Biblica® Open Sorani Kurdish Book of Life
کردار 18
پۆڵس له‌كۆرنسوس
دوای ئه‌وه‌ی پۆڵس ئه‌سینای به‌جێ‌هێشت، بۆ شاری كۆرنسوس ڕۆیشت. له‌وێ تووشی جووله‌كه‌یه‌كی خه‌ڵكی پونتس بوو، ناوی ئه‌كیلا بوو، تازه له‌گه‌ڵ پریسكلای ژنی له ئیتالیاوه هاتبوون، چونكه كلودیوس فه‌رمانی ده‌ركردنی جووله‌كه‌ی دابوو لهڕۆما، ئیتر پۆڵس چوو بۆ لایان. له‌لایان مایه‌وه ئیشی له‌گه‌ڵیان كرد، چونكه شاره‌زایی لهئیشهكهیان هه‌بوو، ئه‌ویش دروستكردنی چادر بوو.
پۆڵس هه‌موو ڕۆژێكی شه‌ممه قسه‌ی له‌گه‌ڵ ئه‌وانه‌دا ده‌كرد كه لهكهنیشتدا ئاماده‌ده‌بوون، هه‌وڵی ده‌دا باوه‌ڕ بهێنێ به‌جووله‌كه‌و یۆنانیه‌كان. كاتێ سیلاو تیمۆساوس له ناوچه‌ی مه‌كدۆنیاوه گه‌یشتنه‌جێ، پۆڵس به‌ته‌واوی خۆی ســه‌رقاڵ كـردبوو به‌بڵاوكردنه‌وه‌ی ووشه‌ی خودا، هه‌تا بۆ جووله‌كه‌كانی ده‌رخات كه عیسا مه‌سیحه، به‌ڵام ئه‌وان دژی وهستانو دهستیانكرد بهگاڵته پێ‌كردنی، ئه‌ویش كراسه‌كه‌ی ته‌كاندو پێیووتن: (خوێنی خۆتان له‌سه‌ر خۆتان. من بێ‌تاوانم! له ئێستا به‌دواوه ده‌ڕۆم بۆ لای ئه‌وانه‌ی جووله‌كه نین.) ئیتر پۆڵس ئه‌و شوێنه‌ی لێیبوو بهجێیهێشتو به‌میوانی چووه ماڵی پیاوێك ناوی تیتۆس بوستس بوو، ئه‌م پیاوه خودا په‌رست بوو ماڵه‌كه‌ی به‌ته‌نیشت كه‌نیشته‌وه بوو. لێره كریسپۆسی سه‌رۆك كه‌نیشت خۆیو خاوخێزانی باوه‌ڕیان به‌خوداوه‌ند هێنا. هه‌روه‌ها ژماره‌یه‌كی زۆر له دانیشتوانی كۆرنسوس گوێیان له‌پۆڵس بوو، به‌مه باوه‌ڕیان هێناو له‌ئاوهه‌ڵكێشران.
قسه‌بكه‌و بێ‌ده‌نگ مه‌به
شه‌وێكیان خوداوه‌ند لهخهودا به‌پۆڵسی ووت: (مه‌ترسه، به‌ڵكو قسه بكه‌و بێ‌ده‌نگ مه‌به، من له‌گه‌ڵتم، كه‌س ناتوانێ ئازارتبدات، چونكه خه‌ڵكێكی زۆرم هه‌یه له‌م شاره.) ئیتر پۆڵس ساڵێكو شه‌ش مانگ له كۆرنسوس مایه‌وه خه‌ڵكی فێری ووشه‌ی خودا ده‌كرد. كاتێ غالیونی فه‌رمانڕه‌وای ڕۆمانی فه‌رمانڕه‌وایی ووڵاتی ئه‌خائیه‌ی كه‌وته‌ده‌ست، جووله‌كه‌كان به‌یه‌ك بیروڕا دژی پۆڵس كۆبوونه‌وه، بردیان بۆ دادگا، شكاتیان لـێ‌كردو ووتیان: (ئه‌م پیاوه ههوڵدهدات خه‌ڵكه‌كه ڕازی بكات خودا به شێوه‌یه‌ك بپه‌رستن كه له‌گه‌ڵ شه‌ریعه‌تمان ناگونجێ.) پۆڵس خــه‌ریك بوو به‌رگری له خۆی بكات گه‌ر غالیون به جووله‌كه‌كانی نه‌ووتایه: (ئه‌ی جووله‌كه‌كان، گه‌ر مه‌سه‌له‌كه تاوانێك یاخود گوناهێك بووایه، گوێم له شكاته‌كه‌تان ده‌گرت به‌پێی حهقو دادپه‌روه‌ری. به‌ڵام گه‌ر مه‌سه‌له‌كه شه‌ڕه‌قسه‌یه له‌سه‌ر ووشه‌یه‌ك یا یه‌كێك یاخود شه‌ریعه‌ت، ئه‌وا پێویسته خۆتان چاره‌سه‌ری بكه‌ن. من نامه‌وێ له‌م مه‌سه‌لانه‌دا حوكمبدهم.) ئیتر ده‌ریكردن له دادگــا، ئه‌وســا خه‌ڵكه‌كه سۆستانیسی سه‌رۆكی كه‌نیشته‌كه‌یان گرتو له‌به‌رده‌می دادگا لێیاندا، به‌ڵام غالیون گوێی به‌مه نه‌دا.
