Biblica® Open Sorani Kurdish Book of Life
مەرقۆس 7
سهرپێچیكردنی ڕاسپارده‌ی خودا
هه‌ندێ فهریسیو مامۆستایانی شه‌ریعه‌ت كه له‌قودسه‌وه هاتبوون چوونه لای عیسا. بینییان هه‌ندێ له‌قوتابیه‌كانی بێدهست شوشتن نان ده‌خۆن واته به‌ده‌ستی پیس. چونكه فهریسیهكانو جووله‌كه هه‌موو نانیان نه‌ده‌خوارد بێئهوهی به‌باشی ده‌ستیان نه‌شۆن، ئه‌مه‌ش وه‌ك خۆبهستنهوهیهكبوو به‌خووڕه‌وشتی پیرانیان. هه‌روه‌ها گه‌ر له‌بازاڕ بهاتنایه‌وه نانیان نه‌ده‌خوارد تاخۆیان نه‌شۆردایه، خووڕه‌وشتی كه‌شیان هه‌بوو وه‌ریان گرتبوو، له‌سـه‌ری ده‌ڕۆیشتن، وه‌ك شـوشتنی كاسه‌و مه‌سینه‌و قاپو قاچاغی مس. لێره فهریسیهكانو مامۆستایانی شه‌ریعه‌ت لێیان پرسی: (باشه بۆچی قوتابیه‌كانت له‌سه‌ر خووڕه‌وشتی پیران ناڕۆنو به‌ده‌ستی نه‌شۆراوه‌وه نان ده‌خۆن؟) ئه‌ویش وهڵامیدانهوه ووتی: (ئه‌ی دووڕووه‌كان ئه‌شعیا باشی پێشبینیكردووه ده‌رباره‌تان كاتێ ووتویه‌تی: [[ڕێزی ئه‌م گه‌له بۆ من هه‌ر بـه‌ده‌مـه، به‌ڵام دڵیان له‌منه‌وه دووره. به خۆڕایی ده‌مپه‌رستن، ئه‌وان شتێ فێری خه‌ڵكی ده‌كه‌ن كه ڕاسپارده‌ی خه‌ڵكیه.]] ئێوه ڕاسپارده‌كانی خوداتان پشتگوێ خستووه‌و خۆتان به‌ستۆته‌وه به‌خووڕه‌وشتی مرۆڤه‌وه.) دیسان پێیووتن: (له‌ڕاستیدا ئێوه باش ده‌زانن چۆن ڕاسپارده‌كانی خودا ڕهتبكهنهوه تا پارێزگاری له‌خووڕه‌وشتی مرۆڤ بكه‌ن. چونكه موسا ووتویه‌تی: [[ڕێزی دایكو باوكت بگره، ئه‌وه‌ی دایكو باوكی ڕیسوا بكات، بامردن سزای بێت.]] به‌ڵام ئێوه ده‌ڵێن: (گه‌ر یه‌كێ بهدایكو باوكی بڵێت ئه‌وه‌ی له‌منه‌وه ده‌ستتان ده‌كه‌وێ ده‌یكه‌مه قوربانی. ئیتر ئێوه داوای لێ‌ناكه‌ن خزمه‌تی دایكو باوكی بكات. ئابه‌م شێوه‌یه، به‌و دابو نه‌ریتانه‌ی وه‌رتان گرتووه، ووشه‌ی خودا له‌كار ده‌خه‌ن. هه‌روه‌ها زۆر شتی كه‌ش له‌م بابه‌ته كه ده‌یكه‌ن.)
