Biblica® Open Sorani Kurdish Book of Life
ئەفەسۆس 6
دایكو باوكو منداڵ
ئه‌ی منداڵان گوێڕایه‌ڵی دایكو باوكتان بن له‌خوداوه‌ند، چونكه ئه‌مه ڕاسته. [[ڕێزی دایكو باوكتان بگرن]]، [ئه‌مه یه‌كه‌م ڕاسپارده‌یه به به‌ڵێنه‌وه‌یه]، [[تاوه‌كو چاكه بێته ڕێگاتو ته‌مه‌نت درێژ بێت له‌سه‌ر ئه‌م زه‌ویه.]]
ئێوه‌ش ئه‌ی باوكان، ڕقی منداڵه‌كانتان ههڵمهستێنن، به‌ڵكو به‌خێویان بكه‌ن به‌پێی ڕاسپارده‌و ته‌مێكردنی خوداوه‌ند.
كۆیله‌و گه‌وره‌كانیان
ئه‌ی كۆیله‌كان، گوێڕایه‌ڵی گه‌وره‌كانتان بن له‌سه‌ر ئه‌م زه‌ویه بهترسو له‌رزو دڵسۆزییه‌وه، هه‌روه‌ك بۆ مه‌سیح بێت. خزمه‌ت مه‌كه‌ن له‌به‌رچاو تا خه‌ڵكی لێتان ڕازی بێ، به‌ڵكو بهههموو دڵتانه‌وه وه‌ك كۆیله‌یه‌كی مه‌سیح به‌خواستی خودا كار بكه‌ن. باخزمهتكردنتان بهدڵسۆزی بێ وه‌ك بۆ خوداوه‌ندی بكه‌ن نه‌ك بۆ خه‌ڵكی. بزانن خوداوه‌ند پاداشتی هه‌موو كه‌سێك ده‌داته‌وه، كۆیله بێت یاخود ئازاد به‌پێی كرداری چاكی.
ئێوه‌ش ئه‌ی گه‌وره‌كان، به هه‌مان شێوه هه‌ڵسوكه‌وت بكه‌ن له‌گه‌ڵ كۆیله‌كانتان، له‌هه‌ڕه‌شه‌كردن دووربكه‌ون، بزانن گه‌وره‌ی ئهوانو ئێوه لهئاسمانه، ئهویش لایه‌نگیری كه‌س ناكات.
چه‌كی ته‌واوی خودا
له كۆتاییدا به‌هێزبن له خوداوه‌ندو له هێزه مه‌زنه‌كه‌ی. خۆتان چه‌كدار بكه‌ن به‌چه‌كی ته‌واوی خودا، تا بتوانن به‌رامبه‌ر پلانه‌كانی شه‌یتان خۆتان ڕاگرن. چونكه زۆرانبازی ئێمه له‌گه‌ڵ گۆشتو خوێن نییه، به‌ڵكو دژی سهرۆكهكانو ده‌سه‌ڵاتدارانی ڕۆحه به‌دكاره‌كانه، هه‌روه‌ها دژی فه‌رمانڕه‌وایانی تاریكی ئه‌م سه‌رده‌مه‌ی جیهانه، دژی سه‌ربازه ڕۆحیه‌كانی شه‌یتانه له‌ئاسمان. له‌به‌ر ئه‌وه خۆتان چه‌كدار بكه‌ن به چه‌كی ته‌واوی خودا، هه‌تا له‌ڕۆژی به‌دكار، بتوانن دژی بوه‌ستن، هه‌روه‌ها دوای ته‌واو بوونی هه‌موو شتێك، بچه‌سپێن. بۆیه چه‌سپاوبن. با ڕاستی پشتێن بێت به‌ناو قه‌دتان، سپه‌ری1 ڕاستودروستی به سنگتانه‌وه بێت، هه‌روه‌ها ئاماده‌بوونتان بۆ بڵاوكردنه‌وه‌ی مزگێنی ئاشتی پێڵاو بێت له‌پێتان، له‌سه‌رووی هه‌موو ئه‌وانه، قه‌ڵغانی باوه‌ڕ هه‌ڵگرن، به‌هۆیه‌وه هه‌موو تیره گڕداره‌كانی شه‌یتان ده‌كوژێننه‌وه. هه‌روه‌ها كڵاوی ئاسنینی ڕزگاری له‌سه‌رتان بكه‌ن، شمشێری ڕۆح هه‌ڵگرن كه ووشه‌ی خودایه. هه‌موو كاتێك له‌نوێژكردن بن به‌ڕۆح، بۆ هه‌موو نوێژكردنو پاڕانه‌وه‌یه‌ك شه‌واره بگرنو هه‌ر بهردهوامبن له‌سه‌ر پاڕانه‌وه‌كه‌تان له‌خودا له‌پێناوی خوشكو برا پیرۆزه‌كان.
هه‌روه‌ها بۆ منیش تاخودا ووشه‌ی گونجاوم بداتێ كاتی ده‌مم ده‌كه‌مه‌وه، تابتوانم بێترس نهێنی مزگێنی ڕابگه‌ێنم، ئه‌وه‌ی لهپێناویدا باڵێۆزم له‌ناو كۆتو زنجیر، هه‌تا به‌چاونه‌ترسی ئاشكرای بكه‌م، به‌و شێوه‌یه‌ی پێویسته له‌سه‌رم بدوێم.
سڵاوی كۆتایی
جا تا ئێوه‌ش بزانن هه‌واڵم چییه‌و خه‌ریكی چیم، تیخیكۆس، برای خۆشهویستمو خزمه‌تكاری سه‌رڕاست له خوداوه‌ند، هه‌موو شتێكتان پێ ڕاده‌گه‌ینێ. به‌تایبه‌تی ئه‌و ده‌نێرم بۆ لاتان تا هه‌واڵی ئێمه‌تان بداتێ‌و ووره‌تان به‌رزبكاته‌وه.
با ئاشتی بۆ برایان بێت له‌گه‌ڵ خۆشه‌ویستی بهباوهڕ لهخودای باوكو عیسای مه‌سیحی خوداوه‌ند. به‌ره‌كه‌ت له‌گه‌ڵ هه‌موو ئه‌وانه بێت، كه عیسای مه‌سیحی خوداوه‌ندیان خۆشدهوێت به‌خۆشه‌ویستیه‌كی نه‌فه‌وتاو.
Source notes (1)
- Footnote سپه‌ر: به عه‌ره‌بی (درع)، پۆشاكێكه له‌میتاڵ دروست ده‌كرێ، جه‌نگاوه‌ران بۆ خۆپاراستن له‌كاتی شه‌ڕدا له‌به‌ریده‌كه‌ن.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.