Biblica® Open Lao Contemporary Version
1 ຂ່າວຄາວ 7
ເຊື້ອສາຍຂອງອິດຊາຄາ
ລູກຊາຍຂອງອິດຊາຄາມີດັ່ງນີ້:
ໂຕລາ, ປູອາ, ຢາຊຸບ ແລະ ຊິມໂຣນ. ລວມທັງໝົດມີສີ່ຄົນ.
ລູກຊາຍຂອງໂຕລາມີດັ່ງນີ້:
ອຸດຊີ, ເຣຟາອີຢາ, ເຢຣິເອນ, ຢາມາຍ, ອີບສາມ ແລະ ຊາມູເອນ. ພວກເຂົາເປັນຫົວໜ້າຄອບຄົວ. ໃນຊ່ວງການປົກຄອງຂອງດາວິດ, ເຊື້ອສາຍຂອງໂຕລາທີ່ເປັນທະຫານ, ເຊິ່ງໄດ້ບັນທຶກຕາມລໍາດັບວົງຕະກຸນຂອງພວກເຂົາມີ 22.600 ຄົນ.
ລູກຊາຍຂອງອຸດຊີມີດັ່ງນີ້:
ອີຊະຣາຮີຢາ.
ລູກຊາຍຂອງອີຊະຣາຮີຢາມີດັ່ງນີ້:
ມີກາເອນ, ໂອບາດີຢາ, ໂຢເອນ ແລະ ອິດຊີຢາ. ພວກເຂົາຫ້າຄົນເປັນຫົວໜ້າ. ອີງຕາມການບັນທຶກຕາມລໍາດັບວົງຕະກຸນຂອງພວກເຂົາ, ພວກເຂົາມີທະຫານ 36.000 ຄົນທີ່ພ້ອມອອກສູ້ຮົບ. ຍ້ອນພວກເຂົາມີເມຍ ແລະ ລູກຫລາຍຄົນ.
ບັນດາຍາດພີ່ນ້ອງທີ່ເປັນທະຫານຂອງເຜົ່າອິດຊາຄາທັງໝົດ, ພວກເຂົາມີ 87.000 ຄົນ, ດັ່ງທີ່ໄດ້ບັນທຶກຕາມລໍາດັບວົງຕະກຸນຂອງພວກເຂົາ.
ເຊື້ອສາຍຂອງເບັນຢາມິນ
ລູກຊາຍຂອງເບັນຢາມິນມີດັ່ງນີ້:
ເບລາ, ເບເກ ແລະ ເຢດີອາເອນ.
ລູກຊາຍຂອງເບລາມີດັ່ງນີ້:
ເອຊະໂບນ, ອຸດຊີ, ອຸດຊີເອນ, ເຢຣິໂມດ ແລະ ອີຣິ. ພວກເຂົາມີທັງໝົດຫ້າຄົນເປັນຫົວໜ້າຄອບຄົວ. ຕາມທີ່ໄດ້ບັນທຶກຕາມລໍາດັບວົງຕະກຸນພວກເຂົາມີທະຫານ 22.034 ຄົນ.
ລູກຊາຍຂອງເບເກມີດັ່ງນີ້:
ເຊມີຣາ, ໂຢອາດ, ເອລີເອເຊ, ເອລີໂອນາຍ, ອົມຣິ, ເຢເຣໂມດ, ອາບີຢາ, ອານາທົດ ແລະ ອາເລເມັດ. ຄົນທັງໝົດນີ້ເປັນລູກຊາຍຂອງເບເຄ. ຕາມການບັນທຶກຕາມລໍາດັບວົງຕະກຸນຂອງພວກເຂົາ, ພວກເຂົາເປັນຫົວໜ້າຄອບຄົວ ແລະ ມີທະຫານ 20.200 ຄົນ.
ລູກຊາຍຂອງເຢດີອາເອນມີດັ່ງນີ້:
ບິນຮານ.
