Biblica® Open Sorani Kurdish Book of Life
کردار 28
له دورگه‌ی ماڵتا
دوای ئه‌وه‌ی ڕزگارمان بوو زانیمان ئه‌و شوێنه‌ی گه‌یشتوینه‌تێ دورگه‌ی ماڵتایه. دانیشـتوانـی دورگــه‌كـه به‌ڕووخۆشییه‌كی گه‌وره‌ی بێهاوتا پێشوازیان له‌نامۆكان كرد. به‌خێرهاتنیان كردین، ئاگریان بۆ كردینه‌وه، چونكه باران دهباریو ئاوهه‌وا ساردبوو.
ئینجا پۆڵس هه‌ندێ ته‌خته‌ی كۆكرده‌وه، كاتێ خستیه ئاگره‌كه مارێك به‌هۆی گه‌رمی ئاگره‌كه‌وه هاته‌ده‌ره‌وه، ئاگره‌كه پاڵینابوو، خۆی له‌ده‌ستی ئاڵاند. خه‌ڵكی ماڵتا ماره‌كه‌یان بینی خۆی هه‌ڵواسی بوو به ده‌ستیه‌وه، به‌یه‌كتریان ووت: (بێ‌گومان ئه‌م كابرایه پیاوكوژه، به‌ڵام دادپه‌روه‌ری ناهێڵێ بژی دوای ئه‌وه‌ی له‌ده‌ریا ڕزگاری بوو.) پۆڵس ماره‌كه‌ی ڕاوه‌شانده ناو ئاگره‌كه بێئهوهی تووشی ئازار بێ. ئه‌وانیش چاوهڕێیانكرد له‌شی بئاوسێ یا له‌پڕ به مردوویی بكه‌وێ. به‌ڵام چاوه‌ڕێ كردنه‌كه‌یان درێژه‌ی خایاند، بێئهوهی هیچ زیانێكی پێ بگات، ئه‌وسا بیروڕایان گۆڕی بهرامبهریو ووتیان: (ئه‌مه خودایه‌كه!)
له نزیك ئه‌و شوێنه كێڵگه‌یه‌كی لێبوو هی پۆبلیوسی گه‌وره‌ی دورگه‌كه بوو، ئه‌و بانگیكردینو سێ ڕۆژ میوانداری كردین. وا ڕێكه‌وت باوكی پۆبلیوس نه‌خۆش بوو له جێگه‌دا كه‌وتبوو زۆر سكی ده‌چوو تای لێهاتبوو. پۆڵس دیده‌نی كردو نوێژی كرد، ده‌ستی خسته سه‌ر سهریو چاكی كرده‌وه. كاتێ ئه‌مه ڕوویدا، نه‌خۆشه‌كانیتری دورگه‌كه هاتنه لایو چاكبوونهوه، دیاری زۆریان پێ‌داین، هه‌روه‌ها له‌كاتی ڕۆیشتنمان ئه‌وه‌ی بۆ گه‌شته‌كه‌مان پێویستمان پێیبوو پێمانیاندا.
له‌ماڵتاوه بۆ ڕۆما
دوای سێ مانگ له‌ئه‌سكه‌نده‌ریه سواری كه‌شتییه‌ك بووین، وه‌رزی زستانی له ماڵتا به‌سه‌ربرد بوو، وێنه‌ی دووانه‌ی له‌سه‌ربوو. كاتێ گه‌یشتینه شاری سیراكوسا سێ ڕۆژمان تیادا به‌سه‌ربرد، ئینجا به نزیك قه‌راغی ده‌ریا ڕۆیشتین تاكو گه‌یشتینه شاری ڕیغیون. بۆ به‌یانی بای خواروو هه‌ڵیكرد، بۆ ڕۆژی دووه‌م گه‌یشتینه شاری پوتیولی. له‌وێ هه‌ندێ له‌برایانمان بینی، داوایان لێكردین حه‌وت ڕۆژ لایان بمێنینه‌وه، جا به‌م شـێوه‌یه گه‌یشتینه ڕۆما. كاتێ له‌وێ برایان بیستیان گه‌یشتوین، هاتنه‌ده‌ره‌وه بۆ پێشوازیمان له‌گۆڕه‌پانی ئهپیوسو له سێ خانه‌كان. كه پۆڵس ئه‌وانی بینی سوپاسی خودای كردو ووره‌ی به‌رزبووه‌وه.