گه‌ڕانه‌وه‌ی پۆڵس بۆ ئه‌نتاكیا
پۆڵس ماوه‌یه‌كی درێژ له‌كۆرنسوس مایه‌وه، دوای ئه‌وه‌ی سه‌ری تاشی لهشاری كه‌نخه‌ریا چونكه نه‌زری له‌سه‌ربوو، ماڵئاوایی له‌برایان كردو له‌گه‌ڵ پریسكلاو ئه‌كیلا به‌ڕێگای ده‌ریا به‌ره‌و سوریا ڕۆیشت. كاتێ گه‌یشتنه ئه‌فه‌سۆس پۆڵس له‌وێ به‌جێیهێشتن، چووه ناو كه‌نیشتی جوولهكهكانو گفتوگۆی له‌گه‌ڵ كردن. ئه‌وانیش داوایان لـێ‌كرد ماوه‌یه‌كی زیاتر لایان بمێنێته‌وه، به‌ڵام ئه‌و داوای لـێ‌بووردنی لـێ‌كردن، ماڵئاوایی لـێ‌كردن و ووتی: (گه‌ر خودا حه‌زبكات ده‌گه‌ڕێمه‌وه لاتان.) ئینجا به‌ڕێگای ده‌ریا ئه‌فه‌سۆسی به‌جێ‌هێشت، له‌مینای قه‌یسه‌ریه دابه‌زی، له‌وێوه سهركهوتو سڵاوی لهكۆمهڵهی باوه‌ڕداران كرد، ئینجا به‌ره‌و شاری ئه‌نتاكیا دابه‌زی، له‌وێ ماوه‌یه‌ك مایه‌وه. پاشان ڕۆیشت بۆ ناوچه‌كانی غه‌ڵاتیه‌و فریجیه، لهشارێكهوه ده‌چوو بۆ شارێكیكه هه‌تا ووره‌ی هه‌موو قوتابیه‌كان به‌رزكاته‌وه.
ئه‌پۆلۆس لهئهفسۆسو ئه‌خائیه
جووله‌كه‌یه‌كی خه‌ڵكی ئه‌سكه‌نده‌ریه ناوی ئهپۆلۆسبوو، هات بۆ شاری ئه‌فه‌سۆس، زمان پاراو و شاره‌زابوو له‌كتێبی پیرۆز، شاره‌زاییه‌كی باشی له‌ڕێگای خوداوه‌ند هه‌بوو، هه‌روه‌ها له‌ڕۆح چالاكبوو، زۆر به‌ووردی سه‌باره‌ت به‌خوداوه‌ند عیسا خه‌ڵكی فێرده‌كردو ده‌دوا، هه‌رچه‌نده ته‌نها به له‌ئاوهه‌ڵكێشانی یه‌حیای ده‌زانی. كاتێ به‌چاونه‌ترسی له‌ناو كهنیشتدا ده‌ستیكرد به قسه‌كردن، ئه‌كـیلاو پریسكلا گـوێیان لـێ‌گرت، دوایی بردیانه لای خۆیانو به‌ووردتر ڕێگای خودایان بۆ ڕوونكردهوه. جا ئه‌پۆلۆس بڕیاریدا بچێ بۆ ناوچه‌ی ئه‌خائیه، برایان هانیانداو بۆ قوتابیه‌كانی ئه‌وێیان نووسی كه‌وا پێشوازی لـێ‌بكه‌ن. كاتێ گه‌یشته ئه‌وێ یارمه‌تیه‌كی زۆری ئه‌وانه‌یدا كه‌به‌هۆی به‌ره‌كه‌تی خوداوه باوه‌ڕیان هێنا بوو. چونكه به‌هێزی قسه‌كانی به‌ئاشكرا جووله‌كه‌كانی بێ‌ده‌نگ ده‌كرد، به‌كتێبی پیرۆز بۆی ده‌رده‌خستن عیسا مه‌سیحه.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.