ລູກຊາຍຂອງບິນຮານມີດັ່ງນີ້:
ເຢອຸດ, ເບັນຢາມິນ, ເອຮຸດ, ເຄນາອານາ, ເຊທານ, ຕາກຊິດ ແລະ ອາຮິຊາຮາ. ຄົນເຫລົ່ານີ້ທັງໝົດເປັນລູກຊາຍຂອງເຢດີອາເອນທີ່ເປັນຫົວໜ້າຄອບຄົວ. ມີທະຫານ 17.200 ຄົນທີ່ພ້ອມອອກໄປສູ້ຮົບ.
ຊາວຊຸບປິມ ແລະ ຊາວຮູບປິມເປັນເຊື້ອສາຍຂອງອີຣະ ແລະ ຊາວຮູຊິມເປັນເຊື້ອສາຍຂອງອາເຮີ.
ເຊື້ອສາຍຂອງເນັບທາລີ
ລູກຊາຍຂອງເນັບທາລີມີດັ່ງນີ້:
ຢາຊີເອນ, ກູນີ, ເຢເຊ ແລະ ຊໍລູມ,1 ທີ່ເປັນເຊື້ອສາຍຂອງນາງບິນຮາ.
ເຊື້ອສາຍຂອງມານາເຊ
ເຊື້ອສາຍຂອງມານາເຊມີດັ່ງນີ້:
ອາຊະຣີເອນເປັນເຊື້ອສາຍທີ່ໄດ້ມາຈາກເມຍນ້ອຍຊາວອາຣາມ.
ນາງໄດ້ເກີດມາກີພໍ່ຂອງກີເລອາດ ມາກີໄດ້ເມຍຈາກຊາວຊຸບປິມ ແລະ ຊາວຮູບປິມຜູ້ລະຄົນ. ນ້ອງສາວຂອງລາວຊື່ວ່າ ມາອາກາ. ເຊື້ອສາຍອີກຄົນໜຶ່ງຊື່ວ່າເຊໂລເຟຮັດ, ຜູ້ທີ່ມີແຕ່ລູກສາວເທົ່ານັ້ນ. ມາອາກາເມຍຂອງມາກີມີລູກຊາຍຄົນໜຶ່ງ ແລະ ໄດ້ຕັ້ງຊື່ວ່າ ເປເຣັດ. ນ້ອງຊາຍຂອງລາວຊື່ວ່າ ເຊເລດ, ແລະ ລາວມີລູກຊາຍຄື ອູລາມ ແລະ ເຣເກມ.
ລູກຊາຍຂອງອູລາມຄື:
ເບດານ.
ຄົນເຫລົ່ານີ້ແມ່ນລູກຊາຍຂອງກີເລອາດ, ຜູ້ເປັນລູກຊາຍຂອງມາກີ, ຜູ້ທີ່ເປັນລູກຊາຍຂອງມານາເຊ.
ຮາມໂມເລເກັດເປັນນ້ອງສາວຂອງກີເລອາດມີລູກຊາຍດັ່ງນີ້: ອີໂຊດ, ອາບີເອເຊ ແລະ ມາລາ.
ລູກຊາຍຂອງເຊມີດາມີດັ່ງນີ້:
ອາຮີອານ, ຊີເຄມ, ລີຄີ ແລະ ອານີອາມ.
ເຊື້ອສາຍຂອງເອຟຣາອິມ
ເຊື້ອສາຍຂອງເອຟຣາອິມມີດັ່ງນີ້:
ຊູເທລາ, ລູກຊາຍຂອງລາວແມ່ນເບເຣັດ,
ລູກຊາຍຂອງເບເຣັດແມ່ນຕາຮາດ, ລູກຊາຍຂອງຕາຮາດແມ່ນເອເລອາດາ,
ລູກຊາຍຂອງເອເລອາດາແມ່ນຕາຮາດ, ລູກຊາຍຂອງຕາຮາດແມ່ນຊາບາດ,
ລູກຊາຍຂອງຊາບາດແມ່ນຊູເທລາ.
