Biblica® Open Lao Contemporary Version
ເອຊາຢາ 12
ບົດເພງແຫ່ງການສັນລະເສີນ
ໃນວັນນັ້ນ ພວກເຈົ້າຈະເວົ້າວ່າ
“ຂ້າແດ່ພຣະເຈົ້າຢາເວ, ຂ້ານ້ອຍຈະສັນລະເສີນພຣະອົງ.
ເຖິງແມ່ນວ່າພຣະອົງໃຈຮ້າຍຂ້ານ້ອຍ,
ຄວາມໃຈຮ້າຍຂອງພຣະອົງກໍໄດ້ປ່ຽນໄປ
ແລະ ພຣະອົງໄດ້ໜູນໃຈຂ້ານ້ອຍ.
ແນ່ນອນ ພຣະເຈົ້າເປັນຄວາມພົ້ນຂອງຂ້ານ້ອຍ;
ຂ້ານ້ອຍຈະໄວ້ວາງໃຈ ແລະ ບໍ່ຢ້ານ.
ພຣະເຈົ້າຢາເວ, ພຣະເຈົ້າຢາເວເອງ, ຄືກໍາລັງ ແລະ ບົດເພງຂອງຂ້ານ້ອຍ;
ພຣະອົງເປັນຄວາມພົ້ນຂອງຂ້ານ້ອຍ”.
ພວກເຈົ້າຈະຕັກນ້ຳຈາກນ້ຳສ້າງແຫ່ງຄວາມພົ້ນ
ດ້ວຍຄວາມຍິນດີ.
ໃນວັນນັ້ນພວກເຈົ້າຈະເວົ້າວ່າ:
“ຈົ່ງສັນລະເສີນພຣະເຈົ້າຢາເວ, ຈົ່ງຮ້ອງປະກາດພຣະນາມຂອງພຣະອົງ;
ຈົ່ງແຈ້ງຊົນຊາດທັງຫລາຍໃຫ້ຮູ້ເຖິງສິ່ງທີ່ພຣະອົງໄດ້ເຮັດ,
ແລະ ປະກາດວ່ານາມຂອງພຣະອົງເປັນທີ່ຍົກຍ້ອງ.
ຈົ່ງຮ້ອງເພງສັນລະເສີນພຣະເຈົ້າຢາເວ, ເພາະພຣະອົງໄດ້ເຮັດສິ່ງທີ່ຍິ່ງໃຫຍ່;
ຈົ່ງປະກາດໃຫ້ທົ່ວທັງໂລກຮູ້ເຖິງເລື່ອງນີ້.
ຊາວຊີໂອນ, ຈົ່ງໂຫ່ຮ້ອງ ແລະ ຮ້ອງເພງດ້ວຍຄວາມຊື່ນຊົມຍິນດີ,
ເພາະອົງບໍລິສຸດແຫ່ງອິດສະຣາເອນຜູ້ຢູ່ທ່າມກາງພວກເຈົ້ານັ້ນຍິ່ງໃຫຍ່ຫລາຍ”.
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.