Biblica® Open Sorani Kurdish Book of Life
یۆحەنا 6
تێركردنی پێنج هه‌زار كه‌س
دوای ئه‌مه عیسا په‌ڕییه‌وه ئه‌وبه‌ری ده‌ریاچه‌ی جه‌لیل كه ده‌ریاچه‌ی ته‌به‌رییه، ئینجا ژماره‌یه‌كی زۆر خه‌ڵكی دوایكهوتن، چونكه نیشانه‌ی سه‌رسوڕهێنه‌ری چاكبوونهوهی نه‌خۆشیان لـێ‌بینی. عیساو قوتابیه‌كانیشی چوونه سه‌ر شاخێكو له‌وێ دانیشتن. هه‌روه‌ها جه‌ژنی تێپه‌ڕبوونی جووله‌كه‌كانیش نزیك بوو. كاتێ عیسا سه‌یری كردو بینی ژماره‌یه‌كی زۆر به‌ره‌و ڕووی دێن، به فیلیپۆسی ووت: (له‌كوێ نان بكڕین تا نانی ئه‌م هه‌مووه بده‌ین؟) ئه‌مه‌ی ووت بۆئه‌وه‌ی تاقیكاته‌وه، چونكه عیسا خۆی ده‌یزانی چی ده‌كات. فیلیپۆس وه‌ڵامی دایه‌وه: (گه‌ر ته‌نانه‌ت بایی دووسه‌د دیناریش* نان بكڕین، به‌شی ئه‌وه ناكات هه‌ریه‌كه‌یان پارچه‌یه‌كی بچووكی به‌ركه‌وێ!) ئینجا ئه‌نده‌راوس، برای شه‌معون په‌ترۆس، كه یه‌كێك بوو له قوتابیه‌كانی پێی ووت: (لێره كوڕێك هه‌یه پێنج نانی جۆو دوو ماسی پێیه. به‌ڵام ئه‌مه چیه بۆ ئه‌م كۆمه‌ڵه گه‌وره‌یه؟) عیسا ووتی: (دایانبنیشێنن!) پیاوه‌كان كه ژماره‌یان پێنج هه‌زار كه‌سێك ده‌بوو له‌وێدا سه‌وزه گیایه‌كی زۆری لـێ‌بوو له‌سه‌ری دانیشتن. عیسا نانه‌كانی ههڵگرتو سوپاسی خودای كرد، ئینجا ئه‌وه‌نده‌ی پێویستیان پێ‌بوو دابه‌شیكرد به‌سه‌ر دانیشتوان، هه‌مان شتیشی له دوو ماسیه‌كه كرد. كاتێ تێربوون، به قوتابیه‌كانی ووت: (ئه‌و له‌ته نانانه‌ی ماوه‌ته‌وه كۆیكه‌نه‌وه تاكو هیچ شتێك به‌فیڕۆ نه‌ڕوات!) ئه‌وانیش كۆیانكردهوه، ئینجا له‌پێنج نانه جۆیه‌كه دوانزه سه‌به‌ته له‌ته نانی پاشماوه‌یان كۆكرده‌وه له نانخۆران. كاتێ خه‌ڵكه‌كه ئه‌و نیشانه سه‌رسوڕهێنه‌ره‌یان بینی كه عیسا كردی ووتیان: (به‌ڕاستی، ئه‌مه ئه‌و پێغه‌مبه‌ره‌یه بۆ جیهان هاتووه.) عیسا كه زانی ئه‌وان خه‌ریكن بیڕفێننو بیكه‌ن به پادشا، به‌ته‌نها گه‌ڕایه‌وه بۆسه‌ر شاخ.
عیسا به‌سه‌ر ئاودا ده‌ڕوات
كاتێ ئێواره داهات قوتابیه‌كانی هاتنه‌خواره‌وه بۆ ده‌ریاچه‌كه، سواری به‌له‌مێك بوونو به‌ره‌و شاری كه‌فه‌رناحوم كه كه‌وتبووه به‌ری ئه‌وبه‌ری ده‌ریاچه‌كه‌وه كه‌وتنه ڕێ. تاریكی داهات به‌ڵام عیسا هێشتا نه‌گه‌یشتبووه لایان. ئینجا ڕه‌شه‌بایه‌كی به‌هێز هه‌ڵیكرد، ئاوی دهریاچهكهی شڵه‌قاند. دوای ئه‌وه‌ی قوتابیه‌كان نزیكه‌ی پێنج تا شه‌ش كیلۆمه‌تر سه‌وڵیان لـێ‌دا، عیسایان بینی نزیك ده‌بێته‌وه لهبهلهمهكهیانو به‌سه‌ر ئاوی ده‌ریاچه‌كه‌دا ده‌ڕوا. ترسیان لێ‌نیشت. پێی ووتن: (منم، مه‌ترسن!) هه‌ر ئه‌وه‌نده‌ی داوایان لێ‌كرد سواری بهلهمهكهبێ، یه‌كسه‌ر به‌له‌مه‌كه گه‌یشته شوێنی مه‌به‌ست.