(ເອເຊ ແລະ ເອເລອາດຖືກຊາວພື້ນເມືອງຂອງກາດຂ້າ, ເມື່ອພວກເຂົາໄປຢຶດຝູງສັດຂອງຊາວກາດ. ເອຟຣາອິມພໍ່ຂອງພວກເຂົາກໍໄວ້ທຸກໃຫ້ພວກເຂົາເປັນເວລາຫລາຍມື້ ແລະ ຍາດພີ່ນ້ອງຂອງລາວກໍໄດ້ພາກັນມາເລົ້າໂລມໃຈລາວ. ຫລັງຈາກນັ້ນເອຟຣາອິມກໍຫລັບນອນກັບເມຍຂອງຕົນອີກ, ນາງໄດ້ຖືພາ ແລະ ເກີດລູກຊາຍຄົນໜຶ່ງ. ລາວໄດ້ຕັ້ງຊື່ໃຫ້ລູກຊາຍວ່າເບຣິຢາ,2 ເພາະມີເຫດການຮ້າຍເກີດຂຶ້ນໃນຄອບຄົວຂອງລາວ. ລູກສາວຂອງເອຟຣາອິມແມ່ນເຊເອຣາ, ຜູ້ທີ່ສ້າງເມືອງເບັດໂຮໂຣນຕອນລຸ່ມ ແລະ ຕອນເທິງເມືອງອຸດເຊັນເຊເອຣາ).
ເຣຟາເປັນລູກຊາຍຂອງເອຟຣາອິມອີກຜູ້ໜຶ່ງແມ່ນເຣຟາ, ລູກຊາຍຂອງເຣຟາແມ່ນເຣເຊັບ,3
ລູກຊາຍຂອງເຣເຊັບແມ່ນເຕລາ, ລູກຊາຍຂອງເຕລາແມ່ນຕາຮານ,
ລູກຊາຍຂອງຕາຮານແມ່ນລາດານ, ລູກຊາຍຂອງລາດານແມ່ນອາມມີຮູດ,
ລູກຊາຍຂອງອາມມີຮຸດແມ່ນເອລີຊາມາ, ລູກຊາຍຂອງເອລີຊາມາແມ່ນນູນ,
ລູກຊາຍຂອງນູນແມ່ນໂຢຊວຍ.
ດິນແດນ ແລະ ບ່ອນທີ່ພວກເຂົາໄດ້ຕັ້ງຖິ່ນຖານຢູ່ລວມທັງເມືອງເບັດເອນ ແລະ ບ້ານຕ່າງໆທີ່ຢູ່ອ້ອມເມືອງຕ່າງໆນັ້ນ, ນາອາຣານຈົນເຖິງທາງຕາເວັນອອກ, ເມືອງເກເຊ ແລະ ບ້ານຕ່າງໆທີ່ອ້ອມເມືອງນັ້ນໄປຈົນເຖິງທາງຕາເວັນຕົກ ແລະ ຈາກເມືອງຊີເຄມ ແລະ ໝູ່ບ້ານຕ່າງໆທີ່ຢູ່ອ້ອມໄປຈົນເຖິງເມືອງອາອີ ແລະ ໝູ່ບ້ານຕ່າງໆທີ່ຢູ່ອ້ອມເມືອງເຫລົ່ານັ້ນ. ລຽບຕາມຊາຍແດນຂອງມານາເຊມີເມືອງຕ່າງໆຄື: ເບັດເຊອານ, ຕາອານັກ, ເມກິດໂດ ແລະ ເມືອງໂດເຣ, ພ້ອມທັງບ້ານຕ່າງໆທີ່ຢູ່ອ້ອມເມືອງເຫລົ່ານັ້ນ. ເຊື້ອສາຍຂອງໂຢເຊັບລູກຊາຍອິດສະຣາເອນອາໄສຢູ່ໃນເມືອງເຫລົ່ານີ້.
