Biblica® Open Lao Contemporary Version
1 ຂ່າວຄາວ 2
ລູກຊາຍຂອງອິດສະຣາເອນ
(ປຖກ 35:23-26)
ຄົນເຫລົ່ານີ້ແມ່ນລູກຊາຍຂອງອິດສະຣາເອນມີດັ່ງນີ້: ຣູເບັນ, ຊີເມໂອນ, ເລວີ, ຢູດາ, ອິດຊາຄາ, ເຊບູໂລນ, ດານ, ໂຢເຊັບ, ເບັນຢາມິນ, ເນັບທາລີ, ກາດ ແລະ ອາເຊ.
ຢູດາ
(ນຣ 4:18-22; ມທ 1:3-6)
ຕັ້ງແຕ່ຢູດາເຖິງລູກຊາຍຂອງເຮຊະໂຣນ
ລູກຊາຍຂອງຢູດາມີດັ່ງນີ້:
ເອຣະ, ໂອນານ ແລະ ເຊລາ. ຄົນເຫລົ່ານີ້ເກີດຈາກນາງບັດຊູອາຍິງຊາວການາອານ, ທີ່ເປັນລູກສາວຂອງຊູອາ.
(ເອຣະເປັນລູກຊາຍກົກຂອງຢູດາ, ລາວເປັນຄົນຊົ່ວຮ້າຍໃນສາຍຕາຂອງພຣະເຈົ້າຢາເວ; ດັ່ງນັ້ນ ພຣະອົງຈຶ່ງຂ້າລາວ).
ນາງຕາມາເປັນລູກໄພ້ຂອງຢູດາມີລູກຊາຍສອງຄົນຄື: ເປເຣັດ ແລະ ເຊຣາ.
ຢູດາຈຶ່ງມີລູກຊາຍທັງໝົດຫ້າຄົນ.
ລູກຊາຍຂອງເປເຣັດມີດັ່ງນີ້:
ເຮຊະໂຣນ ແລະ ຮາມູນ.
ລູກຊາຍຂອງເຊຣາມີດັ່ງນີ້:
ຊິມຣີ, ເອທານ, ເຮມານ, ການໂກນ ແລະ ດາກດາ1 ທັງໝົດມີຫ້າຄົນ.
ລູກຊາຍຂອງການໝີມີດັ່ງນີ້:
ອາການ,2 ຜູ້ທີ່ນຳຄວາມຍາກລໍາບາກມາສູ່ອິດສະຣາເອນໂດຍການເກັບເອົາສິ່ງທີ່ຫ່ວງຫ້າມທີ່ໄດ້ອຸທິດຖວາຍໃຫ້ແກ່ພຣະເຈົ້າ.3
ລູກຊາຍຂອງເອທານຄື:
ອາຊາຣີຢາ.
ລູກຊາຍຂອງເຮຊະໂຣນມີດັ່ງນີ້:
ເຢຣາເມເອນ, ຣາມ ແລະ ກາເລັບ.4
ຕັ້ງແຕ່ຣາມລູກຊາຍຂອງເຮຊະໂຣນ
ຣາມເປັນພໍ່ຂອງອຳມີນາດາບ,
ແລະ ອຳມີນາດາບເປັນພໍ່ຂອງນາໂຊນ, ຜູ້ທີ່ເປັນຜູ້ນໍາຂອງປະຊາຊົນຢູດາຍ.
ນາໂຊນເປັນພໍ່ຂອງສານໂມນ,5
ສານໂມນເປັນພໍ່ຂອງໂບອາດ,
ໂບອາດເປັນພໍ່ຂອງໂອເບັດ
ແລະ ໂອເບັດເປັນພໍ່ຂອງເຢຊີ.
ເຢຊີເປັນພໍ່ຂອງ
ເອລີອາບຜູ້ທີ່ເປັນລູກຊາຍກົກ; ລູກຊາຍຄົນທີສອງແມ່ນອາບີນາດາບ,
ຄົນທີສາມແມ່ນຊີເມອາ, ຄົນທີສີ່ແມ່ນເນທາເນນ,
ຄົນທີຫ້າແມ່ນຣັດດາຍ, ຄົນທີຫົກແມ່ນໂອເຊມ
ແລະ ຄົນທີເຈັດແມ່ນດາວິດ.
ເອື້ອຍຂອງພວກເຂົາແມ່ນນາງເຊຣູອີຢາ ແລະ ນາງອາບີກາຍ.
ນາງເຊຣູອີຢາມີລູກຊາຍສາມຄົນດັ່ງນີ້: ອາບີໄຊ, ໂຢອາບ ແລະ ອາສາເຮນ.
