Biblica® Open Sorani Kurdish Book of Life
لۆقا 15
گه‌ڕان بهدوای وونبووان
هه‌موو باجگرانو گوناهباران ده‌هاتن بۆ گوێ‌گرتن لهووتهكانی عیسا. فهریسیهكانو مامۆستایانی شه‌ریعه‌ت به‌مه تووڕه دهبوونو ده‌یان ووت: (ئه‌م كابرایه پێشوازی له‌گوناهباران دهكاتو له‌گه‌ڵیان نان ده‌خوات.) عیساش نموونه‌یه‌كی بۆ هێنانه‌وه‌و ووتی: ( كێ له‌ئێوه گه‌ر سه‌د سه‌ر مه‌ڕی ههبێتو دانه‌یه‌كی لـێ وون بێت، نه‌وه‌دو نۆیه‌كه‌ی تر لهدهشت به‌جێ ناهێڵێتو ناگه‌ڕێ به‌شوێن مه‌ڕه وون بووه‌كه‌دا، تا ده‌یدۆزێته‌وه؟ ئینجا كه دۆزیه‌وه، به‌خۆشیه‌وه ده‌یخاته سهرشانیو ده‌یهێنێته‌وه بۆ ماڵه‌وه، هاوڕێكانیو دراوسێكانی بانگ دهكاتو پێیان ده‌ڵێت: دڵشاد بن له‌گه‌ڵم چونكه ئه‌و مه‌ڕه‌ی وون بووبوو، دۆزیمه‌وه. من پێتان ده‌ڵێم هه‌ر به‌م شێوه‌یه‌ش، له‌ئاسمان ده‌بێ بهشادی گه‌ر یه‌كێك له‌گوناهباران تۆبه بكات، زیاتر لهنهوهدو نۆ كه‌سی ڕاستودروست كه پێویستیان به تۆبه‌كردن نییه.
كاتێ پاره‌ت وون ده‌بێ
(یان چ ئافره‌تێ گه‌ر ده په‌نجایی هه‌بێ، یه‌كێكیانی لـێ بكه‌وێت، هه‌ڵناسێ، چرا ههڵبكاو ده‌ست بكات بهگهسك دانی ماڵه‌كه به ووردی، تا ده‌یدۆزێته‌وه؟ كاتێ كه دۆزیه‌وه، بۆ هاوڕێ‌و دراوسێكانی ده‌گێڕێته‌وه‌و پێیان ده‌ڵێ: دڵشادبن له‌گه‌ڵم چونكه پاره وون بووه‌كه‌م دۆزیه‌وه. من پێتان ده‌ڵێم: هه‌ر به‌م شێوه‌یه، بهتۆبهكردنی گوناهبارێك، ده‌بێته شادی لهنێوان فریشته‌كانی خودا.)
نموونه‌ی كوڕی وونبوو
ئینجا ووتی: (كابرایه‌ك دوو كوڕی هه‌بوو. بچووكه‌كه‌یان به باوكی ووت باوكه چیم به‌رده‌كه‌وێ له‌به‌شی خۆم بمده‌رێ، كابراش چی سامانی هه‌بوو كردی به‌دوو به‌شه‌وه‌و به‌شێكی دانا بۆ كوڕه بچووكه‌كه‌ی. دوای چه‌ند ڕۆژێك، كوڕی بچووك چی هه‌بوو هه‌مووی كۆكرده‌وه، ئینجا كه‌وته ڕێ بۆ ووڵاتێكی دوور، له‌وێ چی هه‌بوو هه‌مووی لهڕابواردن خهرجكرد. كاتێ كوڕه هیچی به‌ده‌سته‌وه نه‌ما، گرانی كه‌وته ئه‌و ناوچه‌یه، ئینجا هه‌ستی بهوهكرد كه پێویستی بهشتێك هه‌یه پێی بژی. دوای ئه‌وه‌ی چووه لای كابرایه‌ك لـهدانیشـتوانی ئه‌و ناوچه‌یه، كابرا ناردی بۆ كێڵگه‌كه‌ی تاكو به‌رازه‌كانی بۆ بله‌وه‌ڕێنێ. برسێتی وای لهكوڕهكرد حه‌زبكات له‌خڕنووكی به‌رازه‌كان