ເຊື້ອສາຍຂອງອາເຊ
ລູກຊາຍຂອງອາເຊມີດັ່ງນີ້:
ອິມນາ, ອີຊະວາ, ອີຊະວີ ແລະ ເບຣີຢາ. ລາວມີລູກສາວຜູ້ໜຶ່ງຊື່ວ່າ ເສຣາ.
ລູກຊາຍຂອງເບຣີຢາມີດັ່ງນີ້:
ເຮເບ ແລະ ມັນກີເອນ, ມັນກີເອນເປັນພໍ່ຂອງບີຣະຊາອິດ.
ເຮເບເປັນພໍ່ຂອງຢາຟະເລດ, ໂຊເມ, ໂຮທາມ ແລະ ນ້ອງສາວຂອງພວກເຂົາຊື່ວ່າ ຊູອາ.
ລູກຊາຍຂອງຢາຟະເລດມີດັ່ງນີ້:
ປາສັກ, ບີມຮານ ແລະ ອາຊະວາດ.
ຄົນເຫລົ່ານີ້ແມ່ນລູກຊາຍຂອງຢາຟະເລດ.
ລູກຊາຍຂອງໂຊເມມີດັ່ງນີ້:
ອາຮີ, ໂຣກາ,4 ຮຸບບາ ແລະ ອາຣາມ.
ໂຮທາມນ້ອງຊາຍຂອງລາວມີລູກຊາຍດັ່ງນີ້:
ໂຊພາ, ອີມນາ, ເຊເລັດ ແລະ ອາມານ.
ລູກຊາຍຂອງໂຊພາມີດັ່ງນີ້:
ສູອາ, ຮັກເນເຟ, ຊູອານ, ເບຣີ, ອິມຣາ, ເບເຊ, ໂຮດ, ຊາມມາ, ຊິນຊາ, ອີທະຣານ5 ແລະ ເບເອຣາ.
ລູກຊາຍຂອງເຢເທີມີດັ່ງນີ້:
ເຢຟຸນເນ, ປີສະປາ, ແລະ ອາຣາ.
ລູກຊາຍຂອງອຸນລາມີດັ່ງນີ້:
ອາຣາ, ຮານນີເອນ, ແລະ ຣີຊີອາ.
ຄົນທັງໝົດເຫລົ່ານີ້ແມ່ນເຊື້ອສາຍຂອງອາເຊ, ເຊິ່ງເປັນຫົວໜ້າຄອບຄົວ, ເປັນທະຫານໄດ້ຮັບການຄັດເລືອກ, ເປັນນັກຮົບເກັ່ງກ້າ ແລະ ເປັນຜູ້ນຳທີ່ສໍາຄັນ. ມີຈໍານວນທະຫານ 26.000 ຄົນທີ່ພ້ອມອອກສູ້ຮົບ, ດັ່ງທີ່ໄດ້ບັນທຶກຕາມລໍາດັບວົງຕະກຸນຂອງພວກເຂົາ.
Source notes (5)
- Footnote ສຳເນົາຕົ້ນສະບັບພາສາເຮັບເຣີສ່ວນໃຫຍ່ວ່າ ຊໍລູມ (ເບິ່ງ ປຖກ 46:24 ແລະ ຈບຊ 26:49)
- Footnote ຄຳວ່າ ເບຣີອາ ມີສຽງຄ້າຍຄຳພາສາເຮັບເຣີທີ່ມີຄວາມຫມາຍວ່າ ເຄາະຮ້າຍ
- Footnote ພາສາເຮັບເຣີບໍ່ມີປະໂຫຍກທີ່ວ່າ ເຊິ່ງມີລູກຄື
- Footnote ຫລື ບຸດຂອງອ້າຍນ້ອງຂອງໂຊເມເຣໄດ້ແກ່ ໂຣຮະກາ
- Footnote ອາດຈະເປັນອີກຮູບໜຶ່ງຂອງ ເຢເທ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.