Biblica® Open Lao Contemporary Version
1 ຂ່າວຄາວ 27
ການແບ່ງໝວດກອງທັບ
ຕໍ່ໄປນີ້ແມ່ນລາຍຊື່ບັນດາຫົວໜ້າຄອບຄົວ, ຜູ້ບັນຊາການກອງພັນ ແລະ ບັນດາຜູ້ບັນຊາການກອງຮ້ອຍ, ແລະ ເຈົ້າໜ້າທີ່ຕ່າງໆຂອງອິດສະຣາເອນ, ທີ່ຮັບໃຊ້ກະສັດໃນທຸກວຽກງານທີ່ກ່ຽວກັບການແບ່ງໝວດກອງທະຫານປະຕິບັດໜ້າທີ່ໃນແຕ່ລະເດືອນຕະຫລອດປີ. ແຕ່ລະໝວດມີທະຫານຊາວສີ່ພັນຄົນ.
ຜູ້ບັນຊາການໝວດທີໜຶ່ງ, ທີ່ຮັບຜິດຊອບໃນເດືອນທີໜຶ່ງ, ແມ່ນຢາໂຊເບອາມ ລູກຊາຍຂອງຊັບດີເອນ. ຮັບຜິດຊອບທະຫານຊາວສີ່ພັນຄົນ. ລາວເປັນເຊື້ອສາຍຂອງເປເຣັດ ແລະ ເປັນຫົວໜ້ານາຍທະຫານທັງໝົດໃນເດືອນທີໜຶ່ງ.
ຜູ້ບັນຊາການ ທີ່ຮັບຜິດຊອບໃນເດືອນທີສອງແມ່ນໂດດາຍ ຊາວອາໂຮ; ມີກໂລດເປັນຜູ້ນໍາຂອງໝວດລາວ ມີທະຫານຊາວສີ່ພັນຄົນ.
ຜູ້ບັນຊາການຄົນທີສາມ, ທີ່ຮັບຜິດຊອບໃນເດືອນທີສາມ, ແມ່ນເບນາອີຢາລູກຊາຍຂອງປະໂລຫິດເຢໂຮຍອາດາ; ລາວເປັນຫົວໜ້າ ແລະ ມີທະຫານຊາວສີ່ພັນຄົນ. ເບນາອີຢາຄົນນີ້ແມ່ນຜູ້ທີ່ເປັນຫົວໜ້າຂອງຍອດນັກຮົບສາມສິບຄົນ. ລູກຊາຍຂອງລາວແມ່ນອຳມີຊາບັດເປັນຜູ້ບັນຊາການຂອງໝວດນີ້ແທນພໍ່ຂອງຕົນ.
ຜູ້ບັນຊາການຄົນທີສີ່, ທີ່ຮັບຜິດຊອບໃນເດືອນທີສີ່, ແມ່ນອາສາເຮນນ້ອງຊາຍຂອງໂຢອາບ; ເຊບາດີຢາເປັນລູກຊາຍຂອງລາວໄດ້ຂຶ້ນແທນພໍ່ຂອງຕົນ. ມີທະຫານຊາວສີ່ພັນຄົນ.
ຜູ້ບັນຊາການຄົນທີຫ້າ, ທີ່ຮັບຜິດຊອບໃນເດືອນທີຫ້າ, ແມ່ນຊາມຮູດຊາວອີຊະຣາ. ມີທະຫານຊາວສີ່ພັນຄົນ.
ຜູ້ບັນຊາການຄົນທີຫົກ, ທີ່ຮັບຜິດຊອບໃນເດືອນທີຫົກ, ແມ່ນອີຣາລູກຊາຍຂອງອິກເກັດ ຊາວເຕກົວ. ມີທະຫານຊາວສີ່ພັນຄົນ.
ຜູ້ບັນຊາການຄົນທີເຈັດ, ທີ່ຮັບຜິດຊອບໃນເດືອນທີເຈັດ, ແມ່ນເຮເລັດຊາວເອຟຣາອິມ. ຈາກເມືອງເປໂລນ. ມີທະຫານຊາວສີ່ພັນຄົນ.
