Biblica® Open Sorani Kurdish Book of Life
ئەفەسۆس 1
له پۆڵس، نێرراوی عیسای مه‌سیح له‌سه‌ر خواستی خودا، بۆ خوشكو برا پیرۆزه باوه‌ڕداره‌كان له عیسای مه‌سیح كه له شاری ئه‌فه‌سۆسن. با بهرهكهتو ئاشتی خودای باوكمانو عیسای مه‌سیحی خوداوه‌ندتان له‌گه‌ڵ بێ.
پیرۆزی ڕۆحی له‌مه‌سیح دایه
پیرۆزه خودای باوكی عیسای مه‌سیحی خوداوه‌ندمان، ئه‌وه‌ی پیرۆزی كردووین بهههموو پیرۆزییه‌كی ڕۆحی له ئاسماندا له‌مه‌سیح، هه‌روه‌ك پێش دروستكردنی جیهان هه‌ڵیبژاردین، هه‌تا پاكوپیرۆزو بێكهموكوڕی بین له‌به‌رده‌می. ئه‌و به‌خۆشه‌ویستی پێشتر دیاریكردین به‌پێی خواستو خۆشحاڵی خۆی تا بمانكات بهڕۆڵهی خۆی به‌هۆی عیسای مه‌سیح، بۆ ئه‌وه‌ی ستایشی بكه‌ین بۆ ئه‌و به‌ره‌كه‌ته شكۆداره‌ی به‌خۆڕایی داوێتی پێمان به‌هۆی ڕۆڵه خۆشه‌ویسته‌كه‌یه‌وه. ئێمه له‌مه‌سیح كڕاینه‌وه به‌خوێنی ئه‌و، گوناهمان به‌خشرا، ئه‌مه‌ش به‌پێی ده‌وڵه‌مه‌ندی به‌ره‌كه‌تی خودا بوو، بهدهستو دڵفراوانی ڕشتی به‌سه‌رماندا به‌وپه‌ڕی داناییو تێگه‌یشتن. نهێنی خواستی خۆی بۆ ده‌رخستین، به‌پێی خۆشحاڵی خۆی ئه‌وه‌ی مه‌به‌ستی بوو له‌مه‌سیح، وه‌ك پلانێك بۆ ته‌واوی زه‌مانه بۆ ئه‌وه‌ی هه‌موو شتێك به یه‌كه‌وه كۆبكاته‌وه له‌مه‌سیحدا، له‌وانه‌ی له ئاسمانو له‌سه‌ر زه‌وین.
له‌مه‌سیحدا خودا هه‌ڵیبژادین به‌پێی بڕیاری پێشووی خۆی، ئه‌وه‌ی هه‌موو شتێك ده‌كات به‌پێی مه‌به‌ستی خواستی خۆی. ئێمه دیاری كراینو ده‌ستنیشان كراین هه‌تا بۆ ستایشكردنی شكۆمه‌ندی ئه‌و بژین، چونكه له زووه‌وه هه‌موو هیوایه‌كمان له‌سه‌ر مه‌سیح داناوه. هه‌ر به‌هۆی ئه‌ویشه‌وه بوو كاتێ ووشه‌ی ڕاستیتان بیست واته مزگێنی ڕزگاریتان، هه‌روه‌ها كاتێ باوه‌ڕتان هێنا، مۆركران به ڕۆحی پیرۆزی به‌ڵێن پێدراو، ئه‌و ڕۆحه وه‌ك پێشه‌كییه‌ك وایه بۆ مـیراتـه‌كـه‌مـان، تا كڕێنه‌وه‌ی ئه‌وانه‌ی هی خودان، بۆ ستایشی شكۆمه‌ندی ئه‌و بێ.
نوێژ بۆ ڕۆحی دانایی
له‌به‌رئه‌وه منیش له‌و كاته‌ی هه‌واڵی باوه‌ڕتانم به‌عیسای خوداوه‌ند بیستووه، هه‌روه‌ها خۆشه‌ویستیتان به‌رامبه‌ر هه‌موو خوشكو برا پیرۆزه‌كان، ناوه‌ستم لهسوپاسكردنی خودا لهپێناوتان، یادتان ده‌كه‌م له نوێژه‌كانم، تا باوكی شكۆدار، خودای عیسای مه‌سیحی خوداوه‌ندمان، ڕۆحی داناییو ڕاگه‌یاندنتان له‌زانینی خۆی پێ‌ببه‌خشێ. ئه‌و مێشكتان ڕووناك ده‌كاته‌وه هه‌تا بزانن چییه ئه‌و هیوایه‌ی ئێوه‌ی بۆ بانگكراوه، هه‌روه‌ها بزانن میراته‌كه‌ی چه‌ند شكۆدارو ده‌وڵه‌مه‌نده بۆ خوشكو برا پیرۆزه‌كان، هه‌روه‌ها چ هێزێكی مه‌زنی بێ‌سنووری له‌ئێمه دایه كه باوه‌ڕدارین، به‌پێی كاری توانا مه‌زنه‌كه‌ی، ئه‌وه‌ی ته‌واو بوو له‌مه‌سیحداو به‌هۆیه‌وه مه‌سیحی له‌نێو مردووان هه‌ستانده‌وه، له‌لای ڕاستی خۆیه‌وه لهئاسمان داینا، له‌سه‌رووی هه‌موو فهرمانڕهوایانو سهرۆكو پێشه‌واو دهسهڵاتدارانو هه‌موو ئه‌وانه‌ی ناویان هه‌یه داینا، نه‌ك ته‌نها له‌م زه‌مانه، به‌ڵكو لهزهمانی داهاتووش. هه‌روه‌ها هه‌موو شتێكی له‌ژێر پێیه‌كانی داناوه، كردوویه‌تی به‌سه‌ری هه‌موو شتێك بۆ كۆمه‌ڵی باوه‌ڕداران، كه له‌شی مه‌سیحه‌و ته‌واویه‌تی، ئه‌وه‌ی هه‌موو شتێك ته‌واو ده‌كات له‌هه‌موو شتێك.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.