Biblica® Open Sorani Kurdish Book of Life
ئاشکراکردن 3
نامه‌یه‌ك بۆ كۆمه‌لـَه‌ی ساردس
هه‌روه‌ها بۆ فریشته‌ی كۆمه‌ڵه باوه‌ڕداره‌كه‌ی ساردس بنووسه: ئه‌وه‌ی كه حه‌وت ڕۆحی خوداو حه‌وت ئه‌ستێره‌كه‌ی هه‌یه ده‌ڵێت: (من ئاگاداری كاره‌كانتم، تۆ به‌ناو زیندووی، به‌ڵام تۆ مردووی. ئێشكبگرهو ئه‌وه‌ی ماوه به‌هێزی بكه، ئه‌وه‌ی له‌مردن نزیكبووهتهوه، چونكه كاره‌كانتم به‌ناته‌واوی بینی له‌به‌رده‌م خودا. بیربكه‌وه، ئه‌وه‌ی وهرتگرتو گوێت لێبوو كاری پێ‌بكه‌و تۆبه بكه، چونكه گه‌ر بێتو ئێشكنهگری ئه‌وا وه‌ك دزێك دێمه سهرتو كاتی هاتنیشم نازانیت. خه‌ڵكێكی كه‌م له‌ساردسدا هه‌ن جلو به‌رگه‌كانیان گڵاو نه‌كردووه، ئه‌وانه شایانی ئه‌وه‌ن به‌به‌رگی سپییه‌وه له‌گه‌ڵ من ملی ڕێ‌بگرن. ئه‌وه‌ی سه‌ربكه‌وێت به‌رگی سپی دهپۆشێتو ناوی له‌په‌رتووكی ژیان ناسڕمه‌وه‌و دان به‌ناوه‌كه‌یدا ده‌نێم له‌به‌رده‌م باوكمو فریشته‌كانی. ئه‌وه‌ی گوێی هه‌یه، باگوێ له‌ووته‌ی ڕۆح بگرێت بۆ كۆمه‌ڵه‌كان.)
نامه‌یه‌ك بۆ كۆمه‌لـَه‌ی فیلاده‌لفیا
هه‌روه‌ها بۆ فریشته‌ی كۆمه‌ڵه باوه‌ڕداره‌كه‌ی فیلاده‌لفیا بنووسه: ئه‌وه‌ی پیرۆزو ڕاسته، كلیله‌كه‌ی داودی له‌ده‌سته، ئه‌وه‌ی ده‌یكاته‌وه‌و كه‌س نابێ دایبخات، دایدهخاتو كه‌س نابێ بیكاته‌وه، ده‌ڵێت: (من ئاگاداری كاره‌كانتم، ئه‌وه‌تا ده‌رگایه‌كی كراوه‌م له‌به‌رده‌مت كردووه‌ته‌وه‌و كه‌س ناتوانێ دایبخات. ده‌زانـم تۆ هێزێكی كه‌مت هه‌یه، له‌گـه‌ڵ ئـه‌مــه‌ش تـۆ بــه‌ووشه‌ی مــن كار دهكهیتو ناوی منت ڕهتنهكردۆتهوه. من ئاوها له‌وانه‌ی كه‌نیشتی شه‌یتان ده‌كه‌م، ئه‌وانه‌ی ده‌ڵێن جوولهكهینو ئاواش نین، چونكه ئه‌وانه درۆ ده‌كه‌ن، وایان لێدهكهم بێن له‌به‌رده‌م پێیه‌كانت كرنۆش ببهنو بزانن تۆم خۆشویستووه، چونكه تۆ به‌ووشه‌ی دانبه‌خۆگرتنی من كارده‌كه‌ی، منیش له‌كاتی هاتنی تاقیكردنه‌وه به‌سه‌ر هه‌موو جیهان ده‌تپارێزم، تا دانیشتووانی زه‌وی تیایدا تاقیبكرێنه‌وه. ئه‌وه‌تا من به‌خێرایی دێم، دهستبگره به‌وه‌ی هه‌ته، تا كه‌س تاجه‌كه‌ت لێ‌نه‌ستێنێ. ئه‌وه‌ی سه‌ربكه‌وێت ده‌یكه‌مه كۆڵه‌كه‌ی په‌رستگای خودای خۆمو لێی ناچێته ده‌ره‌وه، هه‌روه‌ها ناوی خودای خۆمو ناوی شاری خودای خۆم، واته قودسی نوێ، ئه‌وه‌ی له‌لایه‌ن خودای خۆم له‌ئاسمان دێته‌خواره‌وه له‌سه‌ری ده‌نووسم، هه‌روه‌ها ناوی نوێی خۆمیشی له‌سه‌ر ده‌نووسم. ئه‌وه‌ی گوێی هه‌یه، باگوێ له‌ووته‌ی ڕۆح بگرێت بۆ كۆمه‌ڵه‌كان.)
نامه‌یه‌ك بۆ كۆمه‌لـَه‌ی لاودیكییه
بۆ فریشته‌ی كۆمه‌ڵه باوه‌ڕداره‌كه‌ی لاودیكییه بنووسه: ئامینو شایه‌تی دڵسۆزو سه‌رڕاست كه سه‌رچاوه‌ی هه‌موو دروستكراوه‌كانی خودایه ده‌ڵێت: (من ئاگام له‌كرده‌وه‌كانته، تۆ نه‌ساردو نه‌گه‌رمی. خۆزگه سارد یان گه‌رم بووایه‌ی. چونكه تۆ شله‌تێنی، نه‌ساردیو نه‌گه‌رمی، من نیازم وایه له‌ده‌ممه‌وه بتتفێنمه‌وه. چونكه تۆ ده‌ڵێی: من دهوڵهمهندمو پێویستیم به‌كه‌س نییه‌و پێویستیم به‌هیچ شتێك نییه، به‌ڵام بێ‌ئاگای له‌وه‌ی تۆ چه‌قاوه‌سوو و نهگبهتو هه‌ژارو كوێرو ڕووتی. بۆیه ئامۆژگاریت ده‌كه‌م زێڕی پوخته‌كراو به‌ئاگر له‌من بكڕیت تا ده‌وڵه‌مه‌ند بیت، جلی سپی له‌من بكڕه‌و له‌به‌ری بكه، تا شه‌رمه‌زاری ڕووتیت داپۆشی، هه‌روه‌ها مه‌رحه‌م بكڕه بۆ چاوه‌كانت تا ببینی. ئه‌وانه‌ی خۆشم بوێن سه‌رزه‌نشتیان دهكهمو ته‌مێیان ده‌كه‌م، بۆیه تۆش دڵگهرمبهو تۆبه بكه. ئه‌وه‌تا من له‌به‌ر ده‌رگا وهستاومو له‌ده‌رگا ده‌ده‌م، گه‌ر یه‌كێك گوێی له‌ده‌نگم بوو و ده‌رگاكه‌ی لێكردمهوه، دێمه ژووره‌وه‌و نانی له‌گه‌ڵ ده‌خۆم، ئه‌ویش له‌گه‌ڵ من. ئه‌وه‌ی سه‌ربكه‌وێت ڕێگای پێ‌ده‌ده‌م له‌سه‌ر ته‌خته‌كه‌م له‌گه‌ڵ من دانیشێ، هه‌روه‌ك من سهركهوتمو له‌گه‌ڵ باوكم له‌سه‌ر ته‌خته‌كه‌ی دانیشتم. ئه‌وه‌ی گوێی هه‌یه، باگوێ له‌ووته‌ی ڕۆح بگرێت بۆ كۆمه‌ڵه‌كان.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.