Biblica® Open Sorani Kurdish Book of Life
یۆحەنا 17
نوێژی عیسا بۆ باوه‌ڕداران
كاتێ ئه‌م قسانه‌یكرد، ڕوانیه ئاسمانو ووتی: (ئه‌ی باوك، كاتی ئه‌وه هاتووه! ڕۆڵه‌كه‌ت شكۆدار بكه‌ی، تاكو ڕۆڵه‌كه‌شت تۆ شكۆدار بكات، ئه‌وه‌ی تۆ ده‌سه‌ڵاتت داوه‌تێ به‌سه‌ر هه‌موو مرۆڤدا، هه‌تا ئه‌و ژیانی هه‌تاهه‌تایی بدات به هه‌موو ئه‌وانه‌ی تۆ به‌وت داوه. ژیانی هه‌تاهه‌تایش ئه‌وه‌یه كه تۆ بناسن، ته‌نها خودای ڕاسته‌قینه، هه‌روه‌ها عیسای مه‌سیح كه ناردووته. من له‌سه‌ر زه‌وی شكۆدارم كردی به‌ته‌واوكردنی ئه‌و كاره‌ی دابووت پێم. ئه‌ی باوك ئێستا شكۆدارمكه له‌لای خۆت، به‌و شكۆمه‌ندییه‌ی لای تۆ ههمبوو پێش دروستكردنی جیهان.
(ناوی تۆم ده‌رخست بۆ ئه‌وانه‌ی لهجیهاندا بهمنتدان، ئه‌وانه هی تۆ بوون، تۆ بهمنتدان. ئه‌وانیش گوێڕایه‌ڵی ووته‌كانت بوون، ئێستا ده‌زانن هه‌رچیه‌كت به‌من داوه لهتۆوهیه، چونكه من ئه‌و ووشانه‌م دانێ كه تۆ پێت دابووم، ئه‌وانیش وهریانگرت، هه‌روه‌ها به‌ڕاستی زانییان من لهتۆوه هاتوومو باوه‌ڕیان هێنا كه تۆ منت ناردووه. له‌پێناوی ئه‌وانه‌دا نوێژت بۆ ده‌كه‌م. ئێستا له‌پێناوی جیهاندا نوێژ ناكه‌م، به‌ڵكو له پێناوی ئه‌وانه‌ی بهمنتداون، چونكه ئه‌وانه هی تۆن. هه‌رچیه‌ك هی منه، هی تۆیه، هه‌رچیه‌كیش هی تۆیه، هی منه، من لهئهواندا شكۆدار بووم. ئه‌مان لهجیهان ده‌مێننه‌وه، به‌ڵام من تیایدا نامێنمه‌وه، چونكه من ده‌گه‌ڕێمه‌وه لای تۆ. ئه‌ی باوكی پاكوپیرۆز ئه‌وانه‌ی داوته به‌من به‌هێزی ناوی خۆت بیانپارێزه، هه‌تا ببن به یه‌ك وه‌ك ئێمه یه‌كین. كاتێ له‌گه‌ڵیاندا بووم دهمپاراستن به‌ناوی تۆوه. ئه‌وانه‌ی بهمنتدابوون ئاگاداریم كردن، كه‌سیان له‌ناونه‌چوون جگه له ڕۆڵه‌ی له‌ناوچوو نه‌بێ، تاكو ئه‌وه‌ی له‌كتێبی پیرۆزدا نووسراوه بێته‌دی. به‌ڵام ئێستا من ده‌گه‌ڕێمه‌وه لای تۆ، من باسی ئه‌مه ده‌كه‌م، جارێ هێشتا له جیهاندام، تا دڵشادی من تیایاندا به‌ته‌واوی بێت. من ووشه‌ی تۆم به‌واندا، به‌ڵام جیهان ڕقی لێیان بووه‌وه، چونكه ئه‌وان سه‌ر به جیهان نه‌بوون، هه‌روه‌ك چۆن من سه‌ر به جیهان نیم. من داوای ئه‌وه ناكه‌م تۆ ئه‌وان لهجیهان بسێنیته‌وه، به‌ڵكو له‌شه‌یتان بیانپارێزه. ئه‌وان سه‌ر به جیهان نین هه‌روه‌ك چۆن من سه‌ر به جیهان نیم. لهڕاستیدا پیرۆزیانبكه، چونكه ووشه‌ی تۆ ڕاستییه. هه‌روه‌ك چۆن منت نارد بۆ جیهان، منیش ده‌یاننێرم بۆ جیهان. جا له‌پێناوی ئه‌واندا من خۆم پیرۆز ده‌كه‌م، هه‌تا ئه‌وانیش له‌ڕاستی پیرۆزبن.
ته‌نها له‌پێناوی ئه‌مان نوێژ ناكه‌م، به‌ڵكو له‌پێناوی ئه‌وانه‌ش كه باوه‌ڕم پێ‌ده‌كه‌ن به‌هۆی قسه‌ی ئه‌مانه‌وه، تا هه‌موو یه‌ك بن، هه‌روه‌ك تۆ چۆن لهمندای ئه‌ی باوك منیش له‌تۆدام، تا ئه‌وانیش لهئێمهدا بن، تاكو جیهان باوه‌ڕبهێنێ كه تۆ منت ناردووه. من ئه‌و شكۆمه‌ندیه‌م داونه‌تێ تۆ داوته به‌من، تا ببن به‌یه‌ك هه‌روه‌ك چۆن ئێمه یه‌كین. من لهئهواندامو تۆ لهمندای، تا تهواوبنو ببن به یه‌ك، هه‌تا جیهان بزانێ تۆ منت ناردووه، هه‌روه‌ها ئه‌وانت خۆشویستووه وه‌ك چۆن منت خۆشویست.
(ئه‌ی باوك، ده‌مه‌وێ ئه‌وانه‌ی كه داوته به من له‌هه‌ر شوێنێكدابم لهگهڵمبن، تا ئه‌و شكۆمه‌ندیه‌م ببینن كه داوته به‌من، چونكه تۆ منت خۆشویستووه پێش دروستبوونی جیهان. ئه‌ی باوكی ڕاستودروست، جیهان ناتناسێ، به‌ڵام من تۆ ده‌ناسم، ئه‌وانیش ده‌زانن كه تۆ منت ناردووه، من ناوی تۆم به‌وان ناساند، هه‌روه‌ها پێیان ده‌ناسێنم، تاكو ئه‌و خۆشه‌ویستیه‌یان تیادابێ كه تۆ منت پێ خۆشویست، هه‌تا من خۆم له‌واندا بم.(
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.