເບິ່ງແຍງກິດຈະການທຸກຢ່າງທີ່ກ່ຽວກັບປະຊາຊົນ.
ສຳລັບໝູ່ບ້ານທີ່ມີທົ່ງນານັ້ນ, ຊາວຢູດາຍສ່ວນໜຶ່ງແມ່ນໄດ້ອາໄສຢູ່ໃນກີລີອາດອາກບາ, ດີໂບນ, ເຢກັບເຊເອນ ແລະ ໝູ່ບ້ານຕ່າງໆທີ່ຢູ່ອ້ອມເມືອງເຫລົ່ານີ້. ເຢຊູອາ, ໂມລາດາ, ເບັດເປເລັດ ຮາຊາຊູອານ, ເບເອນເຊບາ ແລະ ໃນໝູ່ບ້ານທີ່ຢູ່ໃນອ້ອມແອ້ມນັ້ນ. ຊິກລັກ, ເມໂກນາ ແລະ ໝູ່ບ້ານທີ່ຢູ່ອ້ອມແອ້ມນັ້ນ. ເອນຣິມໂມນ, ໂຊຣາ, ຢາຣະມຸດ, ໃນຊາໂນອາ, ອາດຸນລຳ ແລະ ໝູ່ບ້ານຂອງພວກເຂົາ, ໃນລາກິດ ແລະ ທົ່ງນາ. ໃນອາເສກາ ແລະ ໝູ່ບ້ານທີ່ຢູ່ອ້ອມແອ້ມນັ້ນ. ດັ່ງນັ້ນ ພວກເຂົາໄດ້ອາໄສຢູ່ຕາມທາງຈາກເບເອນເຊບາຈົນຮອດຮ່ອມພູຮິນໂນມ.
ເຊື້ອສາຍຂອງເບັນຢາມິນ ແມ່ນມາຈາກເກບາທີ່ອາໄສຢູ່ໃນມິກມາດ, ອາອີ, ເບັດເອນ ແລະ ໝູ່ບ້ານທີ່ຢູ່ອ້ອມແອ້ມນັ້ນ, ທີ່ອານາທົດ, ໂນບ ແລະ ອານານີຢາ, ຮາໂຊ, ຣາມາ ແລະ ກິດຕາອິມ, ຮາດິດ, ເຊບົວອິມ ແລະ ເນບັນລັດ, ໂລດ ແລະ ໂອໂນ, ແລະ ໃນຮ່ອມພູຂອງບັນດາຊ່າງສີມື.
ຄົນເລວີບາງໝວດຂອງຢູດາໄດ້ອາໄສຢູ່ໃນເຂດຂອງເບັນຢາມິນ.
Source notes (1)
- Footnote ພາສາເຮັບເຣີວ່າ ຂອງພວກເຂົາ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.