Biblica® Open Sorani Kurdish Book of Life
یۆحەنا 15
من مێوی ڕاسته‌قینه‌م
(من مێوی ڕاسته‌قینه‌م، باوكیشم ڕه‌زه‌وانه. هه‌ر لقێ له مندا به‌رنه‌گرێ ئه‌و ده‌یبڕێته‌وه. هه‌ر لقێ كه به‌رده‌دات ئه‌و پاكیده‌كاته‌وه تا به‌رهه‌می زیاتر بدات. ئێوه ئێستا بێگه‌ردن به‌هۆی ئه‌و ووتانه‌ی له‌گه‌ڵتان پێیدوام. جا له‌مندا بچهسپێنو منیش لهئێوهدا. چۆن لق لهخۆیهوه ناتوانێ به‌رهه‌م بێنێ، گه‌ر بهمێوهكهوه نه‌چه‌سپێ، ئێوه‌ش ناتوانن گه‌ر له‌مندا نه‌چه‌سپێن. من مێومو ئێوه‌ش لقه‌كان. كێ له‌مندا بچهسپێتو منیش له‌و، ئه‌و به‌رهه‌می زۆر ده‌هێنێت. چونكه بێ من ئێوه ناتوانن هیچ شتێ بكه‌ن. هه‌ر كه‌سێ له‌مندا نه‌چه‌سپێ فڕێ ده‌درێته ده‌ره‌وه وه‌ك لقێكو ووشك ده‌بێ، ئینجا لقه ووشكه‌كان كۆده‌كرێنه‌وه‌و فڕێ ده‌درێنه ناو ئاگرو ده‌سووتێن. به‌ڵام، گه‌ر له‌مندا بچه‌سپێن، هه‌روه‌ها ووته‌كانم له‌ناوتاندا چه‌سپا، ئه‌وه‌ی ده‌تانه‌وێ داوایبكه‌ن بۆتان ده‌بێ. به‌مه باوكم شكۆدار ده‌بێ گه‌ر بـه‌رهـه‌می زۆر بهێنن، به‌م شێوه‌یه ئێوه قوتابی منن. هه‌روه‌ك چۆن باوك منی خۆشویست، منیش ئێوه‌م خۆشویست، كه‌واته له‌ناو خوشه‌ویستیه‌كه‌مدا بچه‌سپێن! گه‌ر به ڕاسپارده‌كانی منتانكرد، لهخۆشهویستیمدا ده‌چه‌سپێن، هه‌روه‌ك چۆن من بهراسپاردهكانی باوكم كردو له‌ناو خۆشه‌ویستیه‌كه‌یدا چه‌سپاوم! ئه‌م شتانه‌م پێ‌ووتن تا خۆشی من تیاتان بچه‌سپێ‌و خۆشیتان به ته‌واوی بێت. ڕاسپارده‌ی من بۆ ئێوه ئه‌مه‌یه: یه‌كتریتان خۆش بوێ هه‌روه‌ك چۆن من خۆشمویستن. كه‌س خۆشه‌ویستی له‌مه مه‌زنتری نییه: كه ژیانی خۆی بكات به‌قوربانی لهجیاتی دۆسته‌كانی. ئێوه دۆستی منن گه‌ر ڕه‌فتار بكه‌ن به‌وه‌ی ڕامسپاردوون. ئیتر به‌كۆیله ناوتان نابه‌م، چونكه كۆیله نازانێ گه‌وره‌كه‌ی چی ده‌كات. به‌ڵام من ناوی خۆشه‌ویستم لـێنان چونكـه هــه‌رچیه‌كـم لـه باوكـم بیستبوو پێم ڕاگه‌یاندن. ئێوه منتان هه‌ڵنه‌بژاردووه، به‌ڵكو من ئێوه‌م هه‌ڵبژاردووه، دیاریمكردون تا بڕۆن به‌رهه‌م بهێننو به‌رهه‌مه‌كه‌تان به‌رده‌وام بێت، ئه‌وسا هه‌رچیه‌ك به‌ناوی من له‌باوك داوابكه‌ن ده‌تانداتێ. كه‌واته ئه‌م ڕاسپارده‌یه‌تان پێ‌ده‌ده‌م: یه‌كتریتان خۆشبوێ.
ڕقبوونه‌وه لهعیساو قوتابیه‌كانی
(گه‌ر جیهان ڕقی لێتان بووه‌وه، ئه‌وه بزانن پێش ئێوه ڕقی له‌من بووه. گه‌ر ئێوه سه‌ر بهجیهان بن، جیهان ئه‌وانه‌ی سه‌ربه‌خۆیه‌تی خۆشیده‌وێن، به‌ڵام چونكه ئێوه سه‌ر بهجیهان نین، به‌ڵكو من له‌ناوه‌ڕاستی جیهان ههڵمبژاردوون، له‌به‌رئه‌وه جیهان ڕقی لێتانه. ئه‌و قسه‌یه‌تان بیربێته‌وه كه پێمووتن: كۆیله مه‌زنتر نییه له گه‌وره‌كه‌ی. گه‌ر ئه‌وانه‌ی سه‌ر به جیهانن منیان چه‌وساندبێته‌وه، ئه‌وا ئێوه‌ش ده‌چه‌وسێننه‌وه، گه‌رهاتوو كاریان بهووشهكانم كرد، ئه‌وا كار بهووشهكانی ئێوه‌ش ده‌كه‌ن. به‌ڵام ئه‌مه‌تان هه‌موو پێ‌ده‌كه‌ن له‌پێناوی ناوی من، چونكه ئه‌وه‌ی منی ناردووه ئه‌وان نایناسن. من گه‌ر نه‌هاتبوومایه‌و قسه‌م له‌گه‌ڵ نه‌كردبوونایه، ئه‌وا گوناهیان نه ده‌بوو، به‌ڵام ئێستا هیچ بیانویه‌كیان نییه بۆ گوناهه‌كانیان. ئه‌وه‌ی ڕقی له‌من بێت، ڕقی لهباوكیشمه. گه‌ر لهنێوانیان ئه‌و كارانه‌م نه‌كردایه كه كهسیتر نه‌یكردووه، ئه‌وسا گوناهیان نه ده‌بوو. به‌ڵام ئه‌وان ڕقیان لهمنو له باوكم بووه‌وه، هه‌رچه‌نده ئه‌و كارانه‌یان بینی. ئه‌مه‌ش ڕوویدا تا ئه‌و ووته‌یه بێته‌دی كه له شه‌ریعه‌ته‌كه‌یاندا نووسراوه: [[به‌بێ هۆ ڕقیان لێم بووه‌وه!]] جا كاتێ یارمه‌تیده‌ر دێ، ئه‌وه‌ی من له‌لایه‌ن باوكه‌وه بۆتانی ده‌نێرم، ئه‌و ڕۆحه ڕاستییه‌ی كه لهباوكهوه هه‌ڵده‌قوڵێ، ئه‌و شایه‌تیم بۆ ده‌دات. ئێوه‌ش هه‌روه‌ها شایه‌تیم بۆ ده‌ده‌ن، چونكه له سه‌ره‌تاوه ئێوه له‌گه‌ڵ من بوون.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.