بۆ به‌یانی، ئه‌و خه‌ڵكه‌ی له‌سه‌ر كه‌ناری ئه‌وبه‌ری ده‌ریاچه‌كه مابوونه‌وه ته‌نها یه‌ك به‌له‌میان بینی، به‌بیریشیان هاته‌وه عیسا له‌گه‌ڵ قوتابیه‌كانی سواری به‌له‌مه‌كه نه‌ببوو، به‌ڵكو قوتابیه‌كانی به‌ته‌نها سوارببوون. ئیتر چه‌ند به‌له‌مێكیكه له‌شاری ته‌به‌ریه‌وه هاتن، له‌نزیك ئه‌و شوێنه له‌نگه‌ریان گرت كه ئه‌و نانه‌یان تیادا خواردبوو پاش ئه‌وه‌ی خوداوه‌ند سوپاسی خودای له‌سه‌ركردبوو. كاتێ خه‌ڵكه‌كه عیساو قوتابیه‌كانیان له‌وێ نه‌بینی، سواری ئه‌و به‌له‌مانه بوونو چوون بۆ كه‌فه‌رناحوم تا بهشوێن عیسا بگه‌ڕێن.
من نانی ژیانم
جا كاتێ له‌به‌ری ئه‌وبه‌ری ده‌ریاچه‌كه‌وه دۆزییانه‌وه، پێیان ووت: (مامۆستا، كه‌ی گه‌یشتیته ئێره؟) عیساش له‌وه‌ڵامدا ووتی: (ڕاستی ڕاستیتان پێ‌ده‌ڵێم: ئێوه به‌دوامدا ده‌گه‌رێن له‌به‌رئه‌وه‌نا كه نیشانه‌ی سه‌رسوڕهێنه‌رتان بینی، به‌ڵكو له‌به‌رئه‌وه‌ی لهنانهكهتان خواردو تێربوون. له‌پێناوی خۆراكی له‌ناوچوو ئیش مه‌كه‌ن، به‌ڵكو له‌پێناو ئه‌و خۆراكه‌ی ده‌مێنێته‌وه بۆ ژیانی هه‌تاهه‌تایی، ئه‌وه‌ی ڕۆڵه‌ی مرۆڤ دهتانداتێ، چونكه ڕۆڵه مۆری خودای باوكی پێوه‌یه.) لێره پێیان ووت: (ده‌بێ ئێمه چی بكه‌ین، تاكو كاره‌كانی خودا بكه‌ین؟) ئه‌ویش وه‌ڵامی دانه‌وه: (ئه‌مه‌یه كاری خودا: باوه‌ڕبهێنن به‌وه‌ی ناردوویه‌تی.) ئه‌وسا پێیان ووت: (چ نیشانه‌یه‌كی سه‌رسوڕهێنه‌ر ده‌كه‌یت تا بیبینینو باوه‌ڕت پێ‌بكه‌ین؟ ده‌توانی چیبكه‌یت؟ باوباپیرانمان مه‌نیان* خواردووه لهبیاباندا هه‌روه‌ك نووسراوه: [[ئه‌و له ئاسمانه‌وه نانی دانێ تا بیخۆن]]!)