پۆڵس له‌رۆما
كاتێ گه‌یشتینه ڕۆما، سه‌رپه‌له‌كه ڕێگایدا پۆڵس له‌ماڵێكی تایبه‌ت بمێنێته‌وه له‌گه‌ڵ ئه‌و سه‌ربازه‌ی پاسه‌وانی ده‌كات. دوای سێ ڕۆژ پۆڵس پێشه‌وایانی جووله‌كه‌ی بانگكرد، پێیووتن: (ئه‌ی برایان، له‌گه‌ڵ ئه‌وه‌شدا ئه‌وه‌ی خراپ بێ دژی گهلو خووڕه‌وشتی باوباپیران نهمكردووه، كه‌چی به‌ندكراوم لهقودسو دراومه‌ته ده‌ستی ڕۆمانیه‌كان، ئه‌وانیش سه‌یری مه‌سه‌له‌كه‌یان كردمو ویستیان ئازادم بكه‌ن، چونكه هیچ تاوانێكم له‌سه‌ر نییه شایانی له‌سێداره‌دانم بێ. به‌ڵام جووله‌كه‌كان ناڕازی بوون، ئه‌وسا ناچار بووم داواكاریه‌كه‌م ببه‌مه لای قه‌یسه‌ر. ئه‌مه‌ش ئه‌وه ناگه‌ێنێ شكات له‌نه‌ته‌وه‌ی خۆم بكه‌م به‌شتێك. جا له‌به‌رئه‌وه داوامكرد بتانبینمو قسه‌تان له‌گه‌ڵ بكه‌م، چونكه من له‌پێناوی هیوای ئیسرائیل ئاوا به‌ندكراوم.)
ئه‌وانیش ووتیان: (ده‌رباره‌ی تۆ هیچ نامه‌یه‌كمان له‌وڵاتی یه‌هودیه وه‌رنه‌گرتووه، هه‌روه‌ها نێرراو له‌لایه‌ن برایانمانه‌وه نه‌هاتووه به‌شتێك ده‌رباره‌ی تۆ هه‌واڵمان بداتێ، یاخود شكاتت لێبكات. به‌ڵام پێمان خۆشه گوێ له‌ڕات بگرین، چونكه ده‌زانین خه‌ڵك له‌هه‌موو شوێنێك به‌ربه‌ره‌كانی ئه‌م بیروڕایه ده‌كه‌ن.) كاتێ ئه‌وان ڕۆژێكیان بۆ دیاریكرد، له‌و ڕۆژه‌دا خه‌ڵكێكی زۆر بۆ لای پۆڵس هاتن. ئه‌ویش له‌به‌یانییه‌وه تا ئێواره قسه‌ی بۆ دهكردنو سه‌باره‌ت به‌پادشاهێتی خودا شایه‌تی ده‌داو هه‌وڵی ڕازیكردنیدان به‌و كاروبارانه‌ی تایبه‌ته به‌عیسا به‌هۆی ته‌وراتی موساو په‌رتووكی پێغه‌مبه‌ران. جا هه‌ندێ له‌وانه باوه‌ڕیان به قسه‌كانی هێنا، هه‌ندێكیشیان باوه‌ڕیان نه‌هێنا. ئه‌وسا دووبه‌ره‌كی كه‌وته ناویانه‌وه، ئینجا ڕۆیشتن دوای ئه‌وه‌ی پۆڵس پێیووتن: (ڕۆحی پیرۆز ڕاستی كردووه، به‌زمانی ئه‌شعیای پێغه‌مبه‌ر به‌باوباپیرانتانی ووتوه: [[بڕۆ لای ئه‌م گه‌له‌و پێی بڵێ: گوێگرتن گوێ ده‌گرن، به‌ڵام تێناگه‌ن: سه‌یركردن سه‌یر ده‌كه‌ن، به‌ڵام نابینن! چونكه دڵی ئه‌م گه‌له ڕه‌ق بووه‌و گوێیان قورس بووه، چاویان نوقاندووه هه‌تا به‌چاویان نه‌بینن، به‌گوێیان نه‌بیستن به‌دڵیان تێنهگهنو بۆ لام بگه‌ڕێنه‌وه، ئه‌وسا منیش چاكیان بكه‌مه‌وه.]]
با زانراو بێت لاتان، خودا ڕزگاری خۆی نارد بۆ ئه‌وانه‌ی جووله‌كه نین، ئه‌وانیش گوێی بۆ ده‌گرن.)
[كاتێ پۆڵس ئه‌مه‌ی ووت، جووله‌كه‌كان ئه‌وێیان بهجێهێشتو بووه ده‌مه‌قاڵێ له‌نێوانیان.]
پۆڵس دوو ساڵی ته‌واو له‌و ماڵه‌ی به‌كرێی گرتبوو مایه‌وه، پێشوازی له‌هه‌موو ئه‌وانه ده‌كرد كه ده‌هاتن بۆ دیده‌نی، هه‌روه‌ها پادشاهێتی خودای ڕاده‌گه‌یاند، بهچاونهترسیو سه‌ربه‌ستییه‌وه سه‌باره‌ت به خوداوه‌ند عیسای مه‌سیح فێری ده‌كردن.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.