1 Timoti

Bulus Sẽkoo Au Gaa Beenɛ yɛnɛ

Timoti Bi

Yutasinɛ

Timoti u pɛ jakasa shɔ sisɨn ãnɛ a tipi Afisawa, u ɓiniu sipɛ su Yahudawa, ɓeye u ɓɛɛ shɔ Giriki. Timoti ɔ̃kɛ Bulus shɔdɔɔranɛ au shɔ naapɔ̃sinɛ au vishonɛ Ɗanyaruubiini. Bulus sẽkoo au gaa beenɛ yɛnɛ Timoti ɗɔbii nwanya ayuu vi taati.

Sẽkoom a ɗekɨn gaapɛ gɔ̃ shɔ yuusho aru vimatinɛ nyayeelinɛ a shɔ sisɨn ãnɛyi tete. Vimatɛnɛm, shɔ ɓasi shɔ Yahudawayi a shɔ gbete i ɓa Yahudawa ɓa a nyazɔ, sijo a nyaba sisɨn ãnɛ gbete jazɛ Kotipim sipɛ kɔ̃linɛ, nɛ nyaba gbete shɔ kpaa naraanɛ pɛ aka viɓusinɛ zɛnɛkɔ sheeli, a nyaba gbete shɔ pɛliyɛ naa, yaanɛ vishaanɛ wɔɔyi, ama ɓa zɔ tɛnɛ ɓa. A ɓuzɨn sẽkoou wɔsɔ̃n nyakɔsinɛ ayuu shɔ sisɨn ãnɛyi sãnɛ a Ɗalapa bassinɛ, piti a nɔgbete shɔ kasinɛ yupɛ̃ni shɔ sisɨn ãnɛyi a shɔ naapɔ̃sinɛyi ɔ̃yɛni. Nyayisinɛ, shɔ geli Timoti nɔgbete yɛ ɔ̃ Yesɔ Kirisi jawɛrɛ tɔ̃vɨn yɛ, a vipɛlinɛ gbeteu awuni a shɔ sisɨn ãnɛyi kn tottot.

Vi Au Ɓuzɨnyɛ

Yutasinɛ (1.1-2)

Yutasinɛ ayuu shɔ sisɨn ãnɛyi ai Yupɛ̃niyini (1.3-3.16)

Yutasinɛ yɛnɛ Timoti bi au yuu vishonɛ (4.1-6.21)