Biblica® Open Lao Contemporary Version
ປະຖົມມະການ 5
ຈາກອາດາມເຖິງໂນອາ
ນີ້ແມ່ນບັນທຶກເລື່ອງລາວຄອບຄົວຂອງອາດາມ.
ເມື່ອພຣະເຈົ້າໄດ້ສ້າງມະນຸດນັ້ນ, ພຣະອົງໄດ້ສ້າງພວກເຂົາຕາມຢ່າງພຣະເຈົ້າ. ພຣະອົງໄດ້ສ້າງພວກເຂົາໃຫ້ເປັນຊາຍ ແລະ ຍິງ ແລ້ວໄດ້ອວຍພອນພວກເຂົາ. ແລະ ພຣະອົງຕັ້ງຊື່ໃຫ້ພວກເຂົາວ່າ “ມະນຸດ”1 ເມື່ອພວກເຂົາຖືກສ້າງຂຶ້ນ.
ເມື່ອອາດາມມີຊີວິດຢູ່ໄດ້ 130 ປີ, ລາວກໍມີລູກຊາຍຄົນໜຶ່ງທີ່ເໝືອນກັບລາວ, ຕາມແບບຂອງລາວ ແລະ ລາວໄດ້ຕັ້ງຊື່ລູກນັ້ນວ່າເຊດ. ຫລັງຈາກທີ່ເຊດໄດ້ເກີດມາ, ອາດາມກໍມີຊີວິດຢູ່ອີກ 800 ປີ ແລະ ມີລູກຊາຍລູກຍິງອີກຫລາຍຄົນ. ອາດາມມີຊີວິດຢູ່ລວມທັງໝົດ 930 ປີ ແລ້ວລາວກໍໄດ້ຕາຍໄປ.
ເມື່ອເຊດມີຊີວິດຢູ່ໄດ້ 105 ປີ, ລາວກໍໄດ້ເປັນພໍ່2ຂອງເອໂນດ. ຫລັງຈາກທີ່ລາວໄດ້ເປັນພໍ່ຂອງເອໂນດແລ້ວ, ເຊດກໍມີຊີວິດຢູ່ອີກ 807 ປີ ແລະ ມີລູກຊາຍລູກຍິງອີກຫລາຍຄົນ. ເຊດມີຊີວິດຢູ່ລວມທັງໝົດ 912 ປີ, ແລ້ວລາວກໍໄດ້ຕາຍໄປ.
ເມື່ອເອໂນດມີຊີວິດຢູ່ໄດ້ 90 ປີ, ລາວກໍໄດ້ເປັນພໍ່ຂອງເກນານ. ຫລັງຈາກທີ່ລາວໄດ້ເປັນພໍ່ຂອງເກນານແລ້ວ, ເອໂນດກໍມີຊີວິດຢູ່ອີກ 815 ປີ ແລະ ມີລູກຊາຍລູກຍິງອີກຫລາຍຄົນ. ເອໂນດມີຊີວິດຢູ່ລວມທັງໝົດ 905 ປີ, ແລ້ວລາວກໍໄດ້ຕາຍໄປ.
ເມື່ອເກນານມີຊີວິດຢູ່ໄດ້ 70 ປີ, ລາວກໍໄດ້ເປັນພໍ່ຂອງມະຫາລາເລນ. ຫລັງຈາກທີ່ລາວໄດ້ເປັນພໍ່ຂອງມະຫາລາເລນແລ້ວ, ເກນານກໍມີຊີວິດຢູ່ອີກ 840 ປີ ແລະ ມີລູກຊາຍລູກຍິງອີກຫລາຍຄົນ. ເກນານມີຊີວິດຢູ່ລວມທັງໝົດ 910 ປີ, ແລ້ວລາວກໍໄດ້ຕາຍໄປ.
ເມື່ອມະຫາລາເລນມີຊີວິດຢູ່ໄດ້ 65 ປີ, ລາວກໍໄດ້ເປັນພໍ່ຂອງຢາເຣັດ. ຫລັງຈາກທີ່ລາວໄດ້ເປັນພໍ່ຂອງຢາເຣັດແລ້ວ, ມະຫາລາເລນກໍມີຊີວິດຢູ່ອີກ 830 ປີ ແລະ ມີລູກຊາຍລູກຍິງອີກຫລາຍຄົນ. ມະຫາລາເລນມີຊີວິດຢູ່ລວມທັງໝົດ 895 ປີ, ແລ້ວລາວກໍໄດ້ຕາຍໄປ.
