Biblica® Open Lao Contemporary Version
1 ຂ່າວຄາວ 25
ພວກນັກດົນຕຼີ
ດາວິດ, ລວມທັງບັນດາຜູ້ບັນຊາການກອງທັບໄດ້ແຍກລູກຊາຍບາງຄົນຂອງອາສັບ, ເຮມານ ແລະ ເຢດູທູນ ເພື່ອຮັບໃຊ້ໃນການທໍານວາຍ, ຮ່ວມດີດພິນໃຫຍ່, ດີດພິນນ້ອຍ ແລະ ຕົບແສ່ງ. ລາຍຊື່ຕໍ່ໄປນີ້ແມ່ນຜູ້ທີ່ເຮັດໜ້າທີ່ໃນການຮັບໃຊ້ໃນການນະມັດສະການມີດັ່ງນີ້:
ມາຈາກລູກຊາຍຂອງອາສັບ ມີດັ່ງນີ້:
ຊັກກູເຣ, ໂຢເຊັບ, ເນທານີຢາ ແລະ ອາຊາເຣລາ. ລູກຊາຍຂອງອາສັບຢູ່ພາຍໃຕ້ການດູແລຂອງອາສັບ, ທີ່ເປັນຜູ້ທໍານວາຍພາຍໃຕ້ການດູແລຂອງກະສັດ.
ມາຈາກລູກຊາຍຂອງເຢດູທູນ ມີດັ່ງນີ້:
ເກດາລິຢາ, ເຊຣີ, ເຢຊາອີຢາ, ຊີເມອີ,1 ຮາຊາບີຢາ ແລະ ມັດຕີທີຢາ, ລວມທັງໝົດມີຫົກຄົນ, ຢູ່ພາຍໃຕ້ການດູແລຂອງເຢດູທູນພໍ່ຂອງພວກເຂົາ, ທີ່ເປັນຜູ້ທໍານວາຍ, ໂດຍການດີດພິນໃຫຍ່ເພື່ອໂມທະນາຂອບພຣະຄຸນ ແລະ ຮ້ອງເພງສັນລະເສີນພຣະເຈົ້າຢາເວ.
ມາຈາກລູກຊາຍຂອງເຮມານ ມີດັ່ງນີ້:
ບຸກກີຢາ, ມັດຕານີຢາ, ອຸດຊີເອນ, ເຊບູເອນ, ເຢຣີໂມດ, ຮານານີຢາ, ຮານານີ, ເອລີອາທາ, ກິດດັນຕີ, ໂຣມາມຕີເອເຊ, ໂຢຊະເບກາຊາ, ມັນໂລທີ, ໂຮທີເຣ ແລະ ມາຮາຊີອົດ. (ຄົນເຫລົ່ານີ້ທັງໝົດແມ່ນພວກລູກຊາຍຂອງເຮມານຜູ້ທຳນວາຍຂອງກະສັດ. ພຣະເຈົ້າໄດ້ໃຫ້ລາວມີລູກຊາຍຕາມທີ່ພຣະເຈົ້າໄດ້ສັນຍາໄວ້. ເພື່ອຍົກຍ້ອງລາວ ພຣະເຈົ້າໄດ້ໃຫ້ເຮມານມີລູກຊາຍສິບສີ່ຄົນ ແລະ ລູກສາວສາມຄົນ.)
ພວກຄົນເຫລົ່ານີ້ມີໜ້າທີ່ຕົບແສ່ງ, ດີດພິນໃຫຍ່ ແລະ ດີດພິນນ້ອຍ ເພື່ອເປັນນັກດົນຕີໃນວິຫານຂອງພຣະເຈົ້າຢາເວ, ເຊິ່ງພວກເຂົາຢູ່ພາຍໃຕ້ການດູແລໂດຍພໍ່ຂອງພວກເຂົາ.
