Biblica® Open Sorani Kurdish Book of Life
لۆقا 10
عیسا حه‌فتا كهسیتر ده‌نێرێ
پـاش ئه‌مه خوداوه‌ند حه‌فتا كهسیكهی دهستنیشانكرد، دوو دوو ناردنی، تاكو پێش ئه‌و بڕۆن بۆ هه‌موو شارو جێگایه‌ك كه خه‌ریك بوو بۆی ده‌ڕۆیشت. جا پێی ووتن: (دروێنه زۆره به‌ڵام كرێكار كه‌مه، داوا له‌گه‌وره‌ی دروێنه بكه‌ن تا كرێكار بۆ دروێنهكهی بنێرێ. بڕۆن ئه‌وا من دهتاننێرم وه‌ك به‌رخ بۆ ناو گورگ. نه‌كیسه‌ی پاره له‌گه‌ڵ خۆتان به‌رن نه‌تووره‌كه نه‌پێڵاو، له‌ڕێگا سڵاو له‌كه‌س مه‌كه‌ن. چوونه هه‌ر ماڵێكیش، یه‌كه‌مجار سڵاو بكهنو بڵێن: با ئاشتی له‌م ماڵه بێت، گه‌ر له‌ماڵه‌كه‌دا ئاشتیخوازی تیابێت، ئه‌وا شایانی ئه‌و ئاشتیه‌ن. گه‌ر نه‌شبێت ئه‌وا سڵاوه‌كه بۆ خۆتان ده‌گه‌ڕێته‌وه. له‌و ماڵه بمێننه‌وه‌و له‌وه‌ی هه‌یانه بخۆنو بخۆنه‌وه، چونكه كرێكار شایانی ئه‌وه‌یه كرێی خۆی وه‌رگرێ. ئه‌وه‌نده ماڵه‌و ماڵیش مه‌كه‌ن. چوونه هه‌ر شارێك، كه دانیشتوانی پێشوازی لـێكردن، ئه‌وه‌ی ده‌تانده‌نێ بیخۆن. ئه‌و نه‌خۆشانه‌ی تیایه‌تی چاكی بكه‌نه‌وه‌و پێیان بڵێن پادشاهێتی خودا نزیك بووه‌ته‌وه، لهههر شارێكیش خه‌ڵكه‌كه‌ی نه‌یانویستن بڕۆنه سه‌ر شه‌قامه‌كانیو بڵێن: ( وا ئێمه ته‌نانه‌ت تۆزی شاره‌كه‌تان كه بهپێمانهوهیه ده‌یته‌كێنینه‌وه بهسهرتان، به‌ڵام ئه‌وه بزانن: پادشاهێتی خودا نزیك بووه‌ته‌وه.)، من پێتان ده‌ڵێم: (شاری سه‌دوم* له‌ڕۆژی دواییدا ناخۆشیو ئازاری كه‌متره له‌و شارانه‌ی كه ئێوه‌ی لێ ده‌رده‌كرێن.
( خاك به‌سه‌رت ئه‌ی كوره‌زین! خـاك بــه‌سـه‌رت ئه‌ی بهیتسهیدا! گه‌ر له سورو سه‌یدا ئه‌و كاره سه‌رسوڕهێنه‌رانه بكرایه كه لهلای ئـێـوه كرا، خـه‌ڵـكه‌كه‌ی هـه‌ر لهزووهوه تـۆبه‌یان ده‌كردو خۆیان لـه‌خــۆڵـه‌مـێش وه‌رده‌داو جـلی مـاتــه‌مـداریان له‌به‌رده‌كرد. به‌ڵام له‌ڕۆژی لـێپرسـیـنه‌وه‌دا چـاره‌نـووسـی ســورو سـه‌یدا لهئـێـوه باشتر ده‌بێ. تـۆش ئه‌ی كـه‌فـه‌رناحوم، ده‌تـه‌وێ بـڵند بـیـتـه‌وه تا ئـاسـمان؟ نه‌خـیـَر، تـۆ ده‌كـه‌ویـتـه قـووڵایی دۆزه‌خـه‌وه.
( ئــه‌وه‌ی گــوێتـان بۆ ڕاده‌گـرێ، گـوێ بـۆ مـن ڕاده‌گـرێ، ئه‌وه‌ی ڕهتـتـاندهكـاتهوه ئه‌وا من ڕهتدهكـاتهوه، ئـه‌وه‌ش من ڕهتدهكـاتهوه، ئــه‌وه ڕهتدهكـاتهوه كه مـنی نـاردووه.)
گه‌ڕانه‌وه‌ی نێرراوان
دوای ئه‌مه هه‌ر حه‌فتا كه‌سه‌كه‌ی ناردبوونی بهشادیهوه گه‌ڕانه‌وه‌و ووتیان: (گه‌وره‌م، ته‌نانه‌ت ڕۆحه پیسه‌كانیش به‌ناوی تۆوه ملكه‌چمانن.) ئه‌ویش پێی ووتن: (شه‌یتانم دی وه‌ك بروسكه له‌ئاسمانه‌وه هه‌ڵدێرا بۆ خواره‌وه. ئه‌وه‌تا من ده‌سه‌ڵاتم داونه‌تێ پێ‌بنێن به‌مارو دووپشكو هێزی دوژمن، هیچ شتێكیش ئازارتان نه‌دات. به‌ڵام دڵخۆش مه‌بن به‌وه‌ی ڕۆحه‌كان ملكه‌چتانن، به‌ڵكو دڵخۆش بن به‌وه‌ی ناوتان له ئاسماندا نووسراوه.)
ده‌رخستنی نهێنی بۆ هه‌ژاران
له‌وكاته‌دا عیسا بهڕۆحی پیرۆز زۆر شادومانبوو، ووتی: (سوپاستدهكهم ئه‌ی باوك، خوداوه‌ندی ئاسمانو زه‌وی، چونكه ئه‌م كارانه‌ت لهداناو زانایان شاردۆته‌وه بۆ منداڵانت ئاشكراكردووه. به‌ڵێ ئه‌ی باوك له‌به‌رئه‌وه‌ی به‌لاته‌وه واباشتره!
(هه‌موو شتێك له‌لایه‌ن باوكمه‌وه دراوه پێم، كه‌س نازانێ ڕۆڵه كێیه باوك نه‌بێ، كه‌سیش نییه بزانێ باوك كێیه ته‌نها ڕۆڵه‌و ئه‌وه نه‌بێ، كه ڕۆڵه ده‌یه‌وێ بۆی ئاشكرا بكات.) ئینجا ئاوڕی له‌قوتابیه‌كانی دایه‌وه‌و به‌ته‌نها به‌وانی ووت: (خۆزگهدهخوازرێ به چاوتان، به‌وه‌ی ئێستا ده‌یبینن. من پێتان ده‌ڵێم، زۆر لهپێغهمبهرانو پادشایان، ئاواته‌خوازی بینینی ئه‌وه بوون كه ئێوه ئێستا ده‌یبینن، به‌ڵام نه‌یان بینی، هه‌روه‌ها ببیستن ئه‌وه‌ی ئێوه ئێستا ده‌یبیستن، به‌ڵام نهیانبیست.)
سامریه دڵ پڕ له‌به‌زه‌ییه‌كه
یه‌كێ له‌زانایانی شه‌ریعه‌ت لێی هاتهپێشهوه، بۆ ئه‌وه‌ی تاقیبكاته‌وه، ووتی: (مامۆستا چی بكه‌م بۆ ئه‌وه‌ی ژیانی هه‌تاهه‌تایی به‌ده‌ست بهێنم؟) ئه‌ویش پێی ووت: (چی نووسراوه له‌ته‌ورات، چۆن ده‌یخوێنیته‌وه؟)
وه‌ڵامی دایه‌وه: ({خوداوه‌ند خودات خۆشبوێ بهههموو دڵو هه‌موو گیانو هه‌موو تواناو هه‌موو بیرته‌وه، هه‌روه‌ها ئه‌وه‌ی لێت نزیكه وه‌ك خۆت خۆشت بوێ.}) عیسا پێی ووت: (وه‌ڵامه‌كه‌ت ڕاسته. گه‌ر هاتوو كارت پێكرد ژیانی هه‌تاهه‌تایی به‌ده‌ست ده‌هێنی.) بـه‌ڵام پیــاوه‌كـه ویستی خۆی به كابرایه‌كی ڕاستودروست ده‌رخات، دیسان لهعیسای پرسی: (باشه كێیه ئه‌وه‌ی لێم نزیكه؟) عیسا وه‌ڵامی دایه‌وه ووتی: (مرۆڤێك له‌قودسه‌وه بۆ ئه‌ریحا ده‌چوو، كه‌وته ده‌ست چه‌ند دزێكه‌وه، پاره‌و جله‌كانیان لـێ‌سه‌ندو ئازاریان داو برینداریان كرد، ئینجا به نیوه مردوویی بهجێیانهێشتو ڕۆیشتن. وا ڕێكه‌وت كاهینێك لهههمان ڕێگه‌وه بڕوات، كاتێ ئه‌وی بینی، چووه ئه‌وبه‌ری ڕێگاكه دوور لهبریندارهكهو به‌جێیهێشت. هه‌روه‌ها كابرایه‌كی لاویش، له‌وێوه تێپه‌ڕی، كاتێ گه‌یشته ئه‌و شوێنه، سه‌یری كرد، ئه‌ویش چووه ئه‌وبه‌ری ڕێگاكه‌و به‌جێیهێشت. به‌ڵام كابرایه‌كی سامری كه له‌وێوه ده‌ڕۆیی، هاته‌سه‌ری، كاتێ بینی به‌زه‌یی پیاهاته‌وه، چووه پێشه‌وه لێی، دوای ئه‌وه‌ی ڕۆنو شه‌رابی به‌سه‌ر برینه‌كانیكردو تیماریكرد، سواری ووڵاخه‌كه‌ی خۆیكردو گه‌یاندیه میوانخانهیهكو له‌وێ چاودێریكرد. ڕۆژی دووه‌م كاتێ میوانخانه‌كه‌ی به‌جێ ده‌هێشت، دوو دیناری ده‌ركردو دای بهخاوهن میوانخانه‌كه‌و پێی ووت: (چاودێری بكه چه‌ندی تریشی پێویست بوو، كه گه‌ڕامه‌وه ده‌یده‌م.) كامیان له‌م سیانه به‌نزیك ده‌زانی بۆ ئه‌وه‌ی كه‌وته ده‌ست دزه‌كان؟) وه‌ڵامی دایه‌وه: (ئه‌وه‌ی بهبهزهییهوه هه‌ڵسوكه‌وتی له‌گه‌ڵ كردو یارمه‌تیدا.) ئینجا عیسا پێی ووت: (تۆش بڕۆ هه‌مان شت بكه.)
كاتێ بهڕێگاوه بوون چوونه دێیه‌ك، ژنێك ناوی مه‌رسا بوو، پێشوازی لـێكردو بردییه ماڵه‌كه‌ی خۆی. خوشكی ئه‌م ژنه ناوی مریه‌م بوو، له‌به‌رپێی دانیشت بۆ ئه‌وه‌ی گوێ لهووتهكانی بگرێت، به‌ڵام مه‌رسا سهرقاڵیشت ئامادهكردن بوو، هاتو ووتی: (گه‌وره‌م سه‌یر ناكه‌یت خوشكم بهجێیهێشتووم كاره‌كان به‌ته‌نها بكه‌م؟ پێی بڵێ با بێت یارمه‌تیم بدات.) به‌ڵام عیسا وه‌ڵامی دایه‌وه‌و ووتی: (مه‌رسا، مه‌رسا، تۆ سهرقاڵو شێواوی ده‌رباره‌ی زۆر شت. به‌ڵام ته‌نها یه‌ك شت پێویسته، مریه‌م شته باشه‌كه‌ی هه‌ڵبژاردووه، ئه‌وه‌ی لێی ناسه‌نرێته‌وه.(
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.