ຜູ້ບັນຊາການຄົນທີແປດ, ທີ່ຮັບຜິດຊອບໃນເດືອນທີແປດ, ແມ່ນສິບເບກາຍ ຊາວຮູຊາ, ໃນຕະກຸນເຊຣາ. ມີທະຫານຊາວສີ່ພັນຄົນ.
ຜູ້ບັນຊາການຄົນທີເກົ້າ, ທີ່ຮັບຜິດຊອບໃນເດືອນທີເກົ້າ, ແມ່ນອາບີເອເຊຊາວອານາທົດ, ໃນເຜົ່າເບັນຢາມິນ. ມີທະຫານຊາວສີ່ພັນຄົນ.
ຜູ້ບັນຊາການຄົນທີສິບ, ທີ່ຮັບຜິດຊອບໃນເດືອນທີສິບ, ແມ່ນມະຫາໄຣຊາວເນໂຕຟາ, ໃນຕະກຸນເຊຣາ. ມີທະຫານຊາວສີ່ພັນຄົນ.
ຜູ້ບັນຊາການຄົນທີສິບເອັດ, ທີ່ຮັບຜິດຊອບໃນເດືອນທີສິບເອັດ, ແມ່ນເບນາອີຢາ ຊາວປີຣາໂທນ, ໃນເຜົ່າເອຟຣາອິມ. ມີທະຫານຊາວສີ່ພັນຄົນ.
ຜູ້ບັນຊາການຄົນທີສິບສອງ, ທີ່ຮັບຜິດຊອບໃນເດືອນທີສິບສອງ, ແມ່ນເຮນດາອີ ຊາວເນໂຕຟາ, ຈາກຄອບຄົວຂອງໂອດນີເອນ. ມີທະຫານຊາວສີ່ພັນຄົນ.
ບັນດາຜູ້ນໍາຂອງເຜົ່າຕ່າງໆ
ບັນດາຜູ້ນໍາຂອງເຜົ່າຕ່າງໆຂອງອິດສະຣາເອນມີດັ່ງນີ້:
ເອລີເອເຊລູກຊາຍຂອງຊີກະຣີປົກຄອງເຜົ່າຣູເບັນ:
ເຊຟາຕີຢາລູກຊາຍຂອງມາອາກາປົກຄອງເຜົ່າຊີເມໂອນ;
ຮາຊາບີຢາລູກຊາຍຂອງເກມູເອນປົກຄອງເຜົ່າເລວີ;
ຊາດົກປົກຄອງເຊື້ອສາຍຂອງອາໂຣນ;
ເອລີຮູອ້າຍຂອງດາວິດປົກຄອງເຜົ່າຢູດາ;
ອົມຣິລູກຊາຍຂອງມີກາເອນປົກຄອງເຜົ່າອິດຊາຄາ;
ອີຊະມາອີຢາລູກຊາຍຂອງໂອບາດີຢາປົກຄອງເຜົ່າເຊບູໂລນ;
ເຢຣີໂມດລູກຊາຍຂອງອາຊະຣີເອນປົກຄອງເຜົ່າເນັບທາລີ;
ໂຮເຊອາລູກຊາຍຂອງອາຊາຊີຢາປົກຄອງເຜົ່າເອຟຣາອິມ;
ໂຢເອນລູກຊາຍຂອງເປດາອີຢາປົກຄອງເຜົ່າມານາເຊເຄິ່ງເຜົ່າ;
ອິດໂດລູກຊາຍຂອງເຊກາຣີຢາປົກຄອງເຜົ່າມານາເຊເຄິ່ງເຜົ່າໃນກີເລອາດ;
ຢາອາສີເອນລູກຊາຍຂອງອັບເນປົກຄອງເຜົ່າເບັນຢາມິນ;
ອາຊາເຣນລູກຊາຍຂອງເຢໂຣຮາມປົກຄອງເຜົ່າດານ.
ຄົນເຫລົ່ານີ້ແມ່ນບັນດາຜູ້ນໍາເຜົ່າຕ່າງໆຂອງອິດສະຣາເອນ.