ສ່ວນອາສັບ, ເຢດູທູນ ແລະ ເຮມານຢູ່ພາຍໃຕ້ການດູແລຂອງກະສັດ. ພວກເຂົາທັງໝົດ ແລະ ຍາດພີ່ນ້ອງຂອງພວກເຂົາໄດ້ຮັບການຝຶກຝົນ ແລະ ຊໍານານໃນດ້ານດົນຕີເພື່ອຖວາຍແກ່ພຣະເຈົ້າຢາເວ ພວກເຂົາມີທັງໝົດ 288 ຄົນ. ພວກເຂົາໄດ້ຮັບມອບໝາຍໜ້າທີ່ໂດຍການຈັບສະຫລາກ, ບໍ່ວ່າຈະເປັນຄົນໜຸ່ມ ຫລື ຜູ້ໃຫຍ່, ບໍ່ວ່າຈະເປັນຄູ ຫລື ລູກສິດ.
ສະຫລາກທີໜຶ່ງໄດ້ຕົກຖືກໂຢເຊັບ, ຄອບຄົວຂອງອາສັບ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສອງໄດ້ຕົກຖືກເກດາລິຢາ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສາມໄດ້ຕົກຖືກຊັກກູເຣ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສີ່ໄດ້ຕົກຖືກເຊຣີ,2
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີຫ້າໄດ້ຕົກຖືກເນທານີຢາ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີຫົກໄດ້ຕົກຖືກບຸກກີຢາ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີເຈັດໄດ້ຕົກຖືກອາຊາເຣລາ3
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີແປດໄດ້ຕົກຖືກເຢຊາອີຢາ,
ກັບບັນດາລູກຊາຍ ແລະ ຍາດພີ່ນ້ອງຂອງລາວ
ສະຫລາກທີເກົ້າໄດ້ຕົກຖືກມັດຕານີຢາ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບໄດ້ຕົກຖືກຊີເມອີ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບເອັດໄດ້ຕົກຖືກອາຊາເຣນ,4
ກັບພວກລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບສອງໄດ້ຕົກຖືກຮາຊາບີຢາ,
ກັບພວກລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບສາມໄດ້ຕົກຖືກຊູບາເອນ,
ພວກລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບສີ່ໄດ້ຕົກຖືກມັດຕີທີຢາ,
ກັບພວກລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບຫ້າໄດ້ຕົກຖືກເຢຣີໂມດ,
ກັບພວກລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບຫົກໄດ້ຕົກຖືກຮານານີຢາ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບເຈັດໄດ້ຕົກຖືກໂຢຊະເບກາຊາ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບແປດໄດ້ຕົກຖືກຮານານີ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີສິບເກົ້າໄດ້ຕົກຖືກມັນໂລທີ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີຊາວໄດ້ຕົກຖືກເອລີອາທາ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີຊາວເອັດໄດ້ຕົກຖືກໂຮທີເຣ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີຊາວສອງໄດ້ຕົກຖືກກິດດັນຕີ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີຊາວສາມໄດ້ຕົກຖືກມາຮາຊີອົດ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
ສະຫລາກທີຊາວສີ່ໄດ້ຕົກຖືກໂຣມາມຕີເອເຊ,
ກັບບັນດາລູກຊາຍ ແລະ ຍາດພີ່ນ້ອງ ລວມມີ 12 ຄົນ.
Source notes (4)
- Footnote ສຳເນົາຕົ້ນສະບັບພາສາເຮັບເຣີສ່ວນໃຫຍ່ບໍ່ມີຄຳວ່າ ຊີເມອີ ເຊັ່ນດຽວກັບຂໍ້ 17
- Footnote ເປັນອີກຊື່ໜຶ່ງຂອງ ເຊລີ
- Footnote ເປັນອີກຮູບໜຶ່ງຂອງ ອາຊາເລລາ
- Footnote ເປັນອີກຊື່ໜຶ່ງຂອງ ອຸດຊີເອນ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.