Biblica® Open Sorani Kurdish Book of Life
یەکەم تیمۆساوس 1
لهپۆڵسهوه نێراوی عیسای مه‌سیح بهفهرمانی خودای ڕزگاركهرمانو عیسای مه‌سیح كه هیوامانه، بۆ تیمۆساوس ڕۆڵه‌ی ڕاسته‌قینه‌م له‌باوه‌ڕ. با بهرهكهتو بهزهییو ئاشتی خودای باوكو عیسای مه‌سیحی خوداوه‌ند له‌گه‌ڵت بێت.
مه‌ترسی فێركردنی خراپ
كاتێ بۆ ناوچه‌ی مه‌كدۆنیا چووم، داوام لـێ‌كردی له‌شاری ئه‌فه‌سۆس بمێنیته‌وه، تا له‌وێ ئه‌وانه ڕاسپێری كه خه‌ڵكی فێری فێركردنێك ده‌كه‌ن له‌گه‌ڵ فێركردنی ئێمه ناگونجێتو گوێ‌نه‌ده‌ن به‌شتی ئه‌فسانه‌و باسی ڕه‌چه‌ڵه‌ك كه كۆتایی نییه، چونكه ئه‌و شتانه ده‌بێته هۆی ده‌مه‌قاڵێ‌و ناكۆكی، نایه‌ڵێ خواستی خودا پێشبكهوێت ئه‌وه‌ی له‌باوه‌ڕه. مه‌به‌ستی ئه‌م ڕاسپارده‌یه خۆشه‌ویستییه لهدڵێكی پاكو ویژدانێكی چاكو باوه‌ڕێكی بێ دووڕوویی هه‌ڵقووڵا بێ. هه‌ندێ كه‌س ڕوویان وه‌رگێڕاوه له‌م شتانه، لایان باشتره ڕووبكه‌نه قسه‌ی هیچو پووچ، ئه‌وانه ده‌یانه‌وێ ببن به مامۆستای شه‌ریعه‌ت، هه‌رچه‌نده ئه‌وه‌ی دهیڵێنو بڕیاری بۆ ده‌ده‌ن تێیناگه‌ن.
ئێمه ده‌زانین شه‌ریعه‌ت خۆی شتێكی چاكه، گه‌ر یه‌كێك به‌ڕاستی وه‌ك شه‌ریعه‌ت به‌كاری بهێنێتو بزانێ شه‌ریعه‌ت بۆ مرۆڤی ڕاستودروست دانه‌نراوه، به‌ڵكو بۆ بهدكارانو یاخیبووان، خودانهناسانو گوناهباران، پیسو گڵاوه‌كان، دایكوباوك كوژان، خوێن ڕێژه‌كان، بۆ داوێنپیسانو هه‌تیوبازان، ڕفێنه‌ری خه‌ڵكی، درۆزنو سوێندخۆرانی به‌درۆ، ئه‌وانه‌ی دژی فێركردنی ڕاستن، ئه‌وه‌ی له‌گه‌ڵ مزگێنی شكۆداری خودای پیرۆز ڕێك ده‌كه‌وێ، ئه‌وه‌ی خودا به متمانه پێی به‌خشیووم.
سوپاسكردن بۆ به‌زه‌یی خودا
سوپاسی عیسای مه‌سیحی خوداوه‌ندمان ده‌كه‌م كه هێزی پێم بهخشیووهو كردوومی بهجێگهی بڕوای خۆی، دهستنیشانیكردم بۆ خزمهتكردنی. هه‌رچه‌نده جاران كفرم به‌رامبه‌ر كردووه‌و چه‌وساندومه‌وه‌و جنێوم پێ‌داوه. به‌ڵام به‌زه‌یی پێمهاتهوه، چونكه به نهزانیو بێ باوه‌ڕی ئه‌و كارانه‌م كردبوو، له‌گه‌ڵ ئه‌وه‌ش خوداوه‌ند به‌ره‌كه‌تی خۆی به‌سه‌رمدا ڕژاند له‌گه‌ڵ باوه‌ڕو خۆشه‌ویستی ئه‌وه‌ی له‌عیسای مهسیحدایه.
بێ‌گومان ئه‌م قسه‌یه ڕاسته‌و شایانی قبووڵكردنه: (عیسای مه‌سیح هاتووه بۆ جیهان بۆ ڕزگاركردنی گوناهباران)، كه من یه‌كه‌میانم. هه‌ر له‌به‌رئه‌وه بوو خودا به‌زه‌یی پێمداهاتهوه، تا یه‌كه‌مجار له‌من ده‌ركه‌وێ عیسای مه‌سیح چه‌ند ئارامیگرتوو، هه‌روه‌ها من بكات به نموونه‌یه‌ك بۆ ئه‌وانه‌ی باوه‌ڕی پێ‌ده‌هێنن بۆ بهدهستهێنانی ژیانی هه‌تاهه‌تایی. بۆ پادشای زه‌مانه‌كان، نه‌فه‌وتاو و نه‌بینراوه، خودای تاكو ته‌نیا، ڕێزدارو شكۆدار بێت تاهه‌تایه! ئامین.
كوڕم تیمۆساوس، ئه‌م ڕاسپاردانه‌ت پێ‌ده‌سپێرم، به‌پێی ئه‌و پێشبینیانه‌ی له‌زووه‌وه ده‌رباره‌ی تۆ ووتراوه، تاوه‌كو به‌هۆی به‌دواچوونی ئه‌وانه‌وه بتوانی باش تێبكۆشی له جه‌نگی ڕۆحیدا، ئه‌مه‌ش به باوه‌ڕی به‌هێزو ویژدانی چاك ده‌بێت كه هه‌ندێكیان ڕه‌تیان كردۆته‌وه، به‌مه‌ش كه‌شتی باوه‌ڕیان تێكشكا. له‌وانه هیمینایۆسو ئه‌سكه‌نده‌ر، جا ئه‌وانم دایه ده‌ستی شه‌یتان، تا هۆشیان به‌خۆیان بێته‌وه‌و كفر نه‌كه‌ن.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.