ئه‌وه‌ی مرۆڤ گڵاو ده‌كات
ئینجا جارێكیكه هه‌موویانی بانگكردو پێیووتن: (هه‌موو گوێم بۆ ڕاگرنو تێبگهن. شت نییه له‌ده‌ره‌وه‌ی مرۆڤه‌وه بێته ناویو گڵاوی بكات. به‌ڵام ئه‌وه‌ی له‌مرۆڤه‌وه ده‌رده‌چێ، ئه‌وه‌یه گڵاوی ده‌كات. [ئه‌وه‌ی دوو گوێی هه‌یه بۆ بیستن با گوێ بگرێ.] كاتێ خه‌ڵكه‌كه هه‌موو ڕۆیشتن عیسا هاته ماڵه‌وه، قوتابیه‌كان ده‌رباره‌ی ئه‌و نموونه‌یه پرسیاریان لێ‌كرد. پێیووتن: (ئایا ئێوه‌ش تێناگهن؟ نازانن ئه‌وه‌ی له‌ده‌ره‌وه‌ی مرۆڤه‌وه دێته ناویه‌وه ناتوانێ گڵاوی بكات؟ چونكه ناچێته دڵیه‌وه، به‌ڵكو دێته ناو سكیه‌وه ئه‌وسا له‌له‌شی دێته ده‌ره‌وه.) به‌مه‌ش ڕایگه‌یاند هه‌موو خواردنێك پاكه. ئینجا ووتی: (ئه‌وه‌ی له‌مرۆڤه‌وه ده‌رده‌چێ، ئه‌وه‌یه مرۆڤ گڵاو ده‌كات. چونكه له‌ناوه‌وه‌و دڵی مرۆڤه‌وه، بیری خراپ دێته‌ده‌ره‌وه وه‌ك: به‌ڕه‌ڵڵایی، دزی، كوشتن، داوێن پیسی، چاوچنۆكی، خراپه‌كاری، هه‌ڵخه‌ڵه‌تاندن، به‌دڕه‌وشتی، چاوپیسی، كفر، لووتبهرزیو گێلی، ئه‌م شتانه هه‌موو له‌ناوه‌وه‌ی مرۆڤه‌وه ههڵدهقوڵێو مرۆڤ گڵاو ده‌كات.)
باوه‌ڕی ژنێكی كه‌نعانی
دوای ئه‌مه عیسا ئه‌و ناوچه‌یه‌ی بهجێهێشتو چوو بۆ هه‌رێمی سورو سه‌یدا. چووه ماڵێك نه‌یویست ئاشكرابێت، به‌ڵام نه‌یتوانی به‌شاره‌وه‌یی بمێنێته‌وه. ئینجا ژنێك كچه‌كه‌ی ڕۆحی پیسی تیابوو، كاتێ زانی ئه‌و له‌وێیه هاتو كه‌وته به‌رپێی. ژنه‌كه‌ش یۆنانی بوو، خه‌ڵكی فینیقیه‌ی سوریا بوو، لێیپاڕایهوه تاكو ئه‌و ڕۆحه پیسه له‌كچه‌كه‌ی ده‌ربكات.
به‌ڵام عیسا پێیووت: (جارێ بامنداڵه‌كان تێربن، چونكه دروست نییه نان له‌مان بسهنرێتو فرێبدرێ بۆ سه‌گ.) ژنه‌كه‌ش له‌وه‌ڵامدا ووتی: (ڕاسته گه‌وره‌م! به‌ڵام سه‌گیش له‌ژێر مێزدا له‌به‌رماوه‌ی منداڵه‌كان ده‌خوات.)
ئینجا عیسا پێیووت: (ئا له‌به‌ر ئه‌م قسه‌یه، بڕۆ وا ڕۆحه پیسه‌كه له‌كچه‌كه‌ت ده‌رچوو.)
كاتێ ژنه گه‌ڕایه‌وه بۆ ماڵه‌وه، كچه‌كه‌ی بینی له‌سه‌ر جێگاكه‌یو ڕۆحه پیسه‌كه‌ی لێ ده‌رچوو بوو.
چاكبوونه‌وه‌یكه‌ڕو لاڵێك
دوای ئه‌مه عیسا ناوچه‌ی سوری بهجێهێشتو گه‌ڕایه‌وه بۆ ده‌ریاچه‌ی جه‌لیل، به‌شاری سه‌یداو سنووری ده شاره‌كه تێپهڕی. یه‌كێكی كه‌ڕو لاڵیان بۆ هێنا، لێیپارانهوه ده‌ستی له‌سه‌ر دانێ. عیسا هێنایه ئه‌م لاوه تۆزێ دوور له‌خه‌ڵكه‌كه، سه‌ری په‌نجه‌ی خسته ناو گوێی كابراوه، تفیكردو زمانیگرت. ڕووی خۆی كرده ئاسمانو هه‌ناسه‌یه‌كی هه‌ڵكێشاو به‌كابراكه‌ی ووت: (ئیفه‌سا!) واته بكرێوه. دهستبهجێ گوێو گرێی زمانی كرانه‌وه، بهڕێكو ڕه‌وانی دهستیكرد به‌قسه كردن، ئینجا ڕایسپاردن به‌كه‌س نه‌ڵێن به‌ڵام چه‌ند ڕایدهسپاردن ئه‌وان زیاتر هه‌واڵیان بڵاوده‌كرده‌وه. خه‌ڵكه‌كه زۆر سه‌رسام بوون به‌شێوه‌یه‌ك ده‌یان ووت: (هه‌موو كرده‌وه‌كانی به‌باشی ئه‌نجامدا! ته‌نانه‌ت وا ده‌كات كه‌ڕ ببیسێتو لاڵ قسه بكات.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.