Biblica® Open Sorani Kurdish Book of Life
یۆحەنا 16
كاری ڕۆحی پیرۆز
(من ئه‌مه‌م پێی ووتن، تا نه‌كه‌ونه هه‌ڵه‌وه. له‌كه‌نیشته‌كان ده‌رده‌كرێن، به‌ڵكو كاتێ دێت ئه‌وه‌ی دهتانكوژێ وابیرده‌كاته‌وه خزمه‌تی خودای كردووه. ئه‌وان ئه‌مه‌تان پێ‌ده‌كه‌ن چونكه نه‌باوك ده‌ناسن نه‌من. جا ئه‌مه‌م پێ‌ووتن تا كاتی ڕوودانی هات، بیرتان بكه‌وێته‌وه كه ئه‌مه‌م لهپێشا پێ ووتوون. له‌سه‌ره‌تادا ئه‌مه‌م پێ نه‌ووتن، چونكه له‌گه‌ڵتان بووم.
(ئێستا من ده‌گه‌ڕێمه‌وه بۆ لای ئه‌وه‌ی ناردوومی، له‌گه‌ڵ ئه‌وه‌شدا كه‌ستان نه‌ی پرسی: بۆ كوێ ده‌چی؟ چونكه ئه‌مه‌م پێ‌ووتن، دڵگرانی دایگرتن. به‌ڵام من ڕاستیتان پێ‌ده‌ڵێم: باشتر وایه بۆتان كه بڕۆم، چونكه ئه‌گه‌ر من نـه‌ڕۆم، یــارمــه‌تیــده‌رتـان بۆ نایه‌ت. به‌ڵام گه‌ر بڕۆم بۆتانی ده‌نێرم. كاتێ ئه‌و دێ، جیهان سه‌رزه‌نشت ده‌كات له‌سه‌ر گوناه‌و ڕاستودروستیو حوكمدان، له‌سه‌ر گوناه له‌به‌رئه‌وه‌ی باوه‌ڕم پێ‌ناهێنن. له‌سه‌ر ڕاستودروستی له‌به‌رئه‌وه‌ی من ده‌چمه لای باوكو ئیتر نامبینن. له‌سه‌ر حوكمدانیش له‌به‌رئه‌وه‌ی سه‌رۆكی ئه‌م جیهانه حوكمی به‌سه‌ر دراوه.
(هێشتا شتی زۆرم هه‌یه پێتانی بڵێم، ئێستا ناتوانن به‌رگه‌ی بگرن. به‌ڵام كاتێ ڕۆحی ڕاستی بۆ لاتان دێ، به‌ره‌و هه‌موو ڕاستیه‌كتان ده‌بات، چونكه لهخۆیهوه هیچ ناڵێ، به‌ڵكو ئه‌وه‌ی گوێی لێ‌ده‌بێ پێتانی ڕاده‌گه‌ێنێ، ئه‌وه‌ی له دواییدا ڕووده‌دات پێتانی ده‌ڵێ. ئه‌و شكۆدارم ده‌كات چونكه هه‌موو ئه‌وه‌ی بۆتانی باسدهكات له‌منه‌وه ده‌رچووه. هه‌موو ئه‌وه‌ی كه هی باوكه، هه‌روه‌ها هی منه. له‌به‌رئه‌وه بوو پێمووتن ئه‌وه‌ی بۆتانی باس ده‌كات له‌منه‌وه ده‌رچووه. پاش ماوه‌یه‌كی كه‌م نامبینن، به‌ڵام دوای ئه‌وه به ماوه‌یه‌كی كه‌م ده‌مبینن، چونكه ده‌گه‌رێمه‌وه لای باوك.)
خۆشی دوای ناخۆشی
هه‌ندێ لهقوتابیهكان پرسیاریان كرد: (مه‌به‌ستی چییه له‌م قسه‌یه: پاش ماوه‌یه‌كی كه‌م نامبینن، دوای ئه‌وه به ماوه‌یه‌كی كه‌م ده‌مبینن، هه‌روه‌ها: چونكه ده‌گه‌ڕێمه‌وه لای باوك؟) دیسان ووتیان: (ئه‌م كه‌مه چییه باسی ده‌كات؟ تێناگه‌ین له‌وه‌ی ده‌یڵێ!) عیسا زانی كه‌وا حه‌زده‌كه‌ن پرسیاری لـێ‌بكه‌ن، ئینجا پێی ووتن: (پرسیار له واتای قسه‌كه‌م ده‌كه‌ن: پاش ماوه‌یه‌كی كه‌م نامبینن، دوای ئه‌وه به ماوه‌یه‌كی كه‌م ده‌مبینن.
