Biblica® Open Sorani Kurdish Book of Life
ڕۆما 15
مه‌سیح نموونه‌یه بۆ ئێمه
به‌ڵام ئێمه كه به‌هێزین له‌باوه‌ڕ لهسهرمانه دانبگرین به‌خۆماندا به‌رامبه‌ر به بێ‌هێزی باوه‌ڕی لاوازان، هه‌روه‌ها خه‌ریكی ڕازیكردنی خۆمان نه‌بین. جا ههریهك لهئێمه پێویسته نزیكه‌كه‌ی ڕازی بكات بۆ چاكه‌ی ئه‌و، له‌پێناوی بنیادنانی. ته‌نانه‌ت مه‌سیحیش هه‌وڵی ڕازیكردنی خۆی نه‌داوه، به‌ڵكو به‌پێی ئه‌وه‌ی له‌كتێبی پیرۆزدا نووسراوه: [[جنێوی ئه‌وانه‌ی جنێوت پێ‌ده‌ده‌ن منیشی گرته‌وه.]] جا ئه‌وه‌ی لهپێشا نووسراوه، بۆ فێركردنی ئێمه نووسراوه، تا ئێمه به‌هۆی دانبهخۆگرتنو هاندانی كتێبی پیرۆز هیوامان هه‌بێ. داواكارم خودای دانبه‌خۆگرو هانده‌ر ڕێككه‌وتنی بیروڕاتان پێ‌ببه‌خشێ له‌نێو خۆتان به‌گوێره‌ی عیسای مه‌سیح، تا به‌یه‌ك دڵو به‌یه‌ك ده‌نگ ستایشی خودا بكه‌ین، باوكی عیسای مه‌سیحی خوداوه‌ندمان. له‌به‌ر ئه‌مه پێشوازی له‌یه‌كتری بكه‌ن، هه‌روه‌ك چۆن مه‌سیح پێشوازی لێ‌كردین، له‌پێناوی شكۆمه‌ندی خودا. من پێتان ده‌ڵێم، مه‌سیح بوو بهخزمهتكاری خه‌ته‌نه‌كراوه‌كان، تا ڕاستی خودا دهربخاتو ئه‌و به‌ڵێنه‌ی داویه‌تی به باپیران بیباته‌سه‌ر. هه‌روه‌ها تا میلله‌تان ستایشی خودا بكه‌ن به‌هۆی ئه‌و به‌زه‌ییه‌ی هه‌یه‌تی، هه‌روه‌ك له‌كتێبی پیرۆزدا نووسراوه: [[بۆیه سوپاست ده‌كه‌م له‌نێو میلله‌تانداو گۆرانی بۆ ناوت ده‌ڵێم]]، دیسان باسكراوه: [[دڵشادبن ئه‌ی میلله‌تان له‌گه‌ڵ گه‌لی خودا]]، هه‌روه‌ها ووتراوه: [[ستایشی خوداوه‌ند بكه‌ن ئه‌ی هه‌موو میلله‌تان، باههموو گه‌لان ستایشی بكه‌ن]]، ئه‌شعیاش ده‌ڵێ: [[یه‌كێك له‌پشتی یه‌سا ده‌رده‌كه‌وێ، فه‌رمانڕه‌وایی میلله‌تان ده‌كات، ئه‌وه‌ی میلله‌تان ئومێدیان پێیه‌تی.]] با خودای هیوا پڕتان بكات له‌هه‌موو خۆشیو ئاشتییه‌ك لهباوهڕدا، تاكو هیواتان زۆربێ به‌هۆی توانای ڕۆحی پیرۆزه‌وه.
خزمه‌تكردنی پۆڵس
ئه‌ی برایان من له‌و باوه‌ڕه‌دام ئێوه پڕن له‌چاكه، ته‌واون له‌زانیاریو توانای ئامۆژگاری یه‌كترتان هه‌یه. به‌ڵام زۆر بهچاونهترسیهوه به‌هۆی ئه‌و به‌ره‌كه‌ته‌ی خودا پێی به‌خشیوم، هه‌ندێ شتم بۆ نووسیون تا به‌بیرتان بهێنمه‌وه، هه‌تا ببم بهخزمهتكاری عیسای مه‌سیح، ده‌بێ وه‌ك كاهینێك به‌میلله‌تان مزگێنی خودا بده‌م، هه‌تا قوربانی میلله‌تان په‌سه‌ند كراو و پیرۆزكراو بێ بهڕۆحی پیرۆز بۆ خودا.