ເມື່ອຢາເຣັດມີຊີວິດຢູ່ໄດ້ 162 ປີ, ລາວກໍໄດ້ເປັນພໍ່ຂອງເອນົກ. ຫລັງຈາກທີ່ລາວໄດ້ເປັນພໍ່ຂອງເອນົກແລ້ວ, ຢາເຣັດກໍມີຊີວິດຢູ່ອີກ 800 ປີ ແລະ ມີລູກຊາຍລູກຍິງອີກຫລາຍຄົນ. ຢາເຣັດມີຊີວິດຢູ່ລວມທັງໝົດ 962 ປີ ແລ້ວລາວກໍໄດ້ຕາຍໄປ.
ເມື່ອເອນົກມີຊີວິດຢູ່ໄດ້ 65 ປີ, ລາວກໍໄດ້ເປັນພໍ່ຂອງເມທູເສລາ. ຫລັງຈາກທີ່ລາວໄດ້ກາຍເປັນພໍ່ຂອງເມທູເສລາແລ້ວ, ເອນົກກໍເດີນກັບພຣະເຈົ້າຢ່າງສັດຊື່ຕໍ່ໄປອີກ 300 ປີ ແລະ ມີລູກຊາຍລູກຍິງອີກຫລາຍຄົນ. ເອນົກມີອາຍຸລວມທັງໝົດ 365 ປີ. ເອນົກໄດ້ດຳເນີນຊີວິດໄປກັບພຣະເຈົ້າຢ່າງສັດຊື່; ແລ້ວກໍບໍ່ມີຜູ້ໃດພົບລາວອີກ, ເພາະພຣະເຈົ້າໄດ້ຮັບລາວໄປແລ້ວ.
ເມື່ອເມທູເສລາມີຊີວິດຢູ່ໄດ້ 187 ປີ, ລາວກໍໄດ້ເປັນພໍ່ຂອງລາເມັກ. ຫລັງຈາກທີ່ລາວໄດ້ເປັນພໍ່ຂອງລາເມັກແລ້ວ, ເມທູເສລາກໍມີຊີວິດຕໍ່ໄປອີກ 782 ປີ ແລະ ມີລູກຊາຍລູກຍິງອີກຫລາຍຄົນ. ເມທູເສລາມີຊີວິດລວມທັງໝົດ 969 ປີ ແລ້ວລາວກໍໄດ້ຕາຍໄປ.
ເມື່ອລາເມັກມີຊີວິດຢູ່ໄດ້ 182 ປີ, ລາວກໍມີລູກຊາຍຄົນໜຶ່ງ. ລາວຕັ້ງຊື່ລູກຊາຍນັ້ນວ່າໂນອາ,3 ແລະ ກ່າວວ່າ, “ລາວຈະເລົ້າໂລມໃຈພວກເຮົາໃນການທຳງານ ແລະ ມືຂອງພວກເຮົາທີ່ເຈັບປວດຄວາມເຈັບປວດຈາກການເຮັດວຽກໜັກເທິງແຜ່ນດິນ ເຊິ່ງພຣະເຈົ້າຢາເວໄດ້ສາບແຊ່ງ”. ຫລັງຈາກທີ່ໂນອາໄດ້ເກີດມາ, ລາເມັກກໍມີຊີວິດຕໍ່ໄປອີກ 595 ປີ ແລະ ມີລູກຊາຍລູກຍິງອີກຫລາຍຄົນ. ລາເມັກມີຊີວິດຢູ່ລວມທັງໝົດ 777 ປີ ແລ້ວລາວກໍໄດ້ຕາຍໄປ.
ຫລັງຈາກທີ່ໂນອາອາຍຸໄດ້ 500 ປີ. ລາວກໍໄດ້ເປັນພໍ່ຂອງເຊມ ຮາມ ແລະ ຢາເຟດ.
Source notes (3)
- Footnote ພາສາເຮັບເຣີວ່າ ອາດາມ
- Footnote ພາສາເຮັບເຣີວ່າ ໄດ້ເປັນບິດາຂອງ ເຊິ່ງຄຳວ່າ ພໍ່ ອາດຈະມີຄວາມໝາຍວ່າ ບັນພະບຸລຸດ ເຊັ່ນດຽວກັບຂໍ້ 7-26
- Footnote ຄຳວ່າ ໂນອາ ມີສຽງຄ້າຍຄຳພາສາເຮັບເຣີທີ່ມີຄວາມໝາຍວ່າເລົ້າໂລມ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.