ອາບີກາຍເປັນແມ່ຂອງອາມາສາ ເຊິ່ງພໍ່ຂອງລາວແມ່ນເຢເທີເປັນຊາວອິດຊະມາເອນ.
ກາເລັບລູກຊາຍຂອງເຮຊະໂຣນ
ກາເລັບລູກຊາຍຂອງເຮຊະໂຣນໄດ້ລູກກັບ ນາງອາຊູບາ (ແລະ ເຢຣີໂອດ). ຄົນເຫລົ່ານີ້ແມ່ນລູກຊາຍຂອງນາງອາຊູບາມີດັ່ງນີ້:
ເຢເຊ, ໂຊບັບ ແລະ ອາກໂດນ.
ເມື່ອອາຊູບາໄດ້ຕາຍໄປແລ້ວ, ກາເລັບກໍໄດ້ແຕ່ງງານກັບເອຟຣັດ, ເຊິ່ງນາງມີລູກຊາຍຄົນໜຶ່ງໃຫ້ລາວຊື່ວ່າ ຮູເຣ.
ຮູເຣເປັນພໍ່ຂອງອູຣິ, ແລະ ອູຣິເປັນພໍ່ຂອງເບຊາເລນ.
ຕໍ່ມາ, ເມື່ອລາວມີອາຍຸຫົກສິບປີ, ເຮຊະໂຣນໄດ້ແຕ່ງງານກັບລູກສາວຂອງມາກີ, ເຊິ່ງເປັນພໍ່ຂອງກີເລອາດ. ລາວຮັກນາງຫລາຍ ແລະ ນາງໄດໃຫ້ກຳເນີດລູກຊາຍຄົນໜຶ່ງຊື່ວ່າເສກຸບ.
ເສກຸບເປັນພໍ່ຂອງຢາອີ, ເຊິ່ງລາວໄດ້ປົກຄອງເມືອງ 23 ແຫ່ງໃນເຂດແດນກີເລອາດ.
(ແຕ່ເກຊູ ແລະ ອາຣາມໄດ້ຢຶດເມືອງຮັບໂວດຢາອີ,6 ພວກເຂົາຍັງໄດ້ຢຶດເມືອງເກນາດພ້ອມທັງຫົກສິບເມືອງທີ່ຕັ້ງຢູ່ອ້ອມນັ້ນດ້ວຍ).
ຄົນເຫລົ່ານີ້ທັງໝົດເປັນເຊື້ອສາຍຂອງມາກີຜູ້ທີ່ເປັນພໍ່ຂອງກີເລອາດ.
ຫລັງຈາກທີ່ເຮຊະໂຣນໄດ້ຕາຍໄປໃນກາເລັບເອຟຣັດ, ອາບີຢາເມຍຂອງເຮຊະໂຣນມີລູກຊາຍຊື່ ອາຊະຮູ, ເຊິ່ງເປັນພໍ່7ຂອງເຕກົວ.
ເຢຣາເມເອນລູກຊາຍຂອງເຮຊະໂຣນ
ລູກຊາຍຂອງເຢຣາເມເອນທີ່ເປັນລູກຊາຍກົກຂອງເຮຊະໂຣນ ມີດັ່ງນີ້:
ຣາມເປັນລູກຊາຍກົກຂອງລາວ, ບູນາ, ໂອເຣນ, ໂອເຊມ ແລະ8 ອາຮີຢາ. ເຢຣາເມເອນມີເມຍອີກຄົນໜຶ່ງ, ເຊິ່ງຊື່ວ່າ ອາຕາຣາ; ນາງເປັນແມ່ຂອງໂອນາມ.
ຣາມເປັນລູກຊາຍກົກຂອງເຢຣາເມເອນມີລູກຊາຍດັ່ງນີ້:
ມາອາ, ຢາມິນ ແລະ ເອເກ.
ລູກຊາຍຂອງໂອນາມມີດັ່ງນີ້:
ຊາມມາຍ ແລະ ຢາດາ.
ລູກຊາຍຂອງຊາມມາຍມີດັ່ງນີ້:
ນາດາບ ແລະ ອາບີຊູ. ເມຍຂອງອາບີຊູຊື່ວ່າ ອາບີໄຮ, ນາງມີລູກຊາຍຊື່ວ່າ ອາບານ ແລະ ໂມລິດ.
ລູກຊາຍຂອງນາດາບມີດັ່ງນີ້:
ເສເລັດ ແລະ ອັບປາອິມ. ເສເລັດໄດ້ຕາຍໄປໂດຍບໍ່ມີລູກ.
ລູກຊາຍຂອງອັບປາອິມມີດັ່ງນີ້:
ອີຊີ, ຜູ້ທີ່ເປັນພໍ່ຂອງເຊຊານ. ເຊຊານເປັນພໍ່ຂອງອາຮະໄລ.
