Biblica® Open Lao Contemporary Version
1 ຂ່າວຄາວ 26
ຄົນເຝົ້າຍາມປະຕູວິຫານ
ການແບ່ງຄົນເຝົ້າຍາມປະຕູວິຫານມີດັ່ງນີ້:
ຈາກຕະກຸນຂອງໂກຣາມີ:
ເມເຊເລມີຢາ ລູກຊາຍຂອງໂກເຣ, ເປັນລູກຊາຍຄົນໜຶ່ງຂອງອາສັບ. ລູກຊາຍຂອງເມເຊເລມີຢາ ມີດັ່ງນີ້:
ເຊກາຣີຢາເປັນລູກຊາຍກົກ, ຄົນທີສອງແມ່ນເຢດີອາເອນ,
ຄົນທີສາມແມ່ນເຊບາດີຢາ, ຄົນທີສີ່ແມ່ນຢາທະນິເອນ,
ຄົນທີຫ້າແມ່ນເອລາມ, ຄົນທີຫົກແມ່ນເຢໂຮຮານານ,
ແລະ ຄົນທີເຈັດແມ່ນເອລີເອໂຮນາຍ.
ໂອເບັດເອໂດມກໍມີລູກຊາຍດັ່ງນີ້:
ເຊມາອີຢາເປັນລູກຊາຍກົກ, ຄົນທີສອງແມ່ນເຢໂຮຊາບັດ,
ຄົນທີສາມແມ່ນໂຢອາ, ຄົນທີສີ່ແມ່ນສາກາ,
ຄົນທີຫ້າແມ່ນເນທາເນນ, ຄົນທີຫົກແມ່ນອາມມີເອນ,
ຄົນທີເຈັດແມ່ນອິດຊາຄາ, ແລະ ຄົນທີແປດແມ່ນເປອູນເລໄທ.
(ເພາະພຣະເຈົ້າໄດ້ອວຍພອນໂອເບັດເອໂດມ)
ເຊມາອີຢາ ລູກຊາຍກົກຂອງໂອເບັດເອໂດມກໍມີລູກຊາຍຫລາຍຄົນ ທີ່ເປັນຜູ້ນຳໃນຄອບຄົວຂອງພໍ່ຂອງພວກເຂົາ ເພາະພວກເຂົາເປັນຄົນທີ່ມີຄວາມສາມາດຫລາຍ. ລູກຊາຍຂອງເຊມາອີຢາມີດັ່ງນີ້:
ໂອທະນີ, ເຣຟາເອນ, ໂອເບັດ ແລະ ເອນຊາບັດ;
ເອລີຮູ ແລະ ເສມາກີຢາພ້ອມທັງຍາດພີ່ນ້ອງຂອງລາວກໍເປັນຄົນທີ່ມີຄວາມສາມາດຫລາຍ.
ຄົນເຫລົ່ານີ້ເປັນເຊື້ອສາຍຂອງໂອເບັດເອໂດມ; ພວກເຂົາ, ລູກຫຼານ ແລະ ຍາດພີ່ນ້ອງຂອງພວກເຂົາເປັນຄົນທີ່ມີຄວາມສາມາດຫລາຍ ພ້ອມທັງມີກຳລັງໃນການປະຕິບັດວຽກງານ. ເຊື້ອສາຍຂອງໂອເບັດເອໂດມລວມທັງໝົດມີ 62 ຄົນ.
ເມເຊເລມີຢາມີລູກຊາຍ ແລະ ຍາດພີ່ນ້ອງ ທີ່ເປັນຄົນທີ່ມີຄວາມສາມາດລວມທັງໝົດມີສິບແປດຄົນ.
ໂຮສາຈາກຕະກຸນເມຣາຣິ ມີລູກຊາຍດັ່ງນີ້:
ຄົນທີໜຶ່ງແມ່ນຊີມຣີ (ເຖິງແມ່ນວ່າຊິມຣີຈະບໍ່ແມ່ນລູກຊາຍກົກ ແຕ່ພໍ່ໄດ້ຕັ້ງລາວເປັນຄົນທີໜຶ່ງ),
ຄົນທີສອງແມ່ນຮິນກີຢາ, ຄົນທີສາມແມ່ນເຕບາລີຢາ
ຄົນທີສີ່ແມ່ນເຊກາຣີຢາ.
ລູກຊາຍ ແລະ ຍາດພີ່ນ້ອງຂອງໂຮສາ ລວມທັງໝົດມີສິບສາມຄົນ.
