Biblica® Open Sorani Kurdish Book of Life
عیبرانییەکان 3
عیسا مه‌زنتره لهموسا
كه‌واته ئه‌ی برا پیرۆزه‌كان، ئه‌ی ئه‌وانه‌ی به‌شداری بانگه‌وازی ئاسمانی ده‌كه‌ن، سه‌یری عیسا بكه‌ن كه نێرراوه‌و كاهینی به‌رزی دانپیانانمانه، ئه‌و سهرڕاستو پاك بوو به‌رامبه‌ر ئه‌وه‌ی دهستنیشانی كردبوو، هه‌روه‌ك چۆن موسا سهرڕاستو پاكبوو سه‌باره‌ت به‌ماڵی خودا. به‌ڵام عیسا بۆی دانرا شایانی شكۆیه‌كی مه‌زنتر بێت لهموسا، هه‌روه‌ك چۆن یه‌كێك خانوویه‌ك دروست ده‌كات ڕێزی زیاتره لهخانووهكه خۆی. شتێكی ئاساییه، هه‌موو خانوویه‌ك ده‌بێ یه‌كێك هه‌بێ دروستی كردبێ، به‌ڵام ئه‌وه‌ی هه‌موو شتێكی دروستكردووه خودایه. موسا سهرڕاستو پاك بوو له‌هه‌موو ماڵی خودا، وه‌ك خزمه‌تكارێك، ئه‌مه‌ش شایه‌تییه‌ك بوو بۆ ئه‌وه‌ی خودا له‌دواییدا ڕایده‌گه‌ێنێ. به‌ڵام مه‌سیح، سهرڕاستو پاك بوو وه‌ك ڕۆڵه لهماڵی خودا، ئه‌و ماڵه‌ش ئێمه‌ی باوه‌ڕدارین، گه‌ر ده‌ست بگرین به‌و متمانه‌و هیوایه‌ی شانازی پێوه ده‌كه‌ین.
ئاگاداركردنه‌وه دژی بێ‌باوه‌ران
له‌به‌رئه‌وه، هه‌روه‌ك ڕۆحی پیرۆز ده‌ڵێ: [[ئه‌مڕۆ، گه‌ر گوێتان لهدهنگی خودا بوو، دڵتان ڕه‌ق نه‌بێ وه‌ك یاخیبوونه‌كه ئه‌وه‌ی له‌ڕۆژانی تاقیكردنه‌وه له‌بیابان ڕوویدا، كاتێ باوباپیرانتان منیان تاقیكرده‌وه‌و بۆ ماوه‌ی چل ساڵ كرداره‌كانی منیان بینی. له‌به‌رئه‌وه ڕقم هه‌ڵسا له‌م نه‌وه‌یه‌و ووتم: چونكه دڵیان هه‌میشه به‌ره‌و گومڕایی دهڕواتو ڕێگای من هه‌رگیز ناناسن. وه‌ك سوێندم خوارد له‌توڕه‌بوونم، ئه‌وانه هه‌رگیز ناچنه شوێنی حه‌سانه‌وه‌ی من.]] كه‌واته ئه‌ی برایان، باش ئاگاداری خۆتان بن، تا دڵی كه‌ستان بێ باوه‌ڕو به‌د نه‌بێ، ئه‌مه‌ش ببێته هۆی ئه‌وه‌ی له خودای زیندوو هه‌ڵگه‌ڕێنه‌وه. جا له‌به‌رئه‌وه هه‌موو ڕۆژێك ووره‌ی یه‌كتری به‌رزبكه‌نه‌وه، ئه‌وه‌نده‌ی كاته‌كه پێی ده‌وترێ [[ئه‌مڕۆ]]، تا كه‌ستان دڵڕه‌ق نه‌بێ به‌تاریكی گوناه. چونكه ئێمه سه‌ر به مه‌سیح ده‌بین، گه‌ر تا كۆتایی ده‌ست بگرین به‌و باوه‌ڕه‌ی له‌سه‌ره‌تاوه هه‌مانه. كتێبی پیرۆز ده‌ڵێ: [[ئه‌مڕۆ، گه‌ر گوێتان لهدهنگی خودا بوو، دڵتان ڕه‌ق نه‌بێ وه‌ك یاخیبوونه‌كه.]] جا كێن ئه‌وانه‌ی یاخیبوون دوای ئه‌وه‌ی گوێیان لهدهنگی خودا بوو؟ ئایا هه‌موو ئه‌وانه نه‌بوون كه له میسر هاتنه ده‌ره‌وه به‌سه‌رۆكایه‌تی موسا؟. هه‌روه‌ها خودا بۆ ماوه‌ی چل ساڵ لهكێ ڕقی هه‌ڵساو تووڕه بوو؟ ئایا به‌رامبه‌ر ئه‌وانه نه‌بوو كه گوناهیان كردو له‌بیابان لاشه‌كانیان كه‌وت؟ هه‌روه‌ها خودا سوێندی لهكێ خوارد كه نابێ بچنه شوێنی حه‌سانه‌وه‌ی ئه‌و، ئایا سوێندی له‌وانه نه‌خوارد كه لێی یاخیبوون؟ به‌م شێوه‌یه ده‌بینین بێ‌باوه‌ڕی ڕێگای چوونی شوێنی حه‌سانه‌وه‌ی لـێ‌گرتن.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.