Biblica® Open Sorani Kurdish Book of Life
دووەم سالۆنیکی 3
داوای نوێژكردن
له‌كۆتاییدا ئه‌ی برایان، نوێژمان بۆ بكه‌ن، لێره‌ش ووشه‌ی خوداوه‌ند ڕێچكه‌ی خۆی وه‌رگرێ‌و شكۆدار بێت وه‌ك لای ئێوه. هه‌روه‌ها بمانپارێزێت لهمرۆڤی به‌دو خراپ، چونكه باوه‌ڕهێنان به‌شی هه‌موو كه‌س نییه. به‌ڵام خوداوه‌ند پشتی پێ ده‌به‌سترێ، به‌هێزتان دهكاتو ده‌تانپارێزێ لهخراپه. به‌هۆی خوداوه‌ند باوه‌ڕمان پێتان هه‌یه ئه‌وه‌ی ڕامانسپاردوون كارتان پێ‌كــردووه‌و كـاری پێ‌ده‌كه‌ن. با خوداوه‌ند خـۆشـه‌ویستی خـوداو ئارامگـرتنی مه‌سیحتان بخاته دڵ.
ئاگاداری بۆ ته‌مبه‌ڵه‌كان
ئه‌ی برایان به‌ناوی عیسای مه‌سیحی خــوداوه‌ندمــان فه‌رمانتان پێ ده‌ده‌ین، دووربكـه‌ونه‌وه له‌و خوشكو برایانه‌ی به‌ته‌مبه‌ڵی ده‌ژین، به‌پێچه‌وانه‌ی ئه‌و فێركردنانه‌ی له‌ئێمه وهریانگـرتووه. ئێوه باش ده‌زانن چۆن ده‌بێ ئێمه بكه‌ن به‌نموونه بۆ خۆتان، چونكه ئێمه ته‌مبه‌ڵ نه‌بووین كاتێ له‌ناوتان بووین، هیچ نانێكمان به‌خۆڕایی لای كه‌س نه‌خواردووه، به‌ڵكو شه‌و و ڕۆژ ڕهنجمانداوهو ماندووبووین تا نه‌بین به‌قورسایی به‌سه‌ر كه‌ستان. ئه‌مه‌ش ئه‌وه ناگه‌یه‌نێ مافی ئه‌وه‌مان نییه، به‌ڵكو بۆ ئه‌وه‌ی خۆمان بكه‌ین به‌نموونه بۆتان تا له‌سه‌ر ڕێگای ئێمه بڕۆن. كاتێ له‌ناوتان بووین ئه‌م ڕاسپارده‌یه‌مان پێتانداوه: (ئه‌وه‌ی كار نه‌كات ناخوات.)
چونكه بیستوومانه هه‌ندێك له‌ناوتان به‌ته‌مبه‌ڵی دهژینو هیچ كارێك ناكه‌ن، ده‌ست له‌كاروباری خه‌ڵكی وه‌رده‌ده‌ن. ئه‌وانه به‌ناوی عیسای مه‌سیحی خوداوه‌ند فه‌رمانیان پێ دهدهینو ئاگاداریان ده‌كه‌ینه‌وه، به‌بێ‌ده‌نگی كار بكهنو نانی خۆیان په‌یدا بكه‌ن. جا ئه‌ی برایان ماندوو مه‌بن له‌كاری چاكه.
گه‌ر یه‌كێك له‌ناوتان گوێڕایه‌ڵ نه‌بوو بۆ ئه‌و ووشانه‌ی له‌م نامه‌یه دایه، ئاگاداری بنو په‌یوه‌ندی له‌گه‌ڵ مه‌به‌ستن تا شه‌رمه‌زار بێت. به‌ڵام وه‌ك دوژمن سه‌یری مه‌كه‌ن، به‌ڵكو ڕێی نیشانبدهنو ئاگاداری بكه‌نه‌وه وه‌ك برایه‌ك.
سڵاوی كۆتایی
ئێستا داوا لهخوداوهندی ئاشتی ده‌كه‌م له‌هه‌موو كاتو بارودۆخێك ئاشتی خۆی ببه‌خشێ پێتان. خوداوه‌ند له‌گه‌ڵ هه‌مووتان بێت.
من پۆڵسم ئه‌م سڵاوانه به‌خه‌تی خۆم ده‌نووسم، ئه‌مه‌ش نیشانه‌یه‌كی دیاره، له‌هه‌موو نامه‌یه‌كی من ده‌ریده‌خات نووسینی منه. به‌ره‌كه‌تی عیسای مه‌سیحی خوداوه‌ندمان له‌گه‌ڵ هه‌مووتان بێت.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.