ລູກຊາຍຂອງຢາດາ, ເຊິ່ງເປັນນ້ອງຊາຍຂອງຊາມມາຍມີດັ່ງນີ້:
ເຢເທີ ແລະ ໂຢນາທານ. ເຢເທີໄດ້ຕາຍໄປໂດຍບໍ່ມີລູກ.
ລູກຊາຍຂອງໂຢນາທານມີດັ່ງນີ້:
ເປເລັດ ແລະ ຊາຊາ.
ຄົນເຫລົ່ານີ້ເປັນເຊື້ອສາຍຂອງເຢຣາເມເອນ.
ເຊຊານບໍ່ມີລູກຊາຍ, ລາວມີແຕ່ລູກສາວ.
ລາວມີຄົນຮັບໃຊ້ຊາວເອຢິບຜູ້ໜຶ່ງຊື່ວ່າຢາຣະຮາ. ເຊຊານຍົກລູກສາວຄົນໜຶ່ງໃຫ້ແຕ່ງງານກັບຄົນຮັບໃຊ້ຂອງຕົນຊື່ວ່າ ຢາຣະຮາ, ແລ້ວນາງກໍມີລູກຊາຍຊື່ວ່າ ອັດໄຕ.
ອັດໄຕເປັນພໍ່ຂອງນາທານ,
ນາທານເປັນພໍ່ຂອງຊາບັດ,
ຊາບັດເປັນພໍ່ຂອງເອຟະລານ,
ເອຟະລານເປັນພໍ່ຂອງໂອເບັດ,
ໂອເບັດເປັນພໍ່ຂອງເຢຮູ,
ເຢຮູເປັນພໍ່ຂອງອາຊາຣີຢາ,
ອາຊາຣີຢາເປັນພໍ່ຂອງເຮເລັດ,
ເຮເລັດເປັນພໍ່ຂອງເອເລອາສາ,
ເອເລອາສາເປັນພໍ່ຂອງສີສະໝາຍ,
ສີສະໝາຍເປັນພໍ່ຂອງຊໍລູມ,
ຊໍລູມເປັນພໍ່ຂອງເຢກາມີຢາ
ແລະ ເຢກາມີຢາເປັນພໍ່ຂອງເອລີຊາມາ.
ຕະກຸນຂອງກາເລັບ
ລູກຊາຍຂອງກາເລັບທີ່ເປັນນ້ອງຊາຍຂອງເຢຣາເມເອນມີດັ່ງນີ້:
ເມຊາເປັນລູກຊາຍກົກຂອງລາວ, ເຊິ່ງລາວເປັນພໍ່ຂອງສີເຟ,
ແລະ ລູກຊາຍຂອງລາວແມ່ນມາເຣຊາ,9 ເຊິ່ງເປັນພໍ່ຂອງເຮັບໂຣນ.
ລູກຊາຍຂອງເຮັບໂຣນມີດັ່ງນີ້:
ໂກຣາ, ຕັບປູອາ, ເຣເກມ ແລະ ເຊມາ.
ເຊມາເປັນພໍ່ຂອງຣາຮາມ
ແລະ ຣາຮາມເປັນພໍ່ຂອງຢອກເກອາມ.
ເຣເກມເປັນພໍ່ຂອງຊາມມາຍ.
ລູກຊາຍຂອງຊາມມາຍແມ່ນມາໂອນ,
ແລະ ມາໂອນເປັນພໍ່ຂອງເບັດຊູເຣ.
ເມຍນ້ອຍຂອງກາເລັບແມ່ນເອຟາທີ່ແມ່ຂອງ
ຮາຣານ, ໂມຊາ ແລະ ກາເຊ.
ຮາຣານເປັນພໍ່ຂອງກາເຊ.
ລູກຊາຍຂອງຢາດາຍມີດັ່ງນີ້:
ເຣເຄມ, ໂຢທານ, ເກຊານ, ເປເລດ, ເອຟາ ແລະ ຊາອາບ.
ມາອາກາເປັນເມຍນ້ອຍຂອງກາເລັບທີ່ເປັນແມ່ຂອງ
ເຊເບ ແລະ ຕີຮານາ.
ນາງກໍຍັງໄດ້ເກີດລູກຊາຍອີກຊື່ວ່າ ຊາອາບ, ຜູ້ທີ່ເປັນພໍ່ຂອງມາດມານນາ
ແລະ ໄດ້ເກີດເຊວາຜູ້ເປັນພໍ່ຂອງມັກເບນາ ແລະ ກີເບອາ.
ລູກສາວຂອງກາເລັບແມ່ນອັກຊາ.
