Biblica® Open Sorani Kurdish Book of Life
سێیەم یۆحەنا 1
هه‌ڵسوكه‌وت له‌ڕاستی
له‌پیره‌كه‌وه، بۆ غایسی خۆشه‌ویست كه به‌ڕاستی خۆشم ده‌وێت.
خۆشه‌ویستم، هیوادارم له‌هه‌موو شتێك سه‌ركه‌وتوو بیتو ته‌ندروستیت باش بێت، هه‌روه‌ك ڕۆحت باشو ته‌واوه. چونكه زۆر دڵخۆشبووم به‌وه‌ی چه‌ند برایه‌ك هاتنو باسی دلسۆزی تۆیان كرد بۆ ڕاستی، هه‌روه‌ها چۆن له‌ڕاستی هه‌ڵسوكه‌وت ده‌كه‌یت. خۆشی له‌مه گه‌وره‌ترم نییه كاتێك گوێم لێبێت ڕۆڵه‌كانم هه‌ڵسوكه‌وت له‌ڕاستی ده‌كه‌ن. خۆشه‌ویستم تۆ هه‌موو شتێك بۆ براكانتو ئه‌و كه‌سانه‌ی نایانناسیت به‌سه‌رڕاستیه‌وه ده‌كه‌یت، ئه‌وانه‌ی له‌به‌رده‌م كۆمه‌ڵی باوه‌ڕداران شایه‌تییان له‌سـه‌ر خۆشه‌ویستی تۆ داوه، ئه‌وانه‌ی باش ده‌كه‌یت به‌و شێوه‌یه به‌ڕێیان ده‌كه‌یت كه خودا پێی خۆشه. چونكه له‌پێناوی ناوی مه‌سیح هاتوونه ده‌ره‌وه‌و هیچ شتێك له بێ‌باوه‌ڕان وه‌رناگرن. بۆیه پێویسته پێشوازی له‌كه‌سانی وه‌ك ئه‌وانه بكه‌ین تا به‌یه‌كه‌وه كار بكه‌ین بۆ ڕاستی. هه‌ندێ شتم بۆ كۆمه‌ڵی باوه‌ڕداران نووسیوه، به‌ڵام دیوتریفس كـه ده‌یــه‌وێت خـۆی بكات به یــه‌كـه‌م له‌نیۆانیان، پێمان ڕازی نابێت. بۆیه گه‌ر هاتم هه‌موو كرده‌وه‌و قسه خراپه‌كانی سه‌باره‌ت به‌منی ووتوه دهریدهخهم، هه‌روه‌ها به‌وه‌ش نه‌وه‌ستاوه، به‌ڵكو نایه‌وێ پێشـوازی له‌برایان بكاتو هه‌ر یه‌كێك پێشوازیان لێ‌بكات، ڕووبه‌ڕووی ده‌بێته‌وه‌و له‌كۆمه‌ڵه ده‌ریده‌كات.
دوای خراپه مه‌كه‌وه به‌ڵكو چاكه
خۆشه‌ویستم، دوای خراپه مه‌كه‌وه به‌ڵكو چاكه، چونكه ئه‌وه‌ی چاكه بكات له‌خودایه، ئه‌وه‌ش خراپه بكات خودای نه‌بینیوه. دیمتریوس له‌لایه‌ن هه‌موو كهسێكو له‌لایه‌ن ڕاستیشه‌وه شایه‌تی بۆ دراوه، منیش هه‌روه‌ها شایه‌تی بۆ دهدهمو ئێوه‌ش ده‌زانن شایه‌تی من ڕاسته. زۆر شت هه‌بوو بۆتانی بنووسم، به‌ڵام نامه‌وێ بهقهڵهمو مه‌ره‌كه‌ب بێت. به‌ڵكو ئومێده‌وارم به‌م زووانه بتبینم تا ڕووبه‌ڕوو قسه بكه‌ین.
داوای ئاشتیت بۆ ده‌كه‌م. براده‌ران سڵاوت لێدهكهن. تۆش سڵاو له‌یه‌كه یه‌كه‌ی براده‌ران بكه.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.