Biblica® Open Sorani Kurdish Book of Life
تیتۆس 2
راسپارده بۆ باوه‌ڕداران
به‌ڵام تۆ به‌شێوه‌یه‌ك فێر بكه، بگونجێت له‌گه‌ڵ فێركردنی ڕاست. پیاوانی پیر ڕاسپێره ووریاو به‌رێزو ژیربن، له‌باوه‌ڕو خۆشهویستیو دانبهخۆگرتن ڕێكو ڕاستبن.
هه‌روه‌ها پیرێژنه‌كان ڕاسپێره بهپیرۆزی بژین، له‌پاشه‌مله قسهنهكهن، سهرخۆشنهبن، به‌ڵكو شتی چاك فێری خه‌ڵكی بكه‌ن. ژنانی گه‌نج فێری خۆشه‌ویستی مێردو منداڵه‌كانیان بكه‌ن، ژیرو پاكبن بهڕێكو پێكی مالێان به‌ڕێوه‌ببه‌ن، باشبن، گوێڕایه‌ڵی مێردهكانیانبن، هه‌تا كه‌س بهخراپه باسی ووشه‌ی خودا نه‌كات.
هه‌روه‌ها ئامۆژگاری گه‌نجه‌كان بكه خۆڕاگربن. خۆت لهههموو شتێك ببه بهنموونه بۆیان له‌كاری چاكه، به‌ڕێزو پاكو دڵسۆزبه لهفێركردنت. باووته‌كانت ڕاستبنو قسه‌ی له‌سه‌ر نه‌كرێ، تا ناحه‌ز شه‌رمه‌زار بێت كاتێ هیچ خراپه‌یه‌ك نادۆزێته‌وه بیڵێت له‌دژتان.
كۆیله‌كان ڕاسپێره ملكه‌چی گهورهكانیانبن، لهههموو شتێك شوێنی ڕهزامهندییانبن، به‌رپێچیان نه‌كه‌ن، هیچیان لـێ‌نه‌دزن، به‌ڵكو لهههموو شتێك چاكه‌و دڵسۆزی خۆیان ده‌رخه‌ن، هه‌تا ئه‌وان فێركردنی خودای ڕزگاركه‌رمان بڕازێننه‌وه لهههموو شتێك.
چونكه به‌ره‌كه‌تی خودا ڕزگاریه، بۆ هه‌موو مرۆڤێك ده‌ركه‌وت، ئه‌وه‌ی فێرمان ده‌كات خـۆمـان دووربخه‌ینه‌وه لهههموو خراپهو ئاره‌زووه‌كانی ئه‌م جیهانه، تا له‌م ژیانه‌ی ئێستا بهژیریو ڕاستودروستیو لهخواترسی بژین، لهچاوهڕوانی هیوای پیرۆز، ڕۆژی ده‌ركه‌وتنی شكۆمه‌ندی خودای مهزنو عیسای مه‌سیحی ڕزگاركه‌رمان. ئه‌وه‌ی به‌خوێنی خۆی ئێمه‌ی كڕیه‌وه، تاببێته قوربانی بۆ هه‌موو گوناهێكو پاكمان بكاته‌وه‌و بمانكات به‌گه‌لـی تایبه‌تی خۆی كه دڵگه‌رمه بۆ كاری چاكه.
ئاوها قسه بكه‌و ووتار بده‌و سه‌رزه‌نشتی خه‌ڵكی بكه بهههموو ده‌سه‌ڵاتێك. ڕێگا مه‌ده كه‌س گاڵته‌ت پێ‌بكات.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.