ດາວິດບໍ່ໄດ້ນັບຈຳນວນຄົນທີ່ມີອາຍຸຊາວປີລົງມາ ຫລື ຕໍ່າກວ່າຊາວປີ, ເພາະພຣະເຈົ້າຢາເວໄດ້ສັນຍາວ່າຈະເຮັດໃຫ້ອິດສະຣາເອນມີຈໍານວນຫລວງຫລາຍເໝືອນດັ່ງດວງດາວໃນທ້ອງຟ້າ ໂຢອາບ ລູກຊາຍຂອງນາງເຊຣູອີຢາເລີ່ມນັບຈຳນວນຄົນ ແຕ່ເຮັດບໍ່ສຳເລັດ. ຄວາມໂກດຮ້າຍຂອງພຣະເຈົ້າໄດ້ຕົກໃສ່ອິດສະຣາເອນ ເພາະການນັບຈຳນວນຄົນຄັ້ງນີ້, ແລະ ຈໍານວນບໍ່ໄດ້ບັນທຶກໃນໜັງສືທາງການຂອງກະສັດດາວິດ.
ບັນດາຜູ້ດູແລຂອງກະສັດ
ອາຊະມາເວດລູກຊາຍຂອງອາດີເອນຮັບຜິດຊອບຫ້ອງເກັບເຄື່ອງຂອງກະສັດ.
ໂຢນາທານລູກຊາຍຂອງອຸດຊີອາຮັບຜິດຊອບຫ້ອງເກັບເຄື່ອງຕ່າງໆຕາມນອກເມືອງ, ໃນເມືອງ, ໝູ່ບ້ານ ແລະ ຫໍຄອຍຕ່າງໆ.
ເອຊະຣີລູກຊາຍຂອງເກລຸບຮັບຜິດຊອບຄົນເຮັດວຽກໃນນາ.
ຊີເມອີຊາວເມືອງຣາມາຮັບຜິດຊອບສວນອະງຸ່ນ
ຊັບດີຊາວເມືອງເຊຟາມຮັບຜິດຊອບຜົນຜະລິດຈາກສວນອະງຸ່ນສຳລັບຫ້ອງເກັບເຫລົ້າອະງຸ່ນ
ບາອານຮານານຊາວເກເດຮັບຜິດຊອບສວນໝາກກອກເທບ ແລະ ໝາກເດື່ອທີ່ຕີນພູດ້ານທິດຕາເວັນຕົກ.
ໂຢອາດຮັບຜິດຊອບການຈັດຫານ້ຳມັນໝາກກອກເທດ.
ຊິດໄຣຊາວຊາໂຣນຮັບຜິດຊອບລ້ຽງສັດໃນທົ່ງຫຍ້າຊາໂຣນ.
ຊາຟັດລູກຊາຍຂອງອັດໄລຮັບຜິດຊອບລ້ຽງຝູງສັດໃນຮ່ອມພູຕ່າງໆ.
ໂອບິນຊາວອິດຊະມາເອນຮັບຜິດຊອບຝູງອູດ.
ເຢເດອີຢາຊາວເມໂລໂນດຮັບຜິດຊອບຝູງລໍ.
ຢາຊິດຊາວເມືອງຮັກກິດຮັບຜິດຊອບຝູງແກະ.
ຄົນເຫລົ່ານີ້ເປັນຜູ້ດູແລຮັບຜິດຊອບຊັບສົມບັດຂອງກະສັດດາວິດ.
ໂຢນາທານລຸງຂອງດາວິດເປັນທີ່ປຶກສາເປັນຜູ້ມີຄວາມເຂົ້າໃຈເລິກເຊິ່ງ ແລະ ເປັນນັກສືກສາຄົ້ນຄວ້າ. ເຢຮີເອນລູກຊາຍຂອງຮັກໂມນີ
ເບິ່ງແຍງບັນດາລູກຊາຍຂອງກະສັດ.
ອາຮີໂຕເຟນເປັນທີ່ປຶກສາຂອງດາວິດ
ແລະ ຮູຊາຍຊາວອາກກິດເປັນທີ່ປຶກສາສ່ວນຕົວຂອງກະສັດ.
ເຢໂຮຍອາດາລູກຊາຍຂອງເບນາອີຢາ ແລະ ອາບີອາທາເປັນຜູ້ສືບທອດແທນອາຮີໂຕເຟນ.
ສ່ວນໂຢອາບເປັນຜູ້ບັນຊາການທະຫານສູງສຸດ.
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.