ນີ້ແມ່ນການແບ່ງພວກຄົນຍາມເຝົ້າປະຕູວິຫານ, ທີ່ໄດ້ແບ່ງຕາມຜູ້ນໍາຂອງພວກເຂົາ, ມີໜ້າທີ່ຮັບໃຊ້ໃນວິຫານຂອງພຣະເຈົ້າຢາເວເໝືອນກັນກັບຄົນເລວີອື່ນໆ. ພວກເຂົາໄດ້ຮັບຜິດຊອບຍາມແຕ່ລະປະຕູໂດຍການຈັບສະຫລາກຕາມຄອບຄົວຂອງພວກເຂົາ, ບໍ່ວ່າເປັນຜູ້ໃຫຍ່ ແລະ ຄົນໜຸ່ມກໍເໝືອນກັນ.
ສໍາລັບການຈັບສະຫລາກເພື່ອຮັບຜິດຊອບຍາມປະຕູດ້ານຕາເວັນອອກ ໄດ້ຕົກຖືກເຊເລມີຢາ.1
ແລ້ວສະຫລາກສໍາລັບດ້ານເໜືອ ໄດ້ຕົກຖືກເຊກາຣີຢາ ລູກຊາຍຂອງລາວ, ທີ່ເປັນຜູ້ໃຫ້ຄໍາປຶກສາທີ່ສະຫຼຽວສະຫຼາດ.
ສະຫລາກສຳລັບປະຕູດ້ານໃຕ້ ໄດ້ຕົກຖືກໂອເບັດເອໂດມ ແລະ ສະຫລາກສຳລັບເຝົ້າຍາມຫ້ອງເກັບເຄື່ອງໄດ້ຕົກຖືກບັນດາລູກຊາຍຂອງລາວ.
ສະຫລາກສຳລັບປະຕູດ້ານຕາເວັນຕົກ ແລະ ປະຕູຊັນເລເກັດທີ່ຖະໜົນດ້ານເທິງ ໄດ້ຕົກຖືກ ຊຸບປິມ ແລະ ໂຮສາ.
ໜ້າທີ່ເຝົ້າຍາມທີ່ປ່ຽນຜຽນກັນຍາມດັ່ງນີ້:
ປະຕູທາງດ້ານຕາເວັນອອກ ແຕ່ລະມື້ຈະມີຍາມຄົນເລວີຫົກຄົນ,
ປະຕູດ້ານເໜືອມີຄົນຍາມສີ່ຄົນ,
ປະຕູດ້ານໃຕ້ມີສີ່ຄົນ
ຫ້ອງເກັບເຄື່ອງຈະມີເວນຍາມສອງຄັ້ງ ຄັ້ງລະສອງຄົນ.
ສຳລັບສາລາທາງດ້ານຕາເວັນຕົກທີ່ຖະໜົນມີສອງຄົນ ແລະ ໃນສາລາເອງມີສອງຄົນ.
ຄົນເຫລົ່ານີ້ແມ່ນຄົນເຝົ້າຍາມປະຕູວິຫານ ທີ່ເປັນເຊື້ອສາຍຂອງໂກຣາ ແລະ ເມຣາຣິ.
ນາຍຄັງ ແລະ ໜ້າທີ່ອື່ນໆໃນວິຫານ
ພີ່ນ້ອງຊາວເລວີຄົນອື່ນໆ2 ມີໜ້າທີຮັບຜິດຊອບຄັງຂອງວິຫານຂອງພຣະເຈົ້າ ແລະ ຄັງຂອງຖວາຍຕ່າງໆ.
ເຊື້ອສາຍຂອງລາດານ, ຈາກຕະກຸນເກໂຊນ ແລະ ເປັນຫົວໜ້າຄອບຄົວຕາມເຊື້ອສາຍລາດານຄື, ເຢຮີເອລີ, ລູກຊາຍຂອງລາດານມີດັ່ງນີ້: ເຢຮີເອລີ ເຊທາມ ແລະ ໂຢເອນນ້ອງຊາຍຂອງລາວ. ພວກເຂົາເປັນຜູ້ຮັບຜິດຊອບຄັງວິຫານຂອງພຣະເຈົ້າຢາເວ.
ຈາກຕະກຸນອຳຣາມ, ອີຊະຮາດ, ເຮັບໂຣນ ແລະ ອຸດຊີເອນມີດັ່ງນີ້:
ເຊບູເອນ ເຊື້ອສາຍຂອງເກໂຊມລູກຊາຍຂອງໂມເຊ, ເປັນເຈົ້າໜ້າທີ່ຮັບຜິດຊອບຄັງຕ່າງໆ. ຍາດພີ່ນ້ອງຂອງລາວທີ່ທາງເອລີເອເຊຄື: ເຣຮາບີຢາເປັນພໍ່ຂອງເຢຊາອີຢາ, ເຢຊາອີຢາເປັນພໍ່ຂອງໂຢຣາມ, ໂຢຣາມເປັນພໍ່ຂອງຊີກະຣີ, ຊີກະຣີເປັນພໍ່ຂອງເຊໂລມິດ.