(ڕاستی ڕاستیتان پێ‌ده‌ڵێم: ئێوه دهگرینو شیوه‌ن ده‌كه‌ن، به‌ڵام جیهان دڵشاد ده‌بێ، ئێوه دڵته‌نگ ده‌بن، به‌ڵام دڵته‌نگیه‌كه‌تان ده‌بێ به خۆشی. ژن دڵته‌نگ ده‌بێ كاتێ كه منداڵبوونی نزیك بووه‌وه. به‌ڵام كاتێ منداڵه‌كه‌ی بوو، ئیتر بیر لهماندووبوونی ناكاته‌وه، له‌خۆشی ئه‌وه‌ی مرۆڤێك لهدایكبوو بۆ ئه‌م جیهانه. ئێوه‌ش ئاوها، ئێستا دڵته‌نگ ده‌بن، به‌ڵام كاتێ دێمه‌وه بۆلاتان، دڵتان خۆش ده‌بێ، ئیتر كه‌س ئه‌و خۆشیه‌تان لـێ‌ناسێنێته‌وه. له‌و ڕۆژه‌دا پرسیاری هیچم لـێ‌ناكه‌ن. ڕاستی ڕاستیتان پێ ده‌ڵێم: هه‌ر شتێك به‌ناوی منه‌وه له‌باوك داوا بكه‌ن ده‌تانداتێ. هه‌تا ئێستا به‌ناوی منه‌وه هیچتان داوا نه‌كردووه. داوابكه‌ن وه‌ریده‌گرن، تا خۆشیه‌كه‌تان به ته‌واوی بێت.
من به‌سه‌ر جیهاندا زاڵبووم
(ده‌رباره‌ی ئه‌م شتانه لهقسهكانمدا نموونه‌م بۆ هێنانه‌وه، به‌ڵام كاتێ دێ، باسی باوكتان بۆ بكه‌م بهئاشكرا و بێ نموونه. له‌و ڕۆژه‌دا به‌ناوی منه‌وه داوا له‌باوك ده‌كه‌ن. ئیتر پێتان ناڵێم من داواتان بۆ ده‌كه‌م لای باوك. چونكه باوك خۆی خۆشی ده‌وێن، له‌به‌رئه‌وه‌ی ئێوه منتان خۆشویست، هه‌روه‌ها باوه‌ڕتان به‌وه هێنا كه من له خوداوه ده‌رچووم. له‌باوكه‌وه دهرچوومو هاتووم بۆ جیهان، ئێستا جیهان بهجێدههێڵمو ده‌گه‌ڕێمه‌وه لای باوك.(
لێره قوتابیه‌كانی پێیانووت: (ئێستا بهئاشكرا گفتوگۆمان له‌گه‌ڵ ده‌كه‌یت بێ نموونه. ئێستا ده‌زانین تۆ هه‌موو شتێك ده‌زانی، پێویست به‌وه ناكات كه‌س پرسیارت لـێ‌بكات. له‌به‌رئه‌وه باوه‌ڕده‌هێنین تۆ له خوداوه ده‌رچووی.) عیسا له‌وه‌ڵامدا ووتی: (ئایا ئێستا باوه‌ڕده‌هێنن؟ كاتێ دێ، ئه‌وه‌تا هاتووه، تیایدا لهیهكتری جیاده‌بنه‌وه هه‌ر یه‌كه بۆ ماڵی خۆی، ئینجا به‌ته‌نها بهجێمدههێڵن. به‌ڵام من به‌ته‌نها نیم، چونكه باوك له‌گه‌ڵمدایه. ئه‌مانه‌م هه‌موو پێ‌ووتن تاكو له‌مندا ئاشتیتان ههبێ. ئێوه له‌جیهاندا ته‌نگانه ده‌چێژن. به‌ڵام ووره‌تان به‌رزبێ، من به‌سه‌ر جیهاندا زاڵبووم!)
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.