Biblica® Open Sorani Kurdish Book of Life
گەلاتیا 5
ئازادی له مه‌سیح
چونكه مه‌سیح ئازادیكردین تا به ئازادی بژین. بۆیه خۆتان ڕاگرنو جارێكی دیكه ملكه‌چی نیری كۆیله‌یی مه‌بن.
ئاگاداربن، من پۆڵسم پێتان ده‌ڵێم: بهخهتهنهكردنتان مه‌سیح هیچ سوودێكی نابێ بۆتان. جارێكی كه‌ش ڕوونی ده‌كه‌مه‌وه، ئه‌وه‌ی خه‌ته‌نه ده‌كات، ده‌بێ له‌سه‌ر هه‌موو خاڵه‌كانی شه‌ریعه‌ت بڕوات. ئه‌ی ئه‌وه‌ی ده‌ته‌وێ به‌هۆی شه‌ریعه‌ت بێ‌تاوان بێت، تۆ لهمهسیح جیابوویتهوهو سه‌باره‌ت به به‌ره‌كه‌تی خودا كه‌وتیت. چونكه به‌هۆی ڕۆح كه له‌باوه‌ڕه‌وه‌یه چاوه‌ڕوانی هیوای ڕاستودروستیین، چونكه له‌عیسای مه‌سیح خه‌ته‌نه‌كراو و خه‌ته‌نه نه‌كراو سوودیان نییه، ته‌نها باوه‌ڕ نه‌بێ كه به‌هۆی خۆشه‌ویستی كار ده‌كات.
ئێوه له‌پێشا زۆر باش ڕاتان ده‌كرد، كێ ڕێی پێ‌گرتن تا ملكه‌چی ڕاستی نه‌بن؟ ئه‌و هاندانه له‌لایه‌ن خوداوه نییه كه‌بانگی ئێوه‌ی كردووه. سه‌یركه‌ن هه‌ویرترشێكی بچووكه، هه‌موو هه‌ویره‌كه ههڵدههێنێ. به‌ڵام باوه‌ڕم هه‌یه له‌خوداوه‌ند، كه‌وا ئێوه بیروڕایه‌كی تر وه‌رناگرن. جا ئه‌وه‌ی بیه‌وێ له‌ناوتان ببێته كۆسپ، هه‌ر كه‌سێك بێ سزای خۆی وه‌رده‌گرێ. به‌ڵام ئه‌ی برایان، گه‌ر من خه‌ته‌نه‌كردن ڕاده‌گه‌ێنم، ئیتر بۆچی جووله‌كه‌كان تا ئێستا ده‌مچه‌وسێننه‌وه؟ كه‌واته كۆسپی خاچ لادراوه. ئه‌و كه‌سانه‌ی ڕێگای باوه‌ڕتان لـێ‌تێك ده‌ده‌ن، با ببڕێنه‌وه.
برایان، ئێوه بانگ كران بۆ ئازادی، به‌ڵام ئازادی مه‌كه‌ن به هه‌ل بۆ ڕازیكردنی له‌ش، لهجیاتی ئه‌وه به خۆشه‌ویستی خزمه‌تی یه‌كتری بكه‌ن. چونكه شه‌ریعه‌ت هه‌مووی له‌یه‌ك ڕاسپارده‌دا ته‌واو ده‌بێ: [[ئه‌وه‌ی لێت نزیكه وه‌ك خۆت خۆشت بوێ]] ئه‌گه‌ر ئێوه لهڕابوردوو په‌لاماری یه‌كترتان ده‌داو ڕاوی یه‌كترتان ده‌كرد، ئێستا ئاگاداربن یه‌كتری لهناونهبهن.
ژیان له‌ڕۆحی پیرۆز
مه‌به‌ستم ئه‌وه‌یه پێتان بڵێم: با ژیانتان به‌ڕۆحی پیرۆز به‌ڕیۆه بچێ، هه‌روه‌ها ئاره‌زووه‌كانی له‌ش تێر مه‌كه‌ن. چونكه خواستی له‌ش دژی ڕۆحه، هه‌روه‌ها خواستی ڕۆح دژی له‌شه. هه‌ریه‌كه‌یان به‌ربه‌ره‌كانی ئه‌ویتر ده‌كات، تا ئه‌وه نه‌كه‌ن كه ده‌تانه‌وێ. به‌ڵام گه‌ر ئێوه ڕۆح به‌ڕێوه‌تان ببات، ئه‌وا له‌ژێر سایه‌ی شه‌ریعه‌ت نین.
كرداره‌كانی له‌ش دیارن: داوێنپیسی، گڵاوی، به‌دڕه‌وشتی، بتپهرستی، جادوگه‌ری، دوژمنایه‌تی، شه‌ڕنانه‌وه، دڵگه‌رمی بۆ خراپه، تووڕه‌بوون، خۆپه‌رستی، دووبه‌ره‌كی، ناكۆكی، چاوپیسی، سه‌رخۆشی، ڕابواردن، هتد... ئێستا ئاگادارتان ده‌كه‌مه‌وه، هه‌روه‌ك چۆن له‌پێشا ئاگادارم كردوون، ئه‌وانه‌ی ئه‌و كارانه ده‌كه‌ن میراتگری پادشاهێتی خودا نین. به‌ڵام به‌رووبوومی ڕۆح بریتییه له: خۆشه‌ویستیو خۆشیو ئاشتی، ئارامگرتن، ڕۆح سووكیو چاكه، باوه‌ڕ، نیانیو خۆڕاگرتن. هیچ شه‌ریعه‌تێكیش نییه دژی ئه‌م شتانه بێ. ئه‌وانه‌ی سه‌ر به عیسای مه‌سیحن، خواستو ئاره‌زووه‌كانی له‌شیان له‌خاچداوه. گه‌ر ئێمه به‌پێی ڕۆحی پیرۆز بژین، له‌سه‌رمانه به‌ڕێگای ڕۆحی پیرۆز بڕۆین. با له‌خۆبایی نه‌بین، ڕقوكینهمان نه‌بێ له‌گه‌ڵ یه‌كتری، چاوپیس نه‌بین له‌گه‌ڵ یه‌كتری.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.