Biblica® Open Sorani Kurdish Book of Life
یەکەم تیمۆساوس 2
نوێژكردن به كۆمه‌ڵ
له‌پێش هه‌موو شتێك داوا ده‌كه‌م، داخوازی به‌كوڵتان به‌رزبكه‌نه‌وه بۆ لای خوداو نوێژی بۆ بكهنو لێی بپارێنه‌وه‌و سوپاسی بكه‌ن بۆ هه‌موو خه‌ڵكی، هه‌روه‌ها بۆ پادشاو ده‌سه‌ڵاتداره‌كان، تا به هێمنیو ئاشتی بژین به خوداترسیو ڕێزه‌وه. ئه‌مه‌ش شتێكی چاكو په‌سه‌ندكراوه لای خودای ڕزگاركه‌رمان، ئه‌وه‌ی ده‌یه‌وێ هه‌موو خه‌ڵكی ڕزگاریان بێتو بۆ ڕاستی ناسین بێن. چونكه هه‌ر یه‌ك خودا هه‌یه‌و یه‌ك پهیوهندیرێكخهر هه‌یه لهنێوان خوداو مرۆڤدا، ئه‌ویش عیسای مه‌سیحی مرۆڤه. ئه‌وه‌ی خۆی بهختكرد وه‌ك كه‌فاره‌ت بۆ هه‌مووان، شایه‌تی ئه‌مه‌ش له‌كاتی خۆی بوو، خودا منی كردووه به مزگێنیدهرو نێرراوی خۆی بۆ ئه‌مه. من ڕاستیتان پێ دهڵێمو درۆ ناكه‌م، فێركه‌ری باوه‌ڕو ڕاستیم بۆ گه‌لان.
ده‌مه‌وێ پیاوان لهههموو شوێنێك نوێژ بكه‌ن، ده‌ستی پاكیان به‌رزبكه‌نه‌وه بێ تووڕهییو ناكۆكی. ژنانیش با خۆیان به جلێك بڕازێننه‌وه ڕێزو ئابڕووی تیابێت، نه‌ك خۆیان برازێننه‌وه به پرچی ئه‌گریجه‌كراو و بهزێڕو مرواریو جلی گرانبه‌هاوه، به‌ڵكو به كرداری چاك شایانی ژنێكی لهخواترس بێت.
ژن ده‌بێت به بێدهنگیو ملكه‌چی فێر بێت. من ڕێگا ناده‌م به‌ژن خه‌ڵكی فێربكاتو زاڵ بێت به‌سه‌ر پیاو، به‌ڵكو ده‌بێت بێ‌ده‌نگ بێت، چونكه خودا یه‌كه‌مجار ئاده‌می دروستكرد ئینجا حه‌وا، هه‌روه‌ها ئاده‌م نه‌بوو هه‌ڵخه‌ڵه‌تا، به‌ڵكو ژن بوو هه‌ڵخه‌ڵه‌تاو كه‌وته گوناهه‌وه. به‌ڵام ژن به منداڵبوون ڕزگاری ده‌بێت گه‌ر له‌سه‌ر خۆشهویستیو باوه‌ڕو پیرۆزیو ڕه‌فتار جوانی به‌رده‌وام بێت.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.