عیسا پێیووتن: (ڕاستی ڕاستیتان پێ‌ده‌ڵێم: موسا نه‌بوو لهئاسمانهوه نانی دانێ، به‌ڵكو باوكمه نانی ڕاستیتان ده‌داتێ لهئاسمانهوه. چونكه نانی خودا ئه‌وه‌یه كه لهئاسمانهوه دابه‌زیوه‌و ژیان به‌جیهان ده‌به‌خشێ.) پێیان ووت: (گه‌وره، هه‌موو كاتێ ئه‌و نانه‌مان بده‌رێ.) عیسا وه‌ڵامی دانه‌وه: (من نانی ژیانم، ئه‌وه‌ی بێته لام برسی نابێت، ئه‌وه‌ش باوه‌ڕم پێ‌بهێنێ هه‌رگیز تینووی نابێ. به‌ڵام هه‌روه‌كو پێمووتن ئێوه منتان بینی كه‌چی باوه‌ڕناكه‌ن، جا هه‌ركه‌سێك باوكم پێمدهبهخشێ بۆ لای من دێت، هه‌ركه‌سێكیش بێته لای من، هه‌رگیز ده‌ری ناكه‌مه ده‌ره‌وه. چونكه من لهئاسمانهوه دابه‌زیوم، بۆ ئه‌وه نا خواستی خۆم بهێنمه‌دی، به‌ڵكو بۆئه‌وه‌ی خواستی ئه‌وه بهێنمه‌دی كه ناردوومی. ئه‌مه‌ش خواستی ئه‌وه‌یه كه منی ناردووه: كه‌س نییه له‌وانه‌ی داویه‌تیه من له‌ناوبچێ، به‌ڵكو له‌ڕۆژی دواییدا زیندووی ده‌كه‌مه‌وه. چونكه خواستی باوكم ئه‌مه‌یه: هه‌ر كه‌سێ ڕۆڵه ببینێ‌و باوه‌ڕی پیبهێنێ، ژیانی هه‌تاهه‌تایی ده‌بێ، له‌ڕۆژی دواییشدا زیندووی ده‌كه‌مه‌وه.)
جووله‌كه‌كان دهستیانكرد به ناڕه‌زایی ده‌ربڕین به‌رامبه‌ر بهعیسا چونكه ده‌یووت: (من ئه‌و نانه‌م لهئاسمانهوه هاتۆته خواره‌وه.) ووتیان: (ئه‌مه عیسای كوڕی یوسف نییه كه ئێمه دایكو باوكی ده‌ناسین؟ ئێستا چۆن ده‌ڵێ من له ئاسمانه‌وه هاتوومه‌ته خواره‌وه؟)
عیساش وه‌ڵامی دانه‌وه: (له‌ناو خۆتاندا بۆڵه‌بۆڵ مه‌كه‌ن! هیچ كه‌سێ ناتوانێ بێته لای من گه‌ر باوك ئه‌وه‌ی منی ناردووه ڕاینه‌كێشێ، منیش له‌ڕۆژی دواییدا زیندووی ده‌كه‌مه‌وه. لهپهرتووكی پێغه‌مبه‌راندا نووسراوه: [[هه‌موو له‌خوداوه فێرده‌بن]]، ئیتر هه‌ركه‌سێ گوێ له‌باوك بگرێ‌و لێوه‌ی فێرببێ بۆ لای من دێت. ئه‌مه‌ش مانای ئه‌وه نییه یه‌كێك هه‌بێ باوكی بینیبێ ته‌نها ئه‌وه‌ی كه له‌خوداوه‌یه ئه‌و باوكی بینیوه.
(ڕاستی ڕاستیتان پێ‌ده‌ڵێم: ئه‌وه‌ی باوه‌ڕ بهێنێ ژیانی هه‌تاهه‌تایی هه‌یه. من نانی ژیانم. باوباپیرانتان لهبیاباندا مه‌نیان خوارد له‌گه‌ڵ ئه‌وه‌ش مردن، به‌ڵام ئه‌وه‌تا ئه‌و نانه‌ی له‌ئاسمان هاتۆته خواره‌وه، ئه‌وه‌ی هه‌ر مرۆڤێ لێی بخوات نامرێ. من ئه‌و نانه زیندووه‌م لهئاسمانهوه هاتۆته خواره‌وه. ئه‌وه‌ی له‌م نانه بخوا تاهه‌تایه ده‌ژی. ئه‌و نانه‌ش كه من ده‌یده‌م ئه‌وه له‌شمه، ده‌یبه‌خشم له‌پێناوی ژیانی جیهاندا.