Afisawayi

Bulus Sẽkoo yɛnɛ shɔ

AFISAWAYI

Yutasinɛ

A vigbete shɔ gaa beenɛ a Afisawayi Shɔ vi beenɛu bee vi a ã kaka ba aru yuu ɓasinɛ, a nyaba gbete Ɗalapa ɓeye lɔɔ ɓɛshɔzɛyɛ, a nɔgbete shɔ yaasiyi ruuvini ai kpaa naraanɛ a Yesɔ Kirisi Ɗajaa kabii, a vi pẽnɛba gbete Ɗalapa mayɛ a Ɗa Suru ãyɛ nyamasinɛ ɓa. A vigbete Bulus pɛsi Afisawayi beerinɛ, a gaki shɔ viɓalinɛi nɛ i ɔ̃ a nyaba gbete i ɔ̃nɛ a nyazɔ a Kirisi a kabii u nizɛ ai ɔ̃nɛni.

Shɔ shovi a ruuɓusinɛ tot-tot aru u tasi shɔ Ɗa gɨnnɛyi nɛi a nyazɔ a yuu ɓasinɛ a Kirisini: wɛrɛ Ɗa naa bi, a Kirisini nɛ ukɔ yupɛ̃ni; ko naa ɗɔ gbete shɔ mayɛ, a Kirisi kɛ naa tari gbete shɔ pɔ̃ a ɗɔɔ wanɛ; ko naa suwɛrɛ, Kirisi naa ɓɛvɔɔ. Sẽkɔm yɛ kpɛlɛ-kpɛlɛ au nyanwani nagbete shɔvi beenɛu Ɗalapa tɔ̃vɨn shonɛ gɨn awuni a Kirisi kabii. Shɔ zɛ Ko-iviyatɔ sẽsẽ a Kirisi ɔrinɛni, yuu ãnɛ, ruuvini yaasinɛ, Ɗa tɔ̃vɨn shonɛ, a sɔkinɛni.

Vi au Ɓuzɨn yɛ

Yutasinɛ (1.1-2)

Kirisi a shɔ sisɨn ãnɛyi (1.3-3.21)

Suru a Kirisi (4.1-6.20)

Yisinɛ (6.21-24)