بخوات، به‌ڵام ئه‌وه‌شی به‌ته‌واوی ده‌ست نه‌ده‌كه‌وت. ئینجا بیریكردهوهو ووتی: ئاخۆ چه‌ند نان بمێنێته‌وه له‌به‌ر ئه‌و كه‌سانه‌ی لای باوكم ئیش ده‌كه‌ن، ئه‌وه‌تا منیش لێره‌دا خه‌ریكه ده‌مرم لهبرسا. با بگه‌ڕێمه‌وه بۆ لای باوكم، پێی ده‌ڵێم: بابه من به‌رامبه‌ر بهئاسمانو به‌رامبه‌ر بهتۆ هه‌ڵه‌م كرد. ئیتر شایانی ئه‌وه نیم بهكوڕی تۆ بانگ بكرێم، بمكه بهیهكێك له‌ئیشكه‌ره‌كانت. ئه‌وسا كوڕه هه‌ڵساو گه‌ڕایه‌وه بۆ لای باوكی كاتێ باوكی لهدوورهوه بینی، دڵی پێسووتا، ڕایكرد بۆ لایو ده‌ستیكرده ملی، بهگهرمیهوه ماچیكرد. ئینجا كوڕه پێی ووت: بابه من به‌رامبه‌ر بهئاسمانو به‌رامبه‌ر بهتۆ ههڵهمكرد، ئیتر من شایانی ئه‌وه نیم بهكوڕی تۆ بانگ بكرێم. به‌ڵام باوكه‌كه، بانگی ئیشكهرهكانیكردو ووتی: بڕۆن خێرا باشترین جلو به‌رگ بهێننو له‌به‌ریكه‌ن، ئه‌نگوستیله‌ی بكه‌نه په‌نجه‌و پیڵاو بكه‌نه پێی. ئینجا بڕۆن گوێره‌كه دابه‌سته‌كه‌ش سه‌ربڕن، تا بیخۆینو دڵخۆش بین. ئه‌م كوڕه‌م مردبوو، زیندووبووه‌ته‌وه، وون بووبوو، دۆزراوه‌ته‌وه، بادڵخۆش بین. كوڕی گه‌وره‌ی كابرا، دوای ئـه‌وه‌ی لـهكێڵگه گه‌ڕایه‌وه‌و نزیك ماڵ بووه‌وه، گوێی له ده‌نگی مۆسیقاو هه‌ڵپه‌ركێ بوو. یه‌كێك لهئیشكهرهكانی بانگكردو لێیپرسی، ئه‌وه چیه، چی ڕوویداوه؟ ئه‌ویش وه‌ڵامی دایه‌وه‌و ووتی: براكه‌ت گه‌ڕاوه‌ته‌وه، باوكیشت گوێره‌كه دابه‌ستووه‌كه‌ی سه‌ربڕیوه بۆی، چونكه بهزیندوویهتی گه‌ڕاوه‌ته‌وه. برای گه‌وره تووڕهبوو، نه‌یویست بچێته ژووره‌وه. باوكی هاته ده‌ره‌وه‌و لێی پاڕایه‌وه. به‌ڵام ئه‌و وه‌ڵامی باوكی دایه‌وه‌و ووتی: ئه‌وه‌تا من ئه‌و هه‌موو ساڵه ئیشت بۆ ده‌كه‌م، به‌رهه‌ڵستی هیچ فه‌رمانێكم نه‌كردوویت، ته‌نانه‌ت بزنێكیشت نه‌دامێ تاكو له‌گه‌ڵ هاوڕێكانم دڵم پێی خۆش بێت. به‌ڵام بۆ گه‌ڕانه‌وه‌ی كوڕه‌كه‌ت، ئه‌وه‌ی به ڕابواردن له‌گه‌ڵ داوێنپیسان گوزه‌رانی تۆی خوارد، گوێره‌كه‌ی دابه‌ستراوی بۆ سه‌رده‌بڕی. ئینجا باوكه‌كه پێی ووت: كوڕم، تۆ گشت كات له‌گه‌ڵم دای، ئه‌وه‌ی هه‌مه هی تۆیه، به‌ڵام پێویسته دڵشاد بینو كهیفخۆش بین، چونكه براكه‌ت مردبوو زیندووبووه‌وه، وونبوو بوو دۆزراوه‌ته‌وه.)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.