ເຊໂລມິດ ແລະ ຍາດພີ່ນ້ອງຂອງລາວແມ່ນຮັບຜິດຊອບຄັງທັງໝົດທີ່ກະສັດດາວິດ, ບັນດາຫົວໜ້າຄອບຄົວຕ່າງໆ ທີ່ຜູ້ບັນຊາການກອງພັນ ແລະ ບັນດາຜູ້ບັນຊາການກອງຮ້ອຍ ແລະ ບັນດາຜູ້ບັນຊາການກອງທັບໄດ້ອຸທິດຖວາຍແກ່ພຣະເຈົ້າ. ພວກເຂົາໄດ້ນໍາເອົາເຄື່ອງບາງສ່ວນທີ່ຢຶດມາໄດ້ຈາກການສູ້ຮົບ ພວກເຂົາໄດ້ອຸທິດຖວາຍເພື່ອນໍາໃຊ້ໃນການບຳລຸງຮັກສາວິຫານຂອງພຣະເຈົ້າຢາເວ. ເຊໂລມິດ ແລະ ຍາດພີ່ນ້ອງຂອງລາວກໍຍັງຮັບຜິດຊອບທຸກສິ່ງທີ່ຜູ້ທຳນວາຍຊາມູເອນ, ກະສັດໂຊນລູກຊາຍຂອງກີເຊ, ອັບເນລູກຊາຍຂອງເນຣະ ແລະ ໂຢອາບລູກຊາຍຂອງນາງເຊຣູອີຢາ ແລະ ຄົນອື່ນໆໄດ້ຖວາຍແກ່ພຣະເຈົ້າ.
ຈາກຕະກຸນອິດຊະຮາດມີດັ່ງນີ້:
ເກນານີຢາກັບລູກຊາຍຂອງລາວ ໄດ້ຮັບໜ້າທີ່ພາຍນອກວິຫານ, ຄື ເປັນເຈົ້າໜ້າທີ່ ແລະ ຜູ້ປົກຄອງອິດສະຣາເອນ.
ຈາກຕະກຸນເຮັບໂຣນມີດັ່ງນີ້:
ຮາຊາບີຢາ ແລະ ພີ່ນ້ອງຂອງລາວ ມີໜຶ່ງພັນເຈັດຮ້ອຍຄົນ, ພວກເຂົາມີໜ້າທີ່ຮັບຜິດຊອບອິດສະຣາເອນທາງຕາເວັນຕົກຂອງແມ່ນ້ຳຈໍແດນໃຫ້ເຮັດວຽກທຸກຢ່າງຂອງພຣະເຈົ້າຢາເວ ແລະ ຮັບໃຊ້ກະສັດ. ສໍາລັບຕະກຸນເຮັບໂຣນ, ເຢຣິຢາເປັນຫົວໜ້າຕາມການບັນທຶກລຳດັບຄອບຄົວຂອງພວກເຂົາ.
ໃນການປົກຄອງປີທີສີ່ສິບຂອງກະສັດດາວິດ ມີການສຳຫລວດ ແລະ ໄດ້ບັນທຶກໄວ້, ແລະ ພົບວ່າມີຄົນທີ່ມີຄວາມສາມາດໃນຕະກຸນຂອງເຮັບໂຣນທີ່ຢາເຊໃນກີເລອາດ. ເຢຣິຢາມີຍາດພີ່ນ້ອງສອງພັນເຈັດຮ້ອຍຄົນ, ທີ່ເປັນຄົນມີຄວາມສາມາດ ແລະ ເປັນຫົວໜ້າຄອບຄົວຕ່າງໆ, ກະສັດດາວິດຈຶ່ງຕັ້ງພວກເຂົາໃຫ້ຮັບຜິດຊອບຊາວຣູເບັນ, ຊາວກາດ ແລະ ຊາວມານາເຊເຄິ່ງເຜົ່າໃຫ້ເຮັດວຽກທຸກຢ່າງທີ່ກ່ຽວກັບພຣະເຈົ້າ ແລະ ກິດຈະການຂອງກະສັດ.
Source notes (2)
- Footnote ເປັນອີກຊື່ໜຶ່ງຂອງ ເມເຊເລມິຢາ
- Footnote ພາສາເຮັບເຣີວ່າ ຈາກຄົນເລວີ ອາ ຮີ ຢາເປັນຜູ້ເບິ່ງແຍງ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.