ຄົນເຫລົ່ານີ້ເປັນເຊື້ອສາຍຂອງກາເລັບ.
ລູກຊາຍຂອງຮູເຣທີ່ເປັນລູກຊາຍກົກຂອງນາງເອຟຣັດມີດັ່ງນີ້:
ໂຊບານເປັນພໍ່ຂອງກີຣີອາດເຢອາຣີມ, ສານມາເປັນພໍ່ຂອງເບັດເລເຮັມ ແລະ ຮາເຣັບທີ່ເປັນພໍ່ຂອງເບັດກາເດ.
ເຊື້ອສາຍຂອງໂຊບານທີ່ເປັນພໍ່ຂອງກີຣີອາດເຢອາຣີມມີດັ່ງນີ້:
ຮາໂລເອ, ປະຊາຊົນເຄິ່ງໜຶ່ງເປັນຊາວເມນູໂຮດ, ແລະ ຕະກຸນຕ່າງໆຂອງກີຣີອາດເຢອາຣີມມີດັ່ງນີ້: ຊາວອິດໄຣ, ປູທະ, ຊູມາ ແລະ ຊາວມິດຊະຣາ. ຊາວໂຊຣາ ແລະ ເອຊະຕາໂອນສືບເຊື້ອສາຍມາຈາກຕະກຸນເຫລົ່ານີ້.
ເຊື້ອສາຍຂອງສານມາມີດັ່ງນີ້:
ເບັດເລເຮັມ, ຊາວເນໂຕຟາ, ຊາວອາໂຣດເບັດໂຢອາບ ແລະ ເຄິ່ງໜຶ່ງຂອງຊາວມານາຮາດກັບຊາວໂຊເຣ. ແລະ ຕະກຸນຕ່າງໆຂອງບັນດາຜູ້ຊ່ຽວຊານທາງການຂຽນ10ທີ່ອາໄສຢູ່ທີ່ເມືອງຢາເບດມີດັ່ງນີ້: ຊາວຕີຣາດ, ຊີເມອາດ ແລະ ສູກາດ. ຄົນເຫລົ່ານີ້ເປັນຊາວເກນິດທີ່ມາຈາກຮາມມັດ, ເຊິ່ງເປັນຕົ້ນຕະກຸນຂອງຊາວເຣກາບ.11
Source notes (11)
- Footnote ສຳເນົາຕົ້ນສະບັບພາສາເຮັບເຣີສ່ວນໃຫຍ່ວ່າ ດາລາ (ເບິ່ງ 1ກສ 4:31) ຊິມຣີ, ເອທານ, ເຮມານ, ການໂກນ ແລະ ດາກດາ
- Footnote ແປວ່າ ບັນຫາ ໃນພະທຳໂຢຊວຍເອີ້ນ ອາຄາລີ ວ່າ ອາການ
- Footnote ຄຳນີ້ໃນພາສາເຮັບເຣີໝາຍເຖິງສິ່ງຂອງ ຫລື ບຸກຄົນທີ່ຖວາຍແດ່ອົງພຣະຜູ້ເປັນເຈົ້າແລ້ວ ບໍ່ອາດເອີ້ນຄືນໄດ້ ມັກຈະຕ້ອງທຳລາຍໃຫ້ໝົດສິ້ນໄປ
- Footnote ພາສາເຮັບເຣີວ່າ ເຄລຸໄບ ເປັນອີກຮູບໜຶ່ງຂອງ ກາເລັບ
- Footnote ພາສາເຮັບເຣີວ່າ ຊານມາ (ເບິ່ງ ນຣ 4:21)
- Footnote ຫລື ຢຶດບໍລິເວນທີ່ຕັ້ງຖິ່ນຖານຂອງຢາອີ
- Footnote ຄຳວ່າ ບິດາ ອາດຈະມີຄວາມຫມາຍວ່າ ຜູ້ນຳທາງພົນລະເມືອງ ຫລື ຜູ້ນຳທາງທະຫານ ເຊັ່ນດຽວກັບຂໍ້ 42, 45, 49-52 ແລະ ອາດຈະມີຄວາມຫມາຍຢ່າງນີ້ໃນທີ່ອື່ນໆດ້ວຍ
- Footnote ຫລື ໂອເຣັນ ແລະ ໂອເສມ ເຊິ່ງເກີດຈາກນາງ
- Footnote ໃນພາສາເຮັບເຣີປະໂຫຍກນີ້ມີຄວາມຫມາຍບໍ່ຊັດເຈນ
- Footnote ຫລື ຂອງຊາວໂຊເຟີ
- Footnote ຫລື ເປັນພໍ່ຂອງ ເບັດເຣກາບ
Biblica® Open Lao Contemporary Version. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.