كه‌واته شانازی بهعیسای مه‌سیح ده‌كه‌م له‌خزمه‌تم بۆ خودا. من بهخۆم ڕانابینم باسی شتێك بكه‌م، گه‌ر مه‌سیح به‌هۆی منه‌وه نه‌یكردبێ، هه‌تا ملكه‌چی میلله‌تان بۆ خودا بهووتهو كردار به‌ده‌ست بهێنم، به‌توانای نیشانه‌و كاری سه‌رسوڕهێنه‌ر، به‌توانای ڕۆحی پیرۆز، ئاوا توانیم لهقودسو ده‌وروپشتی هه‌تا ناوچه‌ی ئیلریكوم، مزگێنیدانی مه‌سیح ته‌واو بكه‌م. من پێم داگرت له‌سه‌ر ئه‌وه‌ی مزگێنی ووشه‌ی خودا بده‌م، له‌و شوێنه‌ی ناوی مه‌سیحی تێدا نه‌بیسترا بوو، بۆ ئه‌وه‌ی له‌سه‌ر بناغه‌یه‌ك كه یه‌كێكیتر دایناوه دروستی نه‌كه‌م، وه‌ك له‌كتێبی پیرۆز نووسراوه: [[ئه‌وانه‌ی كه‌س هه‌واڵی ئه‌وی پێ نه‌داون له‌مه‌ولا ده‌بینن، ئه‌وانه‌ی ده‌رباره‌ی ئه‌و هیچیان نه‌بیستووه له‌مه‌ولا تێ‌ده‌گه‌ن.]]
ئاره‌زووی دیده‌نی ڕۆما
لهبهرههمان شتیش بوو چه‌ند جار نه‌م ده‌توانی بێم بۆ لاتان. به‌ڵام ئێستا، له‌م ناوچانه شوێن نه‌ماوه ئیشی لێ‌بكه‌م، هه‌روه‌ها ساڵانێكی زۆره ئاره‌زووی ئه‌وه ده‌كه‌م بێم بۆ لاتان، كاتێ ده‌چم بۆ ئیسپانیا هیوادارم به‌لاتان تێپهڕمو بتانبینم، دوای ئه‌وه‌ی چێژم لهبینینتان وه‌رگرت گه‌ر بۆ ماوه‌یه‌كی كورتیش بێ، ئومێده‌وارم كاروباری چوونی ئه‌وێم بۆ ئاسان بكه‌ن. به‌ڵام ئێستا ده‌چم بۆ قودس تاخزمهتی برا پیرۆزه‌كانم بكه‌م. چونكه باوه‌ڕدارانی مه‌كدۆنیه‌و ئه‌خائیه وایان بهباش زانی هه‌ندێ یارمه‌تی كۆبكه‌نه‌وه بۆ ئه‌و برا پیرۆزانه‌ی هه‌ژارو دهستكورتن له‌قودس. ئه‌وان ئه‌مه‌یان به باش زانیو قه‌رزاری ئه‌وان بوون، چونكه جووله‌كه‌كان له‌شته ڕۆحیه‌كان به‌شداری میلله‌تانیان كرد، جا پێویست بوو له‌سه‌ر ئه‌وان خزمه‌تی جووله‌كه‌كان بكه‌ن له‌باره‌ی شته مادییه‌كانه‌وه. دوای ئه‌وه‌ی به‌م كاره ههڵدهستمو ئه‌و یارمه‌تییه‌یان پێشكه‌ش ده‌كه‌م، سه‌رتان لێ‌ده‌ده‌م كاتێ به‌ره‌و ئیسپانیا ده‌ڕۆم. من ده‌زانم گه‌ر بێم بۆ لاتان، به‌ته‌واوی پیرۆزی مه‌سیح بۆ لاتان دێم. ئه‌ی برایان داواتان لێ‌ده‌كه‌م، به‌ناوی عیسای مه‌سیحی خوداوه‌ندو بهخۆشهویستی ڕۆحی پیرۆز، هه‌مووتان به‌یه‌كه‌وه له‌گه‌ڵم تێبكۆشنو كۆشش بكه‌ن له‌نوێژدا له‌پێناوی من بۆ خودا، تا ڕزگاربم له‌ده‌ست بێ‌باوه‌ڕانی ناوچه‌ی یه‌هودیه، هه‌روه‌ها تاكو خزمه‌ته‌كه‌م له‌قودس په‌سه‌ند كراو بێ لای برا پیرۆزه‌كان، گه‌ر خودا خواستی له‌سه‌ر بێ به‌دڵشادیه‌وه دێم بۆ لاتان، به‌مه له‌گه‌ڵتان پشوو ده‌ده‌م. ئیتر با خودای ئاشتی له‌گه‌ڵ هه‌مووتان بێ. ئامین.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.