( ئه‌م قسانه بووه هۆی ده‌مه‌قاڵه‌یه‌كی توندو ڕه‌ق له‌نێوان جووله‌كه‌كاندا، ئینجا پرسیاریانكرد: (چۆن ئه‌مه ده‌توانێ له‌شی خۆیمان بداتێ تا بیخۆین؟) عیسا وه‌ڵامی دانه‌وه: (ڕاستی ڕاستیتان پێ‌ده‌ڵێم: ئه‌گه‌ر له له‌شی ڕۆڵه‌ی مرۆڤ نهخۆنو لهخوێنی نه‌خۆنه‌وه، ژیان له ئێوه‌دا نییه. به‌ڵام ئه‌وه‌ی له‌شم بخواتو خوێنم بخواته‌وه، ژیانی هه‌تاهه‌تایی ده‌بێ، هه‌روه‌ها له ڕۆژی دواییدا زیندووی ده‌كه‌مه‌وه، چونكه له‌شم خۆراكی ڕاسته‌قینه‌یه‌و خوێنیشم خواردنه‌وه‌ی ڕاسته‌قینه‌یه. دیسان هه‌ر كه‌سێ له له‌شم بخوات و لهخوێنم بخواته‌وه له مندا جێگیرده‌بێ‌و منیش له‌ئه‌ودا. چۆن باوكی زیندووم منی ناردووه‌و من زیندووم به‌و باوكه، ههمانشت به‌هۆی منه‌وه ئه‌وه‌ی له له‌شم ده‌خوات زیندووده‌بێ. جا ئه‌مه ئه‌و نانه‌یه له‌ئاسمان هاته‌خواره‌وه، ئه‌مه‌ش وه‌كو ئه‌و مه‌نه نییه كه باوباپیرانتان خواردیانو مردن. ئه‌وه‌ی له‌م نانه بخوات تاهه‌تایه ده‌ژی.(
عیسا ئه‌مانه‌ی هه‌موو له‌كه‌نیشتدا ووت، كاتێ له‌شاری كه‌فه‌رناحوم خه‌ڵكه‌كه‌ی فێرده‌كرد.
قوتابیه‌كان گومان ده‌كه‌ن
زۆر لهقوتابیهكانی كه گوێیان له‌مه بوو ووتیان: (ئه‌م قسانه چه‌ند گرانه! كێ ده‌توانێ گوێی لـێ‌بگرێ؟) عیسا هه‌ستیكرد قوتابیه‌كانی به‌هۆی ئهمهوه بۆڵه‌بۆڵ ده‌كه‌ن، ئه‌وسا لێیپرسین: (ئایا ئه‌مه دهتانخاته گومانه‌وه؟ ئه‌ی ئه‌گه‌ر ببینن ڕۆڵه‌ی مرۆڤ به‌رزبكرێته‌وه بۆ ئه‌و شوێنه‌ی له‌پێشا لێیبوو؟ ڕۆح ژیان ده‌دات، به‌ڵام له‌ش به‌كه‌ڵكی هیچ نایه‌ت. ئه‌و ووشانه‌ی كه پێمووتن ئه‌وانه ڕۆحو ژیانن. به‌ڵام هه‌ندێكتان باوه‌ڕناكه‌ن!) عیسا له‌سه‌ره‌تاوه دهیزانیكێن ئه‌وانه‌ی باوه‌ڕی پێ‌ناكه‌ن، هه‌روه‌ها كێیه ئه‌وه‌ی ده‌یدا به‌ده‌سته‌وه. ئینجا ووتی: (له‌به‌رئه‌وه پێم ووتن كه‌س ناتوانێ بێ بۆ لای من، گه‌ر باوك ئه‌مه‌ی پێ‌نه‌به‌خشێ.(
له‌وكاته‌دا زۆر له قوتابیه‌كانی به‌جێیان هێشتو ئیتر دوای نه‌كه‌وتن. ئه‌وسا عیسا بهدوانزه قوتابیه‌كه‌ی ووت: (ئێوه‌ش ده‌تانه‌وێ وه‌ك ئه‌وان بڕۆن؟) شه‌معون په‌ترۆس وه‌ڵامی دایه‌وه: (گه‌وره‌م، بۆ لای كێ بڕۆین؟ ووشه‌كانی ژیانی هه‌تاهه‌تایی لای تۆیه. ئێمه باوه‌ڕمان هێناوه‌و زانیومانه تۆ پاكوپیرۆزی خودای!) ئینجا عیسا ووتی: (ئایا من ئێوه‌ی دوانزه‌م هه‌ڵنه‌بژاردووه؟ له‌گه‌ڵ ئه‌وه‌شدا یه‌كێ له‌ناوتاندا شه‌یتانه!) لێره‌دا مه‌به‌ستی له‌یه‌هوزای كوڕی شه‌معونی ئه‌سخه‌ریوتی بوو، ئه‌وه‌ی لــه‌دواییدا ناپاكـی له‌گه‌ڵ كرد، هه‌رچه‌نده یه‌كێ بوو لهدوانزه قوتابیه‌كه‌ی.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.