Biblica® Open Sorani Kurdish Book of Life
فیلیپی 2
نموونه‌ی ڕۆح سووكی عیسا
گه‌ر هاندانێك هه‌بێت لهمهسیحدا، یاخود بزوێنه‌رێك هه‌بێ له‌خۆشه‌ویستی، یابه‌شداری كردنێك هه‌بێ له‌ڕۆح، یاههستو سۆزو خۆشه‌ویستی، كه‌واته خۆشیه‌كه‌م ته‌واوكه‌ن به‌وه‌ی یه‌ك بیروڕاو خۆشه‌ویستیتان هه‌بێ، یه‌ك دڵو یه‌ك مه‌به‌ستتان هه‌بێ. هیچ شتێك به مه‌به‌ستی خۆپه‌رستیو خۆهه‌ڵكێشان مه‌كه‌ن، به‌ڵكو ڕۆح سووك بن به شێوه‌یه‌ك خه‌ڵكی كه به باشتر بزانن لهخۆتان. ته‌نها بایه‌خ به به‌رژه‌وه‌ندی تایبه‌تی خۆتان مه‌ده‌ن، به‌ڵكو بایه‌خ به به‌رژه‌وه‌ندی خه‌ڵكی تریش بده‌ن.
ئه‌م بیروڕایه‌تان تیادا بێ، ئه‌وه‌ی له عیسای مه‌سیح دایه:
ئه‌وه‌ی له‌شێوه‌ی خودا بوو،
نه‌یویست یه‌كسانیه‌كه‌ی له‌گه‌ڵ خودا
بكات بهدهسكهوتێك بۆ خۆی،
به‌ڵكو خۆی كرده هیچو
شێوه‌ی كۆیله‌ی وه‌رگرت،
وه‌كو مرۆڤی لێهات،
هه‌روه‌ها له‌گه‌ڵ ئه‌وه‌ی ئه‌و له‌شێوه‌ی
مرۆڤ بینرا،
خۆی نزم كرده‌وه‌و
ملكه‌چ بوو تا مردن،
مردن له‌سه‌ر خاچ.
بۆیه خودا به‌رزیكرده‌وه‌و
ناوێكی دایه كه له‌سه‌رووی هه‌موو
ناوێكه،
تاكو بۆ ناوی ئه‌و هه‌مووان چۆك
دابده‌ن،
له ئاسمانو سه‌ر زهویو ژێر زه‌ویش،
هه‌روه‌ها تا هه‌موو زمانێك دان بنێت
كه عیسای مه‌سیح خوداوه‌نده،
بۆ شكۆمه‌ندی خودای باوك.
ڕۆڵه‌كانی خودا بێكهموكوڕین
جا ئه‌ی خۆشه‌ویستانم، چۆن گشت كات گوێڕایه‌ڵ بوون هه‌ر وابن، نه‌ك هه‌ر ئه‌م كاته‌ی لێره‌م، به‌ڵكو زیاتریش دوای من، بۆ ڕزگاربوونتان بهترسو له‌رزه‌وه كار بكه‌ن، چونكه خودا خۆی له‌ئێوه كار ده‌كات تا ئاره‌زووی كاركردنتان پێ‌ببه‌خشێ بۆ ڕه‌زامه‌ندی خۆی.
هه‌موو شتێك بكه‌ن بێ بۆڵهبۆڵو شه‌ڕه‌قسه، تا بێكهموكوڕیو پاكبن، ڕۆڵه‌كانی خودا بێ له‌كه‌ن له‌ناو نه‌وه‌یه‌كی خراپو چهوتو خواردا، ئێوه له‌نێوان ئه‌واندا وه‌ك ڕووناكی جیهان ده‌دره‌وشێنه‌وه. ده‌ست بهووشهی ژیانه‌وه بگرن، تا له‌ڕۆژی مه‌سیح شانازی بكه‌م به‌وه‌ی بهخۆڕایی تێنهكۆشاومو بێ‌سوود ماندوونه‌بووم. گه‌ر بمرمو خوێنم به‌سه‌ر قوربانی باوه‌ڕتان بڕژێ، ئه‌وا له‌گه‌ڵتان دڵشادو دڵخۆشم. كه‌واته ئیۆه‌ش پێویسته له‌گه‌ڵم دڵشادو دڵخۆش بن.
تیمۆساوسو ئه‌پفرۆدیتۆس
هیوادارم له‌عیسای خوداوه‌ند بتوانم به‌م زووانه تیمۆساوس بنێرم بۆ لاتان، تا هه‌واڵتان بزانمو پێی دڵخۆش بم. جگه له‌و كه‌سیترم نییه وا بهدڵسۆزی بایه‌ختان پێ‌بدات، چونكه هه‌موو ئه‌وانیتر به‌دوای كاروباری تایبه‌تی خۆیان ده‌گه‌ڕێن، نه‌ك هی عیسای مه‌سیح. ئێوه لهشارهزایی تیمۆساوس ئاگادارن، وه‌ك كوڕێك له‌گه‌ڵ باوكی له‌گه‌ڵم كاریكردووه له‌مزگێنی. ئه‌و ده‌نێرم بۆ لاتان، هه‌ر كاتێك لێره چاره‌نووسم ده‌ربكه‌وێ. دڵنیام له‌خوداوه‌ند كه خۆشم به‌م نزیكانه دێم بۆ لاتان.
به‌ڵام به‌پێویستم زانی له‌پێشا ئه‌پفـرۆدیتۆس بنێرمــه‌وه بۆ لاتان، كه برامه‌و له‌گه‌ڵم ئیشكه‌رو ســه‌ربازه، ئـه‌وه‌ی نێرراوی ئێوه‌یه بۆ جێ‌به‌جێ كردنی پێویستیه‌كانم. ئه‌و بیری هه‌مووتان دهكاتو دڵته‌نگه چونكه هه‌واڵی نه‌ساغی ئه‌وتان بیستووه. به‌راستی زۆر نه‌ساغ بوو، هـه‌تا خه‌ریك بوو بمرێت، به‌ڵام خـودا به‌زه‌یی پیاهاته‌وه، هه‌روه‌ها به منیش، تا خه‌فه‌ت به‌دوای خه‌فـه‌تم به‌سه‌رنه‌یه‌ت. به‌مـه‌ش وای لـێكردم خێرا بینێرمه‌وه بۆ لاتان، بۆ ئه‌وه‌ی دڵشادبن كاتێك بینیتان، منیش خه‌فه‌تم كهمبێتهوه. كه‌واته به‌دڵشادیه‌وه له‌خوداوه‌ند پێشوازی لـێ‌بكه‌ن، هه‌روه‌ها ئه‌وانه‌ی وه‌ك ئهون ڕێزیان لێ‌بگرن. چونكه له‌پێناوی ئیشی مه‌سیح ژیانی خۆی خسته مه‌ترسیه‌وه‌و خه‌ریك بوو بمرێت، تا ئه‌و خزمه‌ته ته‌واو بكات ئه‌وه‌ی ئێوه بۆ